Connect with us

تازه خبرونه

اسلامي امارت د ترانسپورتي سکتور د اړوند ستونزو حلولو ته ژمن دی – حنفي

خپور شوی

د

(Last Updated On: لړم ۱۰, ۱۴۰۱)

د ریاست الوزارا اداري مرستيال مولوي عبدالسلام حنفي د خصوصي ترانسپورتي شرکتونو له يو شمېر مسوولينو او استازیو سره په لیدنه کې ویلي، چې اسلامي امارت د ترانسپورتي سکتور د اړوند ستونزو حلولو ته ژمن دی.

د افغانستان اسلامي امارت رهبري د ولس د ستونزو د حل مسوولیت لري، د هېواد له خصوصي سکتور او  له پانګوالو سره هر اړخیزه مرستې لپاره اسلامي امارت ژمن دی او د دوی د ستونزو حل ته لاسرسی یې په لومړیتوبونو کې دي.

د ترانسپورت خصوصي شرکتونو مسوولینو ويلي؛ په هېواد کې یې په لسګونه میلیارد افغانۍ پانګونه کړې او نږدې دوه میلیون کسان په دي سکتور کې کار کوي او د کال میلیاردونه افغانۍ عواید دولت ته ورکوي.

خصوصي ترانسپورتي شرکتونه هم هیله څرګندوي، چې د مشترکې کمیتې له جوړیدو سره به د دوی هغه ستونزې حل شي، چې اوس ورسره مخ دي.

د خصوصي ترانسپورت شرکتونو ټولنې غړی شېرانور انوري وایي: مونږ د رییس الوزرا له اداري مرستیال سره ولیدل او زمونږ ستونزې یې ټولې واوریدلې. هیله لرو، چې زمونږ ستونزو ته قانوني حل وموندل شي.

په دې غونډه کې د خصوصي ترانسپورتي شرکتونو مسوولینو په بېلابېلو برخو کې خپلې ستونزې مطرح او د اسلامي امارت له مسوولینو یې د حل غوښتنه وکړه. دوی همداراز وویل، چې د اسلامي امارت مسوولینو د ستونزو د حل ژمنه ورسره کړې ده.

د خصوصي ترانسپورتي شرکتونو د ټولني غړی حبیب الرحمان وایي: زمونږ، چي کومه ستونزه وه هغه مو د رییس الوزرا له اداري مرستیال سره شریکه کړې او هیله لرو، چي زمونږ ستونزو ته به د پای ټکی کیښودل شي.

د خصوصي سکتور یوشمېر غړيو  ويلي؛ د شته ستونزې د اوارۍ لپاره باید حکومت او خصوصي سکتور د اصلا حاتو په هڅه کې شي، چې ولس ته غوره خدمتونه وړاندې او د آسانتیاوو زمینه ورته برابره شي.

د ترانسپورتي شرکتونو د ټولنې مرستیال محمد نبي افغان وایي: زما له نظره تر یوه بریده باید خصوصي ترانسپورتې شرکتونه هم اصلاحاتو ته غاړه کیدي او حکومت هم باید له دې لوي خدماتي سکتور سره همکاري وکړي، چې په پایله کې یې ولس ته ښه خدمات برابر شي.

د اقتصادي چارو کار پوهان هم د افغانستان اسلامي امارت له قانون جوړوونکیو بنسټونو هیله څرګندوي؛ ټول قوانین، مقررات، او پالیسۍ له خصوصي سکتور سره په همغږۍ کې جوړې او ترتیب شي، چې په راتلونکي کې بیا کومه ستونزه رامنځته نشي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!