Connect with us

لوبی

په آسیا جام کې د کرکت ملي لوبغاړیو د ګډونوالو نوملړ اعلان شو

Published

 on

(Last Updated On: زمری ۲۶, ۱۴۰۱)
د افغانستان کرکت بورد غوراوي کمېټې د سې شنبې پر ورځ د زمري ۲۵ د آسیا جام راتلونکیو سیالیو ته د ۱۷ لوبغاړیو د نوملړ اعلانولو ترڅنګ دې لوبو ته درې احتیاطي لوبغاړي هم په پام کې نیولي دي.
په دغه نوملړ کې رحمان الله ګربز (ویکټ کیپر) عثمان غني، ابراهیم ځدراڼ، نجیب الله ځدراڼ، حشمت الله شهیدي، افسر ځاځي ( ویکت ساتونکی، محمد نبي( لوبډلمشر) کریم جنت، عظمت الله عمرزی، سمیع الله شینواری، راشد خان، فضل الحق فاروقي، فرید احمد ملک، نوین الحق، نور احمد او مجیب الرحمن او فضلي شته دي.

قیس احمد، شرف الدین اشرف او نجات مسعود اوس هم په احتیاطي لیست کې دي.

ټاکل شوې د آسیا جام سیالۍ د اګست پر ۲۷ په عربي متحده اماراتو کې پیل شي او د روان کال د سپتمبر تر یوولسمې به روانې وي.

د غوراوي کمیتې غړي نورالحق ملکزي د لوبغاړیو د نوملړ په اړه ویلي: د آسیا جام سیالۍ زمونږ لپاره ارزښتمنې دي، له همدې کبله مو دغو لوبو ته پیاوړي لوبغاړي غوره کړي دي؛ سربېره پر دې سمیع الله شینواری هم په دغه نوملړ کې راغلی دی. د توپ اچونې په برخه کې د هغه لوبغاړیو په شتون کې، چې پخوا حشمت الله شهیدي، ابراهیم ځدراڼ، نجیب الله ځدراڼ او محمد نبي په کې شامل دي، د هغه په ​​شتون کې شک لا نور هم پیاوړی کېږي. که څه هم سمیع الله شینواري د ۲۰۲۰ کال له مارچ میاشتې راپدیخوا په نړیوالو لوبو کې برخه نده اخیستې؛ خو په شپږیزه کرکت لیګ کې ښه ځلیدلی او په منځني ترتیب کې له لوبډلې سره د ده شتون د قدر وړ دی.

دمګړۍ افغان لوبغاړي په ایرلیند کې کې مېشت دي. له پېنځمې او وروستۍ لوبې وروسته، چې د چارشنبې پر ورځ ترسره کېږي د افغانستان د کرکت ملي لوبډله به د جمعې پر ورځ عربي متحده اماراتو ته ولاړه شي.

د آسیا لیګ سیالیو په (الف) ګروپ کې؛ هند، پاکستان، عربي متحده امارات، هانګ کانګ، کویټ او سینګاپور لوبډلې سیالۍ ته لار مومي او افغانستان، بنګله دېش او سریلانکا په (ب) ګروپ کې دي.

افغان لوبډله به خپله لومړۍ لوبه د روانې اګست میاشتې پر ۲۷ نېټه په دوبۍ کې له سریلانکا سره او دوه یمه لوبه به د همدې میاشتې پر ۳۰ نېټه په شارجه کې له بنګله دېش سره ترسره کړي.

لوبی

د افغانستان کرکت ملي لوبډله نړیوال جام  ته د چمتووالي لپاره اماراتو ته ولاړه

Published

on

(Last Updated On: تله ۲, ۱۴۰۱)

د افغانستان کرکت بورد ويلي، چې نن (پنجشنبه د وږي ۳۱ ) د هېواد ملي لوبډلې لوبغاړي شل آوریز نړیوال جام سیالیو ته د چمتووالي لپاره  عربي متحده اماراتو ته ولاړل.

د کرکت بورد د څرګندونو له مخې؛ افغان لوبډله به د عربي متحده اماراتو په روزنیز کمپ کې له څو ورځو روزنې وروسته آسټرالیا ته ولاړه شي.

نړیوال جام به د اکټوبر په ۱۶ پیل شي او د نومبر تر ۱۳مې به دوام وکړي.

افغانستان په لومړي ګروپ کې دی او د اکتوبر پر ۲۲ د انګلستان پر وړاندې خپل کمپاین پیلوي.

محمد نبي چې په دې وروستیو کې د ۲۰۲۲ کال آسیا جام په سیالیو کې د افغانستان لوبډلمشري کړې او په راتلونکیو نړیوالو سیالیو کې به یو ځل بیا د لوبډلمشرۍ دنده پر غاړه ولري.

سمیع الله شینواری، حشمت الله شهیدي، افسر ځاځي، کریم جنت او نور احمد چې ټول په آسیا جام کې لوبډلي؛ په نړیوال جام کې له لوبېدو بې برخې شوي.

دروېش رسولي، قیس احمد او ښی لاسی سلیم ساپی په نوملړ کې شامل شوي دي.

شل کلن صفی د لومړي ځل لپاره په نړیوالو لوبو کې د ګډون زیری تر لاسه کړی.

د دې سياليو لپاره د نورې روزنې او پوره چمتووالي لپاره به د آستراليا په لوبغالي کې روزنه روانه وساتي.

د آریانا تلویزیون شبکه به په افغانستان کې د افغان کرکت مینوالو لپاره ځانګړي حقونه ترلاسه کړي او دغه سیالۍ به په ژوندۍ بڼه خپروي.

د افغانستان د لوبو مهالوېش:

د اکتوبر ۲۲ – افغانستان د انګلستان پر وړاندې، پرت

د اکتوبر ۲۶ – افغانستان د نیوزیلند په وړاندې، میلبورن

28 اکتوبر – افغانستان د TBA په وړاندې، میلبورن

01 نومبر – افغانستان v TBA، بریزین

04 نومبر – افغانستان د آسترالیا پر وړاندې، آدلاید

Continue Reading

لوبی

د افغانستان او بنګله دېش د الف لوبډلو لوبلړ وځنډول شو

Published

on

(Last Updated On: وږی ۲۸, ۱۴۰۱)

ټاکل شوې وه، چې په راتلونکې میاشت کې د افغانستان د الف او د بنګله دېش د الف لوبډلو ترمنځ د کرکت لوبو لوبلړ پیل شوی وای؛ خو اوس دا لړۍ تر ناڅرګند وخته وځنډول شوه.

دغو سیالیو ته د ځوانو راتلونکیو لوبغاړیو ترڅنګ د ملي لوبډلې څو لوبغاړي هم غوره شوي وه.

د بنګله دیش کرکت بورد (BCB) د یکشنبې پر ورځ ویلي، چې دا پرېکړه افغانستان کړې ده.

د BCB اجرائیوي مشر نظام الدین چودري د یکشنبې پر ورځ بنګله دېشي رسنیو ته ویلي: دا د دوی خپله کورنۍ مسله ده.

هغه وایي، چې د افغانستان کرکت بورد د سياليو کوربتوب له کوره بهر کوي؛ نو شونې ده، چې څه   لوژیستیکي ستونزې به ولري. مونږ ډاډه نه یوو. دوی ویلي، چې غواړي وروسته د دې لوبو د لړۍ کوربتوب وکړي.

د BCB اجرائیوي مشر ویلي، چې دوی اوس هڅه کوي تر هغه وخته د بنګله دیش الف لوبډلې ته د لوبو د  اړوند لړۍ د اوږدې نسخې کوربتوب ته هڅې وکړي؛ خو نوموړي پدې اړه ډېر جزئیات ورنکړل.

د یادونې ده، چې د افغانستان کرکت بورد په دې اړه تر دې دمه څه ندي ویلي.

Continue Reading

لوبی

په آسیایي فوتبال لوبو کې افغانستان د عمان پر وړاندې بریالی شو

Published

on

(Last Updated On: وږی ۲۶, ۱۴۰۱)

د افغانستان د فوتبال د ۲۰ کلنو ملي لوبډلې د آسیایي ملتونو د غوراوي جام د لوبو په لړ کې د جمعې پر ورځ په خپله دوه یمه ګروپي سیالۍ کې عمان ته یو د صفر پر وړاندې ماتې ورکړه.

د افغانستان ۲۰ کلنو ځوانانو د ملي لوبډلې اړوند لوبغاړي امید رجبي په اته ویشتمه دقیقه کې د عمان لوبډلې پر وړاندې خپل زړه راکښونکی ګول ترسره او افغان لوبډله بریالۍ شوه، چې تر پایه د عمان د ګول وهنې مخه ونیسي.

له دې دوه یمې ګروپي لوبې مخکې په لومړۍ سیالۍ کې، چې د چارشنبې پر ورځ د وږي پر درویشتمه ترسره شوې ده؛ تایلند افغانستان ته درې د صفر پر وړاندې ماتې ورکړه.

د افغان ځوانانو درېیمه او وروستۍ ګروپي لوبه به د یکشنبې پر ورځ د وږي اووه ویشتمه د فلیپین د ملي لوبډلې پر وړاندې ترسره شي.

افغانستان له یوې بریا او یوې ماتې سره درې نمري لري او په دوه یم ځای کې تایلند د یوې لوبې له پر ترسره کولو درې نمرې لري؛ خو د دې ګروپ په سر کې دی او عمان له یوې ماتې او یوې بریا سره د درېیم مقام لرونکی دی.

د یادونې ده، چې افغانستان د دغو سیالیو بل پړاو ته د رسیدو لپاره باید د عمان پر کوربتوب له تایلند او فیلیپین څخه لوبې وګټي.

Continue Reading

Trending

Copyright © 2022 Ariana News. All rights reserved!