تازه خبرونه
ایرانی مشر باید خپلو خبرو ته پوره پاملرنه ولري- دونالد ترمپ
د امریکا ولسمشر دونالد ترمپ د امریکا او اروپا د چلند په اړه د ایران د مشر علي خامنه یي وروستیو څرګندونو ته سخت غبرګون ښودلی دی.
د ایران مشرخامنه یي له اته کلونو وروسته په تهران کې د جمعې د لمانځه امامت ته راووت او د خپلې خطبې په یوه برخه کې پر امریکا د دروغ ویلو تور ولګاوه؛ آلمان، فرانسه او بریتانیا یې هم د امریکا غلامان ونومول.
د امریکا ولسمشر د خامنه یي دغو څرګندونو ته د کلک غبرګون ښودلو تر څنګ څرګنده کړې، چې باید خپلو خبرو ته یې باید ډېر پام کړی وای.
دونالد ترمپ په خپل یوه تویت کې لیکلي: د ایران تش په نوم ستر مشر، چې په دې وروستیو کې ډېر درناوي هم ورته پاتې ندی؛ د امریکا او اروپا په اړه ناوړه خبرې کړي. په داسې حال کې، چې اقتصاد یې مخ پر ځوړ او خلک یې ځوریږي باید خپله خوله یې له ناوړه خبرو ساتلې وای.
دونلد ترامپ د خامنه یي یو تویت هم ریتویت کړی او په ډاګه کوي: هغه ایرانيان، چې له امریکا سره مینه لري؛ داسې یو حکومت پرې تپل شوی، چې پر وژنو یې راڅرخي او د خپلو خوبونو د رښتیا کولو لپاره یې خپل درناوي ته اړ باسي.
ترمپ زیاته کړې: د دې پرځای، چې ایران د ویجاړۍ لوري ته راکاږي؛ باید له ترهګرۍ ډډه وکړي او ایران بیا له لوړتیا او آبادۍ برخمن کړي.
د ایران د انقلابي ځواکونو د قدس د برخې د پخواني قومندان قاسم سلیماني له مرګ وروسته، چې په عراق کې د امریکا په مشرۍ هوایي ځواکونو پر نښه کړ؛ د دواړو هېوادونو تر منځ راوان کړکیچ نور هم پراخه کړ.
د ایران انقلابي ځواکونو دوه اوونۍ مخکې په عراق کې د امریکا پر دوه پوځي اډو توغندي وروتوغول او په ورته وخت کې یې یوه اوکراینۍ مسافر وړونکې الوتکه پر دو توغنديو ویشته، چې بیا یې دا برید یوه انساني تېروتنه وګڼله؛ خو په کې د ۱۳ افغانانو په ګډون ۱۷۶ مسافر ووژل شول.
په دې بڼه د الوتکې نسکوریدو د خلکو غصه راوپاروله او په واټونو کې یې د واکمنو پر ضد د ایرانيانو پراخ لاریونونه رامنځته کړل، چې اوس هم روان دی.
تازه خبرونه
د شانګهای همکاریو ټولنې د بهرنیو چارو وزیرانو په افغانستان کې د ثبات پر ټینګښت خبرې وکړې
د شانګهای د همکاریو ټولنې د بهرنیو چارو وزیرانو په افغانستان کې د ثبات پر ټینګښت او په دغه هېواد کې د تروریزم او مخدره توکو له ګواښونو سره د مبارزې په اړه خبرې کړې دي.
د شانګهای د همکارۍ سازمان د غړو هېوادونو د بهرنیو چارو وزیرانو د قزاقستان په پلازمېنه استانه کې د دوه ورځنۍ غونډې په ترڅ کې د تروریستي ګواښونو او په افغانستان کې د ثبات له ټینګښت سره د مرستې په اړه خبرې وکړې.
د قزاقستان د رسنیو د راپور پر بنسټ، د شانګهای همکاریو ټولنې بهرنیو چارو وزیرانو په دې غونډه کې د دې ټولنې د راتلونکې غونډې په اړه، چې ټاکل شوې د روان کال د جولای په میاشت کې جوړ شی، بحث او خبرې وکړې.
د دې ټولنې د نوي عمومي منشي لپاره د نوماندانو څېړل او د منځني ختیځ مسایل د دغې غونډې د نورو موضوعاتو په توګه اعلان شوي دي.
دغه راز دوی په افغانستان کې د ثبات د ټینګښت، د «ترهګرۍ» ګواښونو او نشهيي توکو سره د مبارزې په اړه هم سلا مشورې کړې دي.
د دې غونډې مشري د قزاقستان د لومړي وزیر مرستیال او د بهرنیو چارو وزیر مراد نورتلو کوي؛ چین، روسیه، قزاقستان، قرغزستان، تاجکستان، ازبکستان، ایران، هند او پاکستان د شانګهای همکاریو ټولنې غړي دي.
دغه ټولنه افغانستان، منګولیا، بیلاروس، عراق او سریلانکا ته د څارونکیو په توګه بلنه ورکوي؛ خو دا مهال د اسلامي امارت استازي دغې غونډې ته ندي بلل شوي.
دا په داسې حال کې ده، چې تېره میاشت د دې ټولنې د غړیو هېوادونو استازو په افغانستان کې د ترهګرو ډلو فعالیتونه د دې سیمهییزې ټولنې د غړیو هېوادونو لپاره یو جدي ګواښ وباله او له اسلامي امارت یې وغوښتل، چې له ترهګرۍ سره د مبارزې په برخه کې خپل مسوولیتونه ترسره کړي.
اسلامي امارت تل ویلي، چې په هېواد کې امنیت خوندي دی او د افغانستان خاوره به د سیمې او نړۍ د کوم هېواد پر ضد نه کارول کیږي.
د پاکستان د لومړي وزیر مرستیال او د بهرنیو چارو وزیر محمد اسحاق ډار په استانه کې د شانګهای د همکاریو ټولنې بهرنیو چارو وزیرانو شورا د غونډې په څنډه کې د تاجکستان بهرنیو چارو له وزیر سراج الدین مهرالدین سره وکتل. د دواړو هېوادونو بهرنيو چارو وزيرانو د دوه اړخيزو همکاريو د پياوړتيا او د لوړې کچې د خبرو اترو په برخه کې پخپلو ژمنو ټينګار وکړ. دوی همداراز د دواړو هېوادونو او سیمې د متقابلو ګټو لپاره د کاسا زر پروژې او د سیمهییز ادغام او ارتباطاتو د نورو پروژو پر ژر تطبیق ټینګار وکړ.
تازه خبرونه
کابل ته د ترکیې د هوايي شرکت الوتنې بیا پیل شوې
د ټرانسپورت او هوایي چلند وزارت د څرګندونو له مخې؛ له څه باندې درې کلن ځنډ وروسته نن سهار سې شنبه د غبرګولي لومړۍ د ترکیش هوايي شرکت الوتکه کابل ته راورسېده.
په هغو مراسمو کې، چې د ټرانسپورټ او هوايي چلند وزارت مالي او ادراي مرستیال حافظ صدیقالله عابد، د هوايي ډګرونو لوی رییس الحاج عبدالستار غروال، د ترکیې سفیر جنک اونال او د وزارت یو شمېر نورو مسوولینو ګډون درلود ویل شوي، چې د کابل او استانبول ترمنځ به هره اوونۍ څلور الوتنې ترسره کیږي.
د خصوصي سکتور ځیني غړي افغانستان ته د لویو هوايي شرکتونو پر راتلو خوښي ښیي او څرګندوي؛ د ترکیې، عربي اماراتو، دبۍ او هندوستان په ګډون هېوادونه دې افغانانو ته د ویزې د ورکړي په برخو کې اسانیتاوې برابرې کړي، چې د خلکو ستونزې اوارې شي.
د سوداګرۍ او پانګونې خونې غړي خان جان الکوزی ویلي: مونږ خوښ یوو، چې په هېواد کې مو د نړۍ معتبرهوايي شرکتونه پروازونه کوي؛ خو هغه هېوادونه، چې افغانستان ته الوتنې کوي افغانانو ته باید ویزې ورکړي، چې د خلکو ستونزې اوارې شي.
دوی وایي؛ که د نړیوالو هوايي شرکتونو لهخوا افغان صادارتو لپاره د کارګو خدمتونه پراخ شي؛ د هېواد وچه او تازه میوه به د نړۍ مارکیټونو ته په منظم ډول او پرټاکلې وخت ورسیږي.
ویل کیږي، چې د یاد هوايي شرکت د الوتنو له پیلېدا سره به ترکیې هېواد ته د افغان مسافرو لپاره د سفر پر اسانتياوو سربېره د دواړو هېوادونو ترمنځ هوايي ټرانسپورټ او سوداګریزې اړیکې هم پراختیا ومومي.
تازه خبرونه
په کابل ښار کې د کمانډو ځواکونو مرکز پرانیستل شو
د کابل په ګارنیزون کې د لومړي ځل لپاره تېره ورځ د ملي اسلامي اردو د ځانګړیو ځواکونو (کمانډو) د لومړي کنډک قومندانۍ مرکز پرانیستل شو.
دفاع وزارت په ایکس پاڼه کې زیاته کړې، