Connect with us

تازه خبرونه

یوناما د نشه‌یي توکو پر وړاندې د مبارزې د کاري ډلې افتتاحیه غونډه پرانیسته

د کاري ډلې د جوړولو طرحه امنیت شورا ته د وړاندې شوې (S/2023/856) خپلواکې ارزونې د وړاندیزونو پر بنسټ وه، چې د افغانستان له حاکمو چارواکو سره د دې هېواد د خلکو په ګټه د ښکېلتیا یو نور هم منسجم او همغږی بهیر رامنځته کړي.

خپور شوی

د

د افغانستان لپاره د ملګرو ملتونو مرستندویه پلاوي (یوناما) د قطر په دوحه کې د ځانګړو استازو د درېیمې ناستې پسې نن پر انلاین بڼه د نشه‌یي توکو پر وړاندې د مبارزې په اړه د کاري ډلې افتتاحیه غونډه پرانیسته.

د کاري ډلې د جوړولو طرحه امنیت شورا ته د وړاندې شوې (S/2023/856) خپلواکې ارزونې د وړاندیزونو پر بنسټ وه، چې د افغانستان له حاکمو چارواکو سره د دې هېواد د خلکو په ګټه د ښکېلتیا یو نور هم منسجم او همغږی بهیر رامنځته کړي.

د ملګرو ملتونو د عمومي منشي ځانګړې استازې او د یوناما مشرې روزا اوتنبایوا له دغې آنلاین غونډې وروسته ویلي: د نشه‌یي توکو پر وړاندې مبارزه د افغانستان لپاره یوه مهمه موضوع ده، چې هم پر کلیوالي سیمو او هم د سمې پر سوله او ثبات اغېز کوي.

دا په داسې حال کې ده، چې تېره ورځ ملګرو ملتونو یو راپور خپور کړ، چې په افغانستان کې د نشه‌یي توکو تولید د تېر کال پر پرتله سږ کال ۳۰ سلنه زیات شوی دی.

تازه خبرونه

تحول: د ډونالډ ټرمپ د اجرائیوي فرمانونو ارزونه

Published

on

Continue Reading

تازه خبرونه

رسنۍ د ټولنې بنسټیزه اړتیا ده- ستانکزی

شېرمحمد عباس ستانکزي د وزارتونو او خپلواکو دولتي بنسټونو د ویاندویانو د وړتیا لوړولو په یوه سیمینار کې اطلاعاتو ته د لاسرسي او د افغانستان د رسنیو پر حیاتي رول ټینګار وکړ.

Published

on

د بهرنیو چارو وزارت سیاسي مرستیال شېرمحمد عباس ستانکزی وايي، رسنۍ د ټولنې بنسټیزه اړتیا ده.

شېرمحمد عباس ستانکزي د وزارتونو او خپلواکو دولتي بنسټونو د ویاندویانو د وړتیا لوړولو په یوه سیمینار کې اطلاعاتو ته د لاسرسي او د افغانستان د رسنیو پر حیاتي رول ټینګار وکړ.

ستانکزي ويلي: «په ننني عصر او پېر کې رسنۍ او وياندويان د ټولنې او هېواد لپاره ستره اړتيا ده او دا سکټور بايد پياوړى شي. ويناوال بايد پياوړي او له هر ډول حالاتو سره د مقابلې توان ولري او د حالاتو د مقابلې لپاره بايد هڅه وکړي، چې د خپل کاري چاپېريال تر څنګ د هېواد او ټولنې په اړه هر هم اړخيز معلومات ولري.»

د اطلاعاتو او کلتور وزارت وياند خبيب غفران هم ويلي: « د دغې غونډې اصلي هدف د اسلامي امارت د مرکزي دفترونو د وياندويانو د ظرفيتونو لوړول او دغه راز معلوماتو او اطلاعاتو ته د لاسرسي څرنګوالى دى.»

له بلې خوا یو شمېر خبریالان او د خبریالانو ملاتړي بنسټونه هم غواړي، چې دوی ته دې معلومات پخپل وخت او هر اړخیز ورکړ شي.

د افغانستان د خبريالانو ټولنې مشر حجت الله مجددي په دې اړه ويلي: « د ژورناليستانو او رسنيزو بنسټونو دنده ده، چې په دې برخه کې د خبريالانو د ظرفيتونو د لوړولو او د ليک لوست او د رسنيزو اخلاقو او روزنې په برخه کې له رسنيو څخه ملاتړ وکړي؛ خپل بې پرېتوب وساتي او له  نوښت ډک کار ترسره کړي.»

خبريال روح الله دانش څرګنده کړې: " اړتیا ده، چې د افغانستان رسنۍ له ډېر ملاتړه برخمنې شي؛ ځکه دوى نه يوازې د اطلاعاتو په برخه کې، بلکې په ټولنه کې د پوهنې، فرهنګ او فرهنګي ودې د بنسټيزه کولو په برخه کې هم ځانګړى رول لري."

دا په داسې حال کې ده، چې د درې کلونو پر تېرېدو هم خبریالان وايي، چې اطلاعاتو او معلوماتو ته د لاسرسي په برخه کې له ننګونو سره مخ دي او دا ستونزه بشپړه حل شوې نده.

Continue Reading

تازه خبرونه

په تخار ولایت کې یو چینایي د نامعلومو کسانو لخوا ووژل شو

د تخار ولایت د امنیه قومندانۍ د مطبوعاتو او عامه اړیکو چارسمبالي محمد اکبر حقاني په یوه خبرپاڼه کې ویلي، چې ( لی ) نومی چینایي تېره شپه (سې‌شنبه د سلواغې دوه‌یمه) د دې ولایت د دشت قلعه په اړوند سیمه کې د نامعلومو کسانو لخوا وژل شوی دی.

Published

on

د تخار ولایت امنیه قومندانۍ ويلي، چې په تخار ولایت کې یو چینایي د نامعلومو کسانو لخوا وژل شوی دی.

د تخار ولایت د امنیه قومندانۍ د مطبوعاتو او عامه اړیکو چارسمبالي محمد اکبر حقاني په یوه خبرپاڼه کې ویلي، چې ( لی ) نومی چینایي تېره شپه (سې‌شنبه د سلواغې دوه‌یمه) د دې ولایت د دشت قلعه په اړوند سیمه کې د نامعلومو کسانو لخوا وژل شوی دی.

محمد اکبر حقاني وايي: "دغه چینایي وګړی له خپل ژباړونکی سره پرته له دې، چې دفتر او د دفتر امنیتي چارواکي خبر کړی؛ پر نامعلوم لوري روان شوي دي. له بده مرغه چینایي وګړی د دې ولایت د دشت قلعه په اړوند سیمه کې د نامعلومو کسانو لخوا وژل شوی دی."

هغه زیاته کړې، چې په دې پېښه کې د نوموړي ژباړونکي ته زیان ندی رسیدلی.

حقاني ويلي، چې پوليسو په دې اړه خپلې لومړنۍ څېړنې پيل کړې دي.

د راپورونو له مخې، چینایي وګړي د سرو زرو په کان کې کار کاوه.

تر اوسه کومې ډلې یا کس د دې پېښې مسوولیت ندی منلی.

Continue Reading
Advertisement

Trending

Copyright © 2024 Ariana News. All rights reserved!