Connect with us

نړۍ

له ۴۰۰۰ ډېر مهاجر هسپانیې ته پرلاره ډوب شوي

Published

 on

(Last Updated On: مرغومی ۱۴, ۱۴۰۰)

رویټرز راپور ورکړی، چې په ۲۰۲۱ زېږدیز کال کې د ۲۰۵ ماشومانو په ګډون لږ تر لږه ۴۴۰۰ کډوال هسپانیې ته د تګ پر مهال ډوب شويٍ دي.

راپور زیاته کړې، چې د د دې هېواد پوله ساتونکیو پرون دوشنبه د مرغومي ۱۳ څرګنده کړې، چې دا شمېر د تېر کال پر پرتله دوه برابره ډېر شوی دی.

رویټرز په ډاګه کړې، خطرناکې لارې، بې کاره کښتۍ او د کډوالو سره د مرستې وېرې د ځینو کښتیو وېره د کډوالو د تلفاتو د ډېرېدو لاملونه ښودل شوي دي.

د هسپانیې د رسمي څرګندونو له مخې تېر کال هم ۳۹ زره ناقانونه کډوال د سمندر او ځمکې له لارې هسپانیې ته رسېدلي دي.

راپور زیاتوي، چې د تېر کال د ډسمبر تر ۲۰ نېټې په اتلانټیک بحر کې د هسپانیا کنري ټاپوګانو ته پرلاره په ۱۲۴ کښتیو کې  له ۹۰ سلنې ډېر کډوال ورک او یا مړه شوي دي.

د آفریقا ساحلي ټاپوګان له ۲۰۲۰ زېږدیز کال راپدیخوا د کډوالو لوی ځای ګرزېدلی دی.

د مهاجرت نړیوال سازمان د رویټرز ته څرګنده کړې؛ په ۲۰۲۱ کال کې ۹۵۵ کسان کنري ټاپوګانو ته د رسیدو په هیله ورک شوي دي.

هسپانیه د هغو کسانو شمېر نه ثبتوي، چې دې هېواد ته د رسېدو په هیله خپل خوږ ژوند له لاسه ورکوي. د دې هېواد کورنیو چارو وزارت هم په دې اړه معلومات ندي ورکړي.

نړۍ

په سوریه کې د ترکیې په هوايي بریدونو کې ۱۷ کسان وژل شوي دي

Published

on

(Last Updated On: زمری ۲۶, ۱۴۰۱)

د بشري حقونو یوه څارونکې پرون (سه شنبه د اسد ۲۵مه) وویل چې د سوریې پر سرحدي پوستو د ترکیې د هوايي بریدونو په پایله کې ۱۷ تنه جنګیالي وژل شوي دي.

په انګلستان کې میشته د سوریې د بشري حقونو د څار ډلې ویلي دي چې د دمشق چارواکو انقرې ته د غچ اخیستو ګواښ کړی دی.

د بشري حقونو سازمان ویلي، چې د ترکي ځواکونو په څو هوايي بریدونو کې ۱۷ جنګیالي وژل شوي، خو دا یې نه دي ویلي، چې وژل شوي کسان د سوریې د حکومت او که د کردانو له ځواکونو سره دي.

په همدې حال کې د سوریې رسمي خبري اژانس د دغه هېواد د پوځي چارواکو له قوله خبر ورکړی چې د ترکیې په هوايي بریدونو کې لږ تر لږه درې سوري پوځیان وژل شوي او شپږ نور ټپیان شوي دي.

دغه خبری آژانس همدا راز خبر ورکړی، چې «زموږ په پوځی پوستو باندې هر ډول برید، چې زموږ د پوځی ځواکونو له خوا اداره کیږی، په ټولو محاذونو کې به له مستقیم او سمدستی ځواب سره مخامخ شی.»

دا بریدونه د کردانو د کوباني ښار ته څېرمه ترسره شوي چې د ترکیې د ځواکونو او د سوریې د ډیموکراټیکو ځواکونو ترمنځ د شپې د نښتو ځای دی.

د ترکیې د دفاع وزارت ویلي دي چې کرد ځواکونو هم تیره شپه د ترکیې په خاوره برید وکړ چې په پایله کې يي یو تن ترکي عسکر ووژل شو.

د ترکیې د دفاع وزارت هم ویلي دي چې په ځوابي عملیاتو کې د سوریې په خاوره کې «۱۳ تنه ترهګر» وژل شوي او دا عملیات لا هم دوام لري.

ترکیې د روان کال د جولای د میاشتې له ۱۹ نیټې راهیسې په سوریه کې د کُرد جنګیالیو پر ضد په پراخه کچه بریدونه کړي دي، یوه ډله چې انقره یې د کردستان د کارګرانو له ګوند سره تړاو لري. ترکیې، اروپايي ټولنې او امریکا دغه سازمان تروریستي بللی دی.

Continue Reading

نړۍ

امریکا، جنوبي کوریا او جاپان د دفاعي توغندیو ګډه روزنه ترسره کړه

Published

on

(Last Updated On: زمری ۲۵, ۱۴۰۱)

له پنځو کلونو وروسته امریکا، جنوبي کوریا او جاپان د شمالي کوریا او چین د ګواښونو په غبرګون کې د بالستیک توغندیو پر ضد ګډه دفاعي روزنه ترسره کړه.

پنټاګون د سې شنبې پر ورځ (د زمري پېنځه ویشتمه) اعلان وکړ، چې دغه هېواد له جنوبي کوریا او جاپان سره په ګډه د هاوايي له سواحلو د بالستیک توغندیو پر ضد دفاعي پوځي روزنه ترسره کړې ده.

د رویترز د څرګندونو له وخې، دا پوځي روزنه تېره اوونۍ ترسره شوې او ښيي، چې د شمالي کوریا او چین له ګواښونو سره د مقابلې لپاره د دغو درې هېوادونو ګډه روزنه یو ځل بیا پیل شوې ده.

د پنټاګون په څرګندونو کې راغلي: په دې څو مليتي پوځي روزنه کې، چې د اګست له ۸ څخه تر ۱۴ پورې د توغندیز ګواښ، د بالستیک توغندیو څارل او پوځي لاسوهنې د مخنیوي لپاره درې واړو هېوادونو د شمالي کوریا ننګونو ته د ځواب ویلو لپاره د ګډ امنیت ساتنې او د نړیوال قانون پر بنسټ د اړوند سیستم پیاوړتیا ته ژمن پاتې دي.

دا لومړی ځل دی، چې درې واړه هېوادونه له ۲۰۱۷ کال راپدیخوا ګډه پوځي روزنه ترسره کوي. د سیول او توکیو ترمنځ اړیکې په ۲۰۱۹ کې ډېرې خړې پړې وې. په ۱۹۴۵-۱۹۱۰ کلونو کې د کوریا ټاپو وزمه جاپان ونیوله او له همغه وخته پرې اړیکې تر ټولو ټیټې کچې ته رسېدلي دي.

کله، چې د جنوبي کوریا نوي محافظه کاره ولسمشر یون سوک یول د می په میاشت کې واک تر لاسه کړ؛ نو خپل دا ټینګار یې څرګند کړ، چې د ګډو پوځي روزنو له بیا پیلولو یا پراخولو سره به د شمالي کوریا  له ګواښونو سره د مقابلې لپاره له جاپان او امریکا سره اړیکې پراخې او پیاوړې کړي.

Continue Reading

نړۍ

روسیه او شمالي کوریا به دوه اړخیزې اړیکې نورې هم پراخه کړي – پوتین

Published

on

(Last Updated On: زمری ۲۴, ۱۴۰۱)

پیونګ یانګ دولتي رسنۍ د دوشنبې پر ورځ څرګنده کړې، چې د روسیې ولسمشر ولادیمیر پوتین د شمالي کوریا مشر کیم جونګ اون ته ویلي، چې دواړه هېوادونه به هر اړخیزې او رغنده دوه اړخیزې اړیکې پراخه کړي.

د شمالي کوریا  KCNA خبري آژانس څرګنده کړې؛ پوتین د شمالي کوریا د آزادۍ د ورځې په مناسبت کیم ته په یوه لیک کې په ډاګه کړې؛ نږدې اړیکې به د دواړو هېوادونو په ګټه وي او د کوریا تاپووزمې او د شمال ختیځې آسیا د سیمې د امنیت او ثبات په ټینګولو کې به هم مرسته وکړي.

رویترز د راپور له مخې؛ کیم هم پوتین ته یو لیک لیږلی، چې د روسیې او شمالي کوریا ملګرتیا په دوه یم نړیوال جنګ کې د جاپان له بریا سره رامنځته شوې، چې د کوریا تاپو وزمه یې نیولې وه.

کیم په لیک کې ویلي، د دواړو هېوادونو تر منځ ستراتیژیکه او تاکتیکي همکاري، ملاتړ او پیوستون له هغه وخت راپدیخوا یوې نوې کچې ته رسیدلی، چې د دوی ګډې هڅې د دښمن پوځي ځواکونو له خوا د ګواښونو او پارونو د مخنیوي لپاره دي. KCNA د دښمن ځواکونه په ګوته نه کړل، مګر دا په عموم ډول د متحده ایالاتو او د هغه متحدینو ته د راجع کولو لپاره دا اصطلاح کارولې.

کیم وړاندویېنه وکړه، چې د روسیې او شمالي کوریا ترمنځ همکاري به د هغه تړون پر بنسټ وده وکړي، چې په ۲۰۱۹ کې له پوتین سره د لیدنې پرمهال لاسلیک شوی دی.

Continue Reading

Trending

Copyright © 2022 Ariana News. All rights reserved!