Connect with us

تازه خبرونه

ولسمشر غني د پېنځلس سوه طالب بندیانو د خلاصون امر کړی

خپور شوی

 په

(Last Updated On: کب ۲۱, ۱۳۹۸)

ولسمشر غني د لوړي له پر ځای کولو یوه ورځ وروسته د پېنځلس سوه طالب بندیانو د خلاصون امر کړی، د خلاصون بهیر به یې  په څلور ورځو کې پیل شي او هره ورځ به سل بندیان له اداري پړاوونو تېرولو وروسته آزاد یږي.

د طالبانو او امریکا تر منځ د سولې هوکړه لیک اصلي برخه ۵۰۰۰ بندیان دي، چې تېره اوونۍ دواړو خواوو پرې لاسلیک کړی و. په داسې حال کې، چې ښاغلي غني ور سره د مخالفت تر څنګ ویلي، چې هیڅوک نشي کولی افغان دولت دې کار ته اړ کړي او په خبره یې د دومره شمېر بندیانو خلاصول نه یوازې وخت غواړي، بلکې ټول حقوقي پړاوونه باید بشپړ کړي؛ خو اوس یې دا فرمان صادر کړی دی.

د دې فرمان له مخې له  خوشې شویو بندیانو ژمنه اخیستل کیږي، چې بیا به جنګي لیکو ته نه ځي. د دې فرمان له مخې، د بندیانو خلاصون به د بایومتریک بهیر تر بشپړیدو وروسته وشي. د طالبانو د بندیانو خلاصون او د سزا معافي د ښه نیت په خاطر کیږي او د دوي خلاصون به د کب له څلیریشتمې نېټې څخه د پروان له توقیف خونې پیل شي. دهغوی خلاصون به د عمر، روغتیایي حالت او د بند پاتې مودې ته په کتو  تر سره شي. وروسته د دولت او طالب استازیو د مخامخ خبرو اترو په لړ کې به په  هرو دوه اوونیو کې به پېنځه سوه بندیان، چې ټول درې نیم زره کسان کیږي، په دې شرط، چې د تاوتریخوالي کچه به را ټیټیه او خوشې شي.

د ملي امنیت شورا دفتر د دې فرمان د  پلي کیددو مسوولیت لري.

ولسمشرۍ ماڼۍ ویاند صدیق صدیقي ویلي، له دې بندیانو لیکلې ژمنه اخیستل کیږي، چې بیا به د جګړو ډګر ته نه ځي.

په دوحه کې د طالبانو د سیاسي دفتر ویاند سهیل شاهین ویلي، د بندیانو د خلاصون لپاره نوې پرېکړه له امریکا سره د سولې هوکړه لیک خلاف ده.

د نوموړي د څرګندونو له مخې؛ د بندیانو خلاصون یې د خبرو د پیل لپاره مخکې شرط دی.

د طالبانو پخوانی غړی سید اکبر آغا ویلي، چې د بندیانو لومړۍ جوپه د را روانې اوونۍ د شنبې پر ورځ پیلیږي او تر هغې، چې ۵۰۰۰ بندیان خلاص شوي نه وي؛ خپلمنځي خبرې نه پیلیږي. طالبان د بندیانو د خلاصون لپاره پلاوی ټاکي او د نوملړ له مخې خپل بندیان تسلیموي.

د افغانستان سولې لپاره د امریکا ځانګړي استازي د پېنځه زره طالب بندیانو د خلاصون په برخه کې د ولسمشر فرمان ته په نغوته کې وایي، چې دا بندیان به د هغه نوملړ له مخې، چې طالبانو ورکړی، د راتلوونکې اوونۍ د شنبې له ورځې خوشې شي. طالبانو له وړاندې هوکړه کړې، چې د دولت زر بندیان به خوشې کړي.

