Connect with us

تازه خبرونه

د یونان د ساحلي سیمې د بېړۍ د ډوبیدو په زیانمنو کې افغان وګړي هم شته

خپور شوی

د

په ایتالیا کې د افغانستان سفارت د دوشنبې پر ورځ ( د غبرګولي ۲۹ ) څرګنده کړې، چې د یونان ساحلي سیمې ته نږدې د کډوالو د یوې بېړۍ د ډوبېدو په پېښه کې افغان وګړي هم شته دي.

دا بېړۍ، چې ویل کیږي له ۴۰۰ څخه تر ۷۵۰ مسافر په کې سپاره ول؛ د تېرې چارشنبې پر ورځ د یونان له سویلي ښار پیلوس څخه شاوخوا ۸۰ کیلومتره لرې ډوبه شوې ده.

تر اوسه د یوناني چارواکو لخوا د ۷۸ کسانو مړینه او د ۱۰۴ نورو ژغورل منل شوي دي.

په ایتالیا کې د افغانستان سفارت له افغانانو غوښتي، چې په ناامنه اوبو او له ګڼې ګوڼې ډکو بېړیو کې دې له ناقانونه سفر ډډه وکړي.

د سفارت په اعلامیه کې راغلي: مونږ له خپلو مهاجرو هېوادوالو غواړو، چې د قاچاق پر نړیوالو شبکو د ځان پر بیه باور ونه‌کړي. سربېره پردې لکه څنګه، چې ګورو د مهاجرینو او کډوالو مخ پر زیاتېدونکي شمېر د ازادو اوبو دغه ناقانونه لار غوره کړې او د توپاني هوا له خطرونو سره مخ شوي؛ ځکه، چې  سفرونه اوږدیږي. په ځانګړي توګه کله، چې وروستی منزل ایتالیا وي.

تازه خبرونه

د افغانستان او پاکستان شخړه د حق او باطل له نظره ووینئ – مفتي ندوي

د نوموړي د څرګندونو له مخې؛ د پاکستان پوځ د خپلو خلکو د ګټو پر ځای د بهرنیو قدرتونو له اهدافو سره سم حرکت روان ساتلی دی.

Published

on

د هند نومیالی دیني عالم مفتي سلمان احمد ندوي په خپل یوټیوب چینل کې د ۱۴ دقیقو ویډیوي وینا پر مهال د افغانستان او پاکستان ترمنځ د وروستیو کړکېچونو او شخړو په اړه د پاکستان پر پوځي رژیم سختې نیوکې کړي او کړنې یې «تېری‌کوونکې او بې رحمه» بللې دي.  

د نوموړي د څرګندونو له مخې؛ د پاکستان پوځ د خپلو خلکو د ګټو پر ځای د بهرنیو قدرتونو له اهدافو سره سم حرکت روان ساتلی دی.

دې دیني عالم دا ټینګار هم کړی؛ د افغانستان اسلامي امارت له خپلې خاورې او هغه نظام دفاع کوي، چې ظلم او تېری پرې “پوځي یرغل” بولي او دا یې مشروع  هم حق دی.

دغه راز هغه په ​​پاکستان کې پر ځینو دیني عالمانو او سیاسي شخصیتونو هم نیوکه کړې او د سیمې د وروستیو بدلونونو په اړه یې د هغو د دریځونو پر بیاکتنه ټینګار وکړ.

مفتي ندوي په پای کې له ټولو مسلمانانو وغوښتل: اوسني پرمختګونه دې پر “بصیرت” وڅاري او د هغه څه پر وړاندې، چې هغه یې “بهرنی ظلم او نفوذ” بولي؛ شعوري دریځ خپل کړي.

Continue Reading

تازه خبرونه

په خاص کونړ کې د پاکستاني پوځي رژيم د هوایي برید له کبله ۵ ملکي وګړو ته مرګ او ژوبله اوښتې

د دې ولسوالۍ ولسوال  ذاهد الله فاتح هم ويلي دغه بريد تېره شپه اته بجې شوې دی.

Published

on

Last Updated on: کب ۱۲, ۱۴۰۴

د کونړ ولایت د خاص کونړ ولسوالۍ امنیه قومندانۍ ویاند فرید دهقان ویلي؛ پاکستاني پوځي رژيم د بريدونو په لړ کې د هجرت‌آباد راستنېدونکو کډوالو کمپ پر نښه شوی، چې له کبله یې درې ماشومان شهیدان او دوه نور ټپیان دي.

د دې ولسوالۍ ولسوال  ذاهد الله فاتح هم ويلي دغه بريد تېره شپه اته بجې شوې دی.

دا په داسې حال کې ده، چې افغان چارواکو ويلي؛ د پاکستان پوځ د مخامخ جګړې توان له لاسه ورکړی، ځکه ولسې وګړي پر نښه کوي.

Continue Reading

تازه خبرونه

کرزي او عبدالله د ایران د رهبر پر مړینه خواخوږي څرګنده کړه

د راپورونو له مخې؛ امریکا او اسرائیلو د شنبې پر ورځ پر څو ایراني ښارونو ګډ بریدونه وکړل، چې په کې د ایران رهبر او څو نور لوړ پوړي چارواکي ووژل شول.

Published

on

د افغانستان پخواني ولسمشر حامد کرزي او د پخلاینې عالي شورا پخواني مشر عبدالله عبدالله د ایران د ستر رهبر آیت الله علي خامنه‌یي پر مړینه خپله خواخوږي او خواشیني څرګنده کړې ده.

د راپورونو له مخې؛ امریکا او اسرائیلو د شنبې پر ورځ پر څو ایراني ښارونو ګډ بریدونه وکړل، چې په کې د ایران رهبر او څو نور لوړ پوړي چارواکي ووژل شول.

حامد کرزي په ایکس پاڼه کې لیکلي: ” له نوموړي څخه د افغانانو پرله‌پسې ملاتړ ستایم او د ایران له شریفو خلکو سره خپل پیوستون څرګندوم. زه د دې پېښې د شهیدانو لپاره دعا کوم او د ایران د دوست او ورور هېواد لپاره د سولې، امنیت او پرمختګ هیله لرم.”

عبدالله عبدالله هم په فیسبوک پاڼه کې لیکلي: « د ایران د رهبر، د هغه د کورنۍ د ځینو غړو او ملګرو او وروستیو شهیدانو شهادت خواشیني کړی یم.»

هغه له الله پاک څخه د قربانیانو کورنیو او د ایران خلکو ته د صبر، زغم او لوی اجر غوښتنه کړې ده.

Continue Reading
Advertisement

Trending

Copyright © 2025 Ariana News. All rights reserved!