Connect with us

تازه خبرونه

په تېر یو کال کې له ۵۰ زره څخه زیاتو ښځینه متشبثو ته کاري جوازونه ورکړ شوي – عزیزي

د اقتصاد وزارت مسلکي مرستیال ولس ته د یاد وزارت د کلنی راپور وړاندې کولو پر مهال ويلي؛ په دې ملي پالیسۍ کې هڅه شوې د افغانستان اقتصادي نظام او پروژې د کورنیو عوایدو او مالي امکاناتو په اساس پرمخ ولاړې شي، چې هېواد له اقتصادي انزوا خلاص او یو تولیدي صادارتي او معیاري مسیر خپل کړي.

خپور شوی

د

Last Updated on: چنګاښ ۲۹, ۱۴۰۴

د صنایعو او سوداګرۍ وزارت ویلي، چې د افغانستان ناخالص کورنی تولید په تېر کال کې ۲.۷ سلنه زیات شوی او له ۵۰ زره څخه زیاتو ښځینه متشبثو ته کاري جوازونه ورکړشوي دي.

د اقتصاد وزارت مسلکي مرستیال ولس ته د یاد وزارت د کلنی راپور وړاندې کولو پر مهال ويلي؛ په دې ملي پالیسۍ کې هڅه شوې د افغانستان اقتصادي نظام او پروژې د کورنیو عوایدو او مالي امکاناتو په اساس پرمخ ولاړې شي، چې هېواد له اقتصادي انزوا خلاص او یو تولیدي صادارتي او معیاري مسیر خپل کړي.

 دغه راز د اقتصاد وزارت مسوولینو زیاته کړې؛ په دې ملي اقتصادي پالیسۍ کې د کورنیو تولیداتو ملاتړ، صنعتي پراختیا او له سیمه‌ییزو او نړیوالو احتمالي بدلونونو څخه د هېواد د اقتصادي نظام خوندیتوب يي له محوري موضوعاتو څخه دي.

اقتصاد وزارت زیاتوي، دوی توانیدلي، چې د ښه مدیریت له مخې په سیمه او ګاونډ کې د هېوادونو له ستونزو سره – سره د افغانستان اقتصادي خوندیتوب تامین او خپلي اړیکې یې منظمې کړې دي.

د اقتصاد وزارت مسلکي مرستیال عبداللطیف نظري ویلي: «ځینو هېوادونو هڅه کوله، چې د افغانستان اقتصادي مسیر تر خپل اغېز لاندي وساتي؛ خو افغانستان وتواند، خپل جغرافیايي موقعیت او مسلکي چلند له مخې په خپلواکه توګه د هېواد اقتصادي مسیرونه تعریف او وټاکي، چې اوس هماغه هېوادونه غواړي له مونږ سره ښې اقتصادي اړیکې ولري».

د اقتصاد وزارت د غیر دولتي موسسو ریاست عمومي رییس عبدالسلام اشرفي د څرګندونو له مخې؛ تېر کال يې د ټولو امارتي ادارو په وسیله په هېواد کې ۳۷۰ پراختیايي پروژې، ۸۷۳ فرعي پروژې پلي کړې دي.

د اقتصاد وزارت ویاند عبدالرحمان حبیب ویلي؛ په هېواد کې دوه زره او ۶۴۰ نادولتي موسسي فعالیت لري، چې ۲۸۰ يز بهرنۍ دي او د سلګونه پلي کړو پروژو ټول لګښت یې ۶۹۵ میلیون امریکايي ډالره دی.

د اقتصاد وزارت مسوولینو له ټولو نادولتي موسسو غوښتي، چې په هېواد کې پر هغو پروژو تمرکز زیات کړي، چې د افغانانو پر ملي اقتصاد مثبت اغېز کولی شي.

ویل کیږي، چې نادولتي موسسې باید په هغو سیمو کې فعالیتونه پراخ کړي، چې په تېرو شل کلونو کې ورته خدمات ندي وړاندې شوي، چې له دې سره د متوازنې پراختیا زمینه برابره شي.

تازه خبرونه

یو میلیون افغان ماشومان د خوارځواکۍ له کبله د مړینې له ګواښ سره مخ دي- یونیسف

یونیسف د سې‌شنبې پر ورځ ویلي، چې په ټول افغانستان کې شاوخوا ۳.۷ میلیون ماشومان له ډنګرېدا یا حادې خوارځواکۍ سره مخ دي.

Published

on

د ملګرو ملتونو د ماشومانو وجهي صندوق(یونیسف) خبرداری ورکړی، چې په افغانستان کې شاوخوا یو میلیون ماشومان له سختې او ژوند ګواښوونکې خوارځواکۍ سره مخ دي او که بېړنۍ پاملرنه ورته ونهشي، ښايي خپل ژوند له لاسه ورکړي.

یونیسف د سې‌شنبې پر ورځ ویلي، چې په ټول افغانستان کې شاوخوا ۳.۷ میلیون ماشومان له ډنګرېدا یا حادې خوارځواکۍ سره مخ دي.

په افغانستان کې د یونیسف استازي تاج‌الدین ایوالي ویلي، شاوخوا یو میلیون ماشومان پر سختې خوارځواکۍ اخته دي، چې د حادې لوږې له تر ټولو خطرناکو بڼو څخه ده.

هغه په یوه خبري غونډه کې څرګنده کړې:« که درملنه یې ونه‌شي او هڅې چټکې نه‌کړو، یو میلیون ماشومان د مړینې له ګواښ سره مخ کیږي.»

ایوالي زیاته کړې، په ټول افغانستان کې د خوارځواکۍ کړکېچ د خرابېدا په حال کې دی او د روان کال له پیل راپدېخوا له ۵۰۰ زره څخه ډېرو ماشومانو د منځنۍ او سختې خوارځواکۍ له ګبله په روغتونونو کې روغتیايي پاملرنې ته اړتیا پیدا کړې ده.

د یونیسف د څرګندونو له مخې: نږدې ۴۰ سلنه هغه ماشومان، چې د سختې خوارځواکۍ او له هغې سره د تړلو روغتیايي ستونزو له کبله په روغتونونو کې بسترېږي؛ له شپږ میاشتو کم عمره ماشومان دي. همداراز له دوه کلونو کم عمره ماشومان د سختې خوارځواکۍ له ۸۰ سلنې څخه ډېر دي.

ایوالي ویلي، خوارځواکي په افغانستان کې د کم‌عمره ماشومانو د مړینې په زیاتېدا کې مهم رول لري.

دې وضعیت پر روغتونونو هم فشار زیات کړی دی.

د تېر کال په جولای کې د سختې خوارځواکۍ شاوخوا ۶ زره پېښې ثبت شوې وې؛ خو د سږ کال په جولای کې دا شمېر نږدې یو پر درېیمه برخه زیات شوی او له ۸ زره اوښتی دی.

ایوالي ویلي، د افغانستان په ځینو سویلي سیمو کې روغتونونه اوس په هره موجوده بستره کې درې یا څلور سخت خوارځواکي ماشومان مني.

Continue Reading

تازه خبرونه

د بګرامۍ او چارآسیاب ولسوالۍ د کابل ښار ناحیې کیږي

د کابل ښاروالۍ یوه چارواکي نعمت‌الله بارکزي بي‌بي‌سي ته ویلي، کابل په وروستیو کلونو کې هم د ښار د پراختیا او هم د لوړپوړیو ودانیو د جوړولو له پلوه د پام وړ وده کړې ده.

Published

on

 

کابل ښاروالۍ ويلي؛ د پلازمېنې د پراختیا د پروګرام په چوکاټ کې ټاکل شوې، چې بګرامي او چارآسیاب ولسوالۍ له کابل ښار سره یوځای او د دې ښار ناحیې شي.

د کابل ښاروالۍ یوه چارواکي نعمت‌الله بارکزي بي‌بي‌سي ته ویلي، کابل په وروستیو کلونو کې هم د ښار د پراختیا او هم د لوړپوړیو ودانیو د جوړولو له پلوه د پام وړ وده کړې ده.

بارکزی وایي:« کابل ښار یوازې په عمودي ډول نه پراخېږي، بلکې افقي پراختیا یې هم ډېره ښه شوې او د ګوګل نخشې له لارې لیدل کېدی شي. کابل ۲۲ ناحیې لري او په پام کې ده، چې بګرامي او چارآسیاب ولسوالۍ هم ورسره یوځای شي.»

کابل ښاروالۍ تر اوسه د دې طرحې د پلي کېدا د وخت په اړه څه نه‌دی ویلي.

بګرامي د کابل ښار له مرکز څخه شاوخوا ۱۵ کیلومټره لرې موقعیت لري.

چارآسیاب هم د ښار په سویل کې پرته ولسوالي ده، چې له مرکز څخه د سويلي ولایتونو پر لور یوه اصلي لار هم ده.

Continue Reading

تازه خبرونه

امیر خان متقي له کویټي سوداګریز شرکت سره د اقتصادي اړیکو پر پراختیا خبرې وکړې

د بهرنیو چارو وزارت د خبرپاڼې له مخې؛ امیرخان متقي د افغانستان او کویټ اړیکې تاریخي او مثبتې وبللې او د دواړو هېوادونو ترمنځ یې د هر اړخیزو اړیکو د پراختیا هیله څرګنده کړه.

Published

on

Last Updated on: وږی ۴, ۱۴۰۵

د بهرنیو چارو وزیر امیرخان متقي د کویټ د السایر سوداګریز شرکت له اجرائیوي مرستیال محمد ناصر السایر سره د افغانستان پر اوسني وضعیت، امنیت، ثبات او د سوداګرۍ او پانګونې رامنځته شویو فرصتونو خبرې کړې دي.

د بهرنیو چارو وزارت د خبرپاڼې له مخې؛ امیرخان متقي د افغانستان او کویټ اړیکې تاریخي او مثبتې وبللې او د دواړو هېوادونو ترمنځ یې د هر اړخیزو اړیکو د پراختیا هیله څرګنده کړه.

ناصر السایر هم افغانستان ته له خپل سفر خوښي څرګنده کړه او وایي، چې غواړي له افغانستان سره سوداګریزې اړیکې پیل کړي.

هغه ویلي، چې شرکت یې پلان لري له افغانستان څخه کویټ او نورو بازارونو ته وچې او تازه مېوې صادرې کړي.

دواړو لوریو د اقتصادي او سوداګریزو اړیکو پر پراختیا، د ګډې همکارۍ پر پیاوړتیا، د تګ راتګ پر آسانتیا او په افغانستان کې د شته پانګونې فرصتونو پر اغېزمنې کارونې ټینګار وکړ.

Continue Reading
Advertisement

Trending

Copyright © 2026 Ariana News. All rights reserved!