تازه خبرونه

زیربنا: له یوه اماراتي شرکت سره د افغانستان د درې هوایي ډګرونو د ځمکنيو چارو د ترسره کولو تړون

خپور شوی

په

توسط

(Last Updated On: غبرګولى ۴, ۱۴۰۱)

Continue Reading

تازه خبرونه

په کابل کې چاودنې ۲۷ کسانو ته مرګ و ژوبله اړولې

خپور شوی

په

توسط

(Last Updated On: غبرګولى ۴, ۱۴۰۱)

د کابل ایمرجنسي روغتون د راپور له مخې؛ نن ماښام د کابل ښار د څلورمې امنیتي حوزې په یوه جومات کې د چاودنې له کبله لږ تر لږه پېنځه کسان وژل شوي او ۲۲ نور ټپیان دي.

کورنیو چارو وزارت پېښه تائید کړې او څرګندوي، چې دغه چاودنه د کابل ښار د څلورمې امنیتي حوزې اړوند د ترافیکو څلور لاري ته نږدې په زکریا نومي جومات کې رامنځته شوې، چې ۱۸ کسان ترې تبیان دي او ۶ نور وژل شوي دي.

تر اوسه کومې ډلې د دې چاودنې مسوولیت ندی منلی.

Continue Reading

تازه خبرونه

د نویو پاسپورتونو د چاپ چارې مخ پر بشپړېدو دي ـ اسلامي امارت

خپور شوی

په

توسط

(Last Updated On: غبرګولى ۴, ۱۴۰۱)

د افغانستان اسلامي امارت د کورنیو چارو وزارت د پاسپورتونو عمومي ریاست څرګنده کړې، چې په افغانستان کې د پاسپورټونو د چاپ چارې مخ پر بشپړېدو دي او په راتلونکیو څو ورځو کې به لسګونه زره پاسپورټونه ترلاسه شي.
دغه ریاست د چارشنبې پر ورځ امریکا غږ ته ویلي، چې په لیتوانیا کې درې میلیون ټوکه نوي پاسپورټونه چاپ شوي او د ملګرو ملتونو په همکارۍ به په دوه اوونیو کې کابل ته راولېږدول شي.
د پاسپورتونو د عمومي ریاست د رسنیو مسوول شفیع الله تسل امریکا غږ ته ویلي، چې یاد شمېر پاسپورټونه د لیتوانیا د یوې کمپنۍ لخوا چاپ شوي او حکومت یې پیسې هم ورسپارلې دي.
شفیع الله تسل زیاته کړې، چې اوسمهال د پاسپورټونو د رالېږدولو په اړه خبرې روانې دي او په دې اړه یې له یوناما سره خبرې کړې دي.
هغه وایي، چې افغانستان ته د دغو پاسپورټونو له رالېږد سره باید «سیاسي» چلند ونشي.
اسلامي امارت د پاسپورتونو د نشتوالي له کبله له یوې میاشتې راپدیخوا له پېنځلس کلنۍ څخه پورته کسانو ته لس کلن پاسپورټونه وېشي.
یاد ریاست د وري پر ۲۹ ویلي وه، چې له ۱۵ کلونو څخه کم عمر لرونکيو اړتیا وړ کسانو ته به پېنځه کلن پاسپورټ ورکړ شي.
اسلامي امارت د پېنځه کلن پاسپورټ لپاره ۵۰۰۰ افغانۍ او د لس کلن پاسپورټ لپاره ۱۰۰۰۰ افغانۍ اخلي.
اوس له څو اوونیو راپدیخوا د افغانستان په ټولو ولایتونو کې د پاسپورټونو د وېش لړۍ بنده شوې او اسلامي امارت یوازې په کابل کې روانه ساتل شوې ده.
د افغانستان د کورنیو چارو وزارت د پاسپورتونو عمومي ریاست وايي، کابل ته د پاسپورټونو له رارسېدو سره به په ټولو ولایتونو کې د پاسپورټونو د وېش لړۍ بیا پیل شي.
دغه رياست دوه ورځې وړاندې ويلي وه، چې په دې وروستيو کې يو شمېر کسانو په “ګاونډ هېوادونو” کې جعلي پاسپورټونه چاپ کړي او په غير قانوني ډول يې د پيسو په بدل کې عامو خلکو ته وېشلي دي.
د دغه رياست د څرګندونو له مخې، یو شمېر دغه خېتور د اسلامي امارت کشفي ځواکونو نيولي او تر پوښتنو لاندې دي.

Continue Reading

Trending

Copyright © 2022 Ariana News. All rights reserved!