په خوست ولایت کې یو ډله‌ییز قبر وموندل شو

خپور شوی

2 years مخکي

سلواغه ۲۴, ۱۴۰۲

توسط

د خوست ولایت ښاروالۍ په دې ولایت کې شیخ زاید پوهنتون ته نږدې د یو ډله‌ییز قبر له موندلو خبر ورکړی، چې لږ تر لږه په کې ۱۰۰ مړي ښخ شوي دي.

د سیمه‌ییزو چارواکو د څرګندونو له مخې؛ د دوشنبې پر ورځ ( د سلواغې پر درویشتمه ) دغه ډله‌ییز قبر د څلبني په اړوند سیمه کې د اوبو د زېرمه کولو لپاره د یو بند د کېندنې پر مهال موندل شوی دی.

د ښاروالۍ د څرګندونو له مخې؛ دا کسان له خپلو جامو سره تر خاورو لاندې شوي، چې ښځې او ماشومان هم په کې دي.

د دې کسانو پېژندګلوي او د وژنې نېټه تر دې دمه په ډاګه شوې نه‌ده؛ خو ویل کیږي، چې يوې کمیټې په دې اړه خپلې څېړنې پيل کړې دي.

له دې مخکې هم د هېواد په بېلابېلو ولایتونو کې ډله‌ییز قبرونه موندل شوي دي.

Related Topics:#َAfghanistan #Kost #MassGrave ArianaNews

Up Next

د داعش بریدونه کم شوي؛ خو په افغانستان کې تر ټولو ستر ګواښ دی – راپور

Don't Miss

د اسلامي امارت د رسمیت پېژندلو کومه هڅه مو نه‌ده روانه کړې

په بهرنیو چارو وزارت کې د کوکنارو د کښت د بندیز فرمان تشریح شو

د بهرنیو چارو وزارت د اطلاعاتو او عامه اړيکو ریاست د خپرې شوې خبرپاڼې له مخې؛ په دې غونډه کې د وزارت مالي او اداري مرستیال محمد نعیم رییسانو، مرستیالانو او کارکوونکو ګډون کړی و.

Published

1 day ago

چنګاښ ۲۸, ۱۴۰۵

Ariana News

د بهرنیو چارو وزارت د دعوت او ارشاد ریاست له لوري د اسلامي امارت د رهبر شیخ هبة‌الله آخوندزاده د یودېرشمې ګڼې فرمان د تشریح او تبیین غونډه ترسره شوه.

د یاد ریاست د خبرپاڼې له مخې؛ ویناوالو د کوکنارو د کښت، نشه‌یي توکو د تولید، قاچاق او کارونې د مخنیوي په برخه کې د یاد فرمان پر موخو، اغېزو او لاسته راوړنو خبرې کړې دي.

ویل کیږي، چې د نشه‌یي توکو مخنیوی یو ټولنیز مسوولیت دی او د فرمان بشپړه پلي کېدا د ټولنې د روغتیا، امنیت او سوکالۍ ترڅنګ د هېواد د پرمختګ او د قانون د حاکمیت په پیاوړتیا کې هم مهم رول لري.

په ۱۰ ولسوالیو کې د سندونو د تصدیق خدمتونه پیلېږي – د بهرنیو چارو وزارت

د بهرنیو چارو وزارت د خبرپاڼې له مخې، هېوادوال کولی شي د ۱۴۰۵لمریز لېږدیز کال د زمري له لومړۍ نېټې خپل سندونه د افغان پوسټ امارتي شرکت د یادو ولسوالیو د څانګو له لارې د تصدیق لپاره بهرنیو چارو وزارت یا د دغه وزارت ولایتي ریاستونو ته واستوي او له تصدیق وروسته یې بېرته له هماغو پوست‌خونو ترلاسه کړي.

Published

1 day ago

چنګاښ ۲۸, ۱۴۰۵

Ariana News

د افغانستان اسلامي امارت بهرنیو چارو وزارت ویلي، د قونسلي خدمتونو د آسانتیا لپاره به د هېواد په ۱۰ ولسوالیو کې د مصدقه سندونو د تصدیق خدمتونه پیل شي.

د افغانستان بهرنیو چارو وزارت د اطلاعاتو او عامه اړيکورییس ضیا احمد تکل په ایکس‌پاڼه کې خبر ورکړی، چې د قونسلي خدمتونو د آسانتیا لپاره به د هېواد په سروبي او قره‌باغ ولسوالیو(کابل)، سپین بولدک(کندهار) شینډنډ(هرات) کلدار یا حیرتان(بلخ) مومندره یا تورخم(ننګرهار) ګرشک(هلمند) امام صاحب(کندوز)، جاغوري(غزني) او څمکنیو(پکتیا) ولسوالیو کې د مصدقه سندونو د تصدیق خدمتونه وړاندې کېږي.

International Sports

انګلستان فرانسې ته پر ماتې ورکولو د نړیوال جام درېیم مقام خپل کړ

انګلستان په لومړۍ نیمايي کې څلور ګولونه ووهل؛ ډکلان رایس، ازري کونسا او بوکایو ساکا د دې لوبډلې دوه ګول‌وهونکي وه.

Published

1 day ago

چنګاښ ۲۸, ۱۴۰۵

Ariana News

د انګلستان فوټبال ملي لوبډلې فرانسې ته ۶ ـ ۴ ماتې ورکولو سره د ۲۰۲۶ز.کال د فوټبال نړیوال جام درېیم مقام خپل کړ.

ساکا وروسته د لوبې په اووه‌اتیاایمه دقیقه کې له پنالټۍ خپل درېیم ګول هم وواهه او هټ‌ټریک یې بشپړ کړ.

د فرانسې لپاره کیلیان امباپه په دوه‌یمه نیمايي کې دوه ګولونه ووهل او په دې نړیوال جام کې یې د خپلو ګولونو شمېر ۱۰ ته ورساوه. برادلي بارکولا هم د فرانسې لپاره یو ګول وکړ.

عثمان ډیمبلي د اضافي وخت په شپږمه دقیقه کې د فرانسې څلورم ګول وواهه؛ خو له هغه وروسته جوډ بلېنګهم د انګلستان شپږم ګول د فرانسې دروازې ته واستاوه.

امباپه د آرجنټاین له ستوري لیونېل میسي څخه په دوه ګولونو ډېر د روان نړیوال جام د غوره ګول‌وهونکو په سر کې ځای لري.

نوموړی همداراز له میسي څخه په یو ګول ډېر د نړیوال جام د تاریخ د غوره ګول‌وهونکو په جدول کې هم مخکښ دی. په داسې حال کې، چې میسي د یکشنبې د ورځې په پایلوبه کې د اسپانیې پر وړاندې د لوبېدا لپاره چمتووالی نیسي.