Connect with us

تازه خبرونه

کاري ګړۍ اوږدول مرګوني دي – ډبلیو اچ او

Published

 on

(Last Updated On: غویی ۲۷, ۱۴۰۰)

د روغتیا نړیوالې ټولنې (ډبلیو ایچ او) نن (دوشنبه د غوایی ۲۷) په ډاګه کړې؛ هر کال زرګونه خلک د اوږدو ګړیو د کار په پایله کې خپل ژوند له لاسه ورکوي او دا بهیر د کرونا ویروس له خپریدو سره ګړندی شوی دی.

د دغې ټولنې د څېړنو له مخې؛ په نړۍ کې له ۱۰ کسانو څخه یو یې په اوونۍ کې ۵۵ ګړۍ یا ترې ډېر کار کوي.

د دغې څېړنې څرګندونې ښیي، چې په ۲۰۱۶ زېږدیز کال کې له ۷۴ زره ډېرو کسانو د اوږدو کاري ګړیو له کبله خپل ژوند له لاسه ورکړی دی.

د پوهنتون پروفیسر جیان لی په دې اړه ویلي: مونږ وموندله، چې په اوونۍ کې ۵۵ ګړۍ یا ترې ډېر کار کول له ۱۰ کلونو وروسته ۱۷ سلنه د زړه ناروغي ډېروي. دغه څېړنه په ټوله نړۍ کې د ۲۲ ډلو د ۳۴۰۰۰۰ برخوالو د ګډون پر بنسټ تر لاسه شوې ده. مونږ دا هم وموندله، چې په اوونۍ کې ۵۵ ګړۍ یا ترې ډېر کار کول ۳۵ سلنه د مغزي سکتې خطر ډېروي.

د دې ټولنې څېړنې ښیې، چې له ۲۰۱۶ زېږدیز کاله د نړۍ نږدې ۴۸۰ میلیون کسانو په اوونۍ کې له ۵۵ ګړیو ډېر کار کوي او په یو شمیر هېوادونو کې د قرنطین له پیله دا شمېر ۱۰ سلنه لوړ شوی دی.

د حافظې تخنیکي ماهر فرنګ پګاه ویلي: که مونږ په رښتیا ډېرې ګړۍ کار وکړو؛ نو د لنډې مودې کار کولو او ښه کار کولو په پرتله به مونږ له ډېر فشار او لږ کار سره مخ شو. دا به مو هوښیاري وي، چې د کاري بهیر ګړۍ ډېرې نکړو.

د کمپیوټر کیبورډ لمس کول او د ساعتونو لپاره د دفتر په څوکۍ کې ناسته یو داسې انځور دی، چې ډېري ورسره بلد دي؛ خو هر کال د اوږدې مودې کار ترسره کول په سلګونه زره انسانان وژني.

تازه خبرونه

د امریکا استازي او پاکستانيو چارواکو د اسلامي امارت د ښځینه‌وو پر بندیزونو خبرې وکړې

Published

on

(Last Updated On: سلواغه ۱۲, ۱۴۰۱)

د افغانستان لپاره د امریکا ځانګړي استازي توماس ویست پاکستان ته په دوه ورځني ( د سلواغې ۱۰ – ۱۱ ) سفر کې د جنرال سید عاصم منیر په ګډون له لوړ پوړیو چارواکو سره د ترهګرۍ او د اسلامي امارت د ښخینه‌وو پر تعلیمي بندیزونو خبرې کړي دي.

د امریکا سفیر د سې شنبې پر ورځ تویت کړی او د افغانستان په اړه یې د دوه ورځنیو ګټورو غونډو په لړ کې د پاکستان میلمه پالنه ستایلې ده.

ویست څرګندوي؛ هغه د پاکستان د پوځ له مشر جنرال عاصم منیر، سفیر محمد صادق او د بهرنیو چارو له سکرتر اسد مجید خان سره لیده کاته کړي دي.

د دې لیدنو په لړ کې توماس ویست ویلي، چې دوی د تروریزم او امنیتي وضعیت، نړیوال یووالي اړتیا او د میلیونونو افغانانو حیاتي مرستو او تعلیم ته د لاسرسي په اړه د طالبانو ( اسلامي امارت) خطرناکو اغېزو په اړه خبرې وکړې.

د امریکا یاد استازي د ملګرو ملتونو دا کار مهم ګڼلی او له پلي کوونکیو څخه یې د ملاتړ غوښتنه هم کړې، چې د ښځینه مرستندویه کارکوونکیو او ښځینه زده‌کړې په اړه د اسلامي امارت د بندیزونو د لغو کولو غوښتنه وکړه.

هغه ټینګار کړی، چې: له زړورو افغان ښځو سره مې وکتل؛ هغوی مهمې غوښتنې او نیوکې وړاندې کړې. په افغانستان کې چارسمبالې ښځې له کړاوونو سره مخ دي او نړیواله ټولنه باید د هغو اړتیاوو ته لومړیتوب ورکړي.

ویست ویلي؛ ښځې او نجونې، چې په کورونو کې محدودې دي، له سختو ذهني او رواني فشارونو سره مخ دي.

ویست پر زده‌ګړو ‌او کار بندیزونه بې رحمانه برید ګڼلی او ډاډ ورکوي، چې د پاکستان ترڅنګ ولاړ یوو.

هغه دغه راز په پېښور کې د تروريستي بريد له کبله د زياتو بې ګناه خلکو پر وژل کيدو هم ژوره خواشيني څرګنده کړې ده.

دا په داسې حال کې ده، چې د اسلامي امارت د رسنیو پر خپرونو د څار مشر عبدالحق حماد ويلي، د نجونو د زده‌کړې مطلق بندول افراط دی او بې چوکاته بریښودل یې تفریط دی. د اسلامي امارت تګلاره د اعتدال پر بنسټ ولاړه ده او افراطیت نه مني.

Continue Reading

تازه خبرونه

د ټیټ کیفیت څلور تانکره دیزل بېرته ایران ته وروګرزول شول

Published

on

(Last Updated On: سلواغه ۱۲, ۱۴۰۱)

د افغانستان د ستندرد ملي ادارې د سې شنبې پر ورځ وویل، چې دې ادارې د ټیټ کیفیت څلور تانکرونه بېرته ایران ته مسترد کړل.

یادې ادارې په ډاګه کړې؛ دوی د هرات ولایت په اسلام‌کلا بندر کې د تېلو د کیفیت له کتنې وروسته څلور تانکره بېرته ایران ته ستانه کړي دي.

د دغې ادارې د څرګندونو له مخې؛ دوی د بې کيفيته تېلو د واردولو د مخنيوي لپاره عملي ګامونه پورته کړي دي.

سربېره پردې دغې ادارې له سوداګرو وغوښتل؛ د وارد شويو توکو پر کیفیت دې خانونه ډاډمن کړي، چې د دې ادارې له معیارونو سره سمون ولري. که نه؛ نو دوی به له ورته پایلو سره مخ شي.

دا لومړی ځل ندی، چې دې ادارې ټیټ کیفیت تیل بېرته مستردوي . د بېلګې په توګه د جنورۍ پر لومړیو کې یې ایران ته د بې کیفیته تېلو ۲۶ ټانکرونه بېرته واستول.

Continue Reading

تازه خبرونه

سفارت افغانستان در اسلام‌آباد از آزادی ۱۲۰ شهروند افغان از زندان پاکستان خبر داد

Published

on

(Last Updated On: سلواغه ۱۲, ۱۴۰۱)

سفارت افغانستان در اسلام‌آباد با نشر اعلامیه‌ای از آزادی ۱۲۰ شهروند افغانستان از زندان‌های ایالت سند پاکستان خبر داده است.

این سفارت در رشته تویتی نگاشته است که این افراد روز سه‌شنبه (۱۱ دلو) رها شده‌اند.

بر اساس اعلامیه‌ای سفارت افغانستان در اسلام آباد قرار است ۱۳۰ شهروند دیگر افغانستان نیز در روزهای آینده از زندان‌های پاکستان رها شوند.

بیش از این سفارت افغانستان در اسلام‌آباد از آزادشدن ۱۳۰۰ شهروند افغان از زندان‌های پاکستان خبر داده بود.

بر اساس اظهارات مقام‌های پاکستانی، پولیس این کشور طی عملیات‌‌های جداگانه دست کم ۱۲۰۰ شهروند افغان به شمول زنان و کودکان را در نقاط مختلف پاکستان به‌دلیل نداشتن مدارک اقامت و ویزه دستگیر و زندانی کرده اند.

اما سفارت افغانستان در اسلام‌آباد تایید کرده است که حدود ۱۵۰۰ مهاجر افغان فاقد مدرک در پاکستان زندانی اند و تلاش‌ها برای رهایی آنان ادامه دارد.

بر اساس معلومات اداره مهاجرت ملل متحد، در حال حاضر در پاکستان در حدود ۱.۳ میلیون مهاجر قانونی افغان زیست دارند، اما تخمین زده می‌شود که صدها هزار مهاجر افغان فاقد اسناد قانونی نیز در پاکستان به سر می‌برند.

Continue Reading

Trending

Copyright © 2022 Ariana News. All rights reserved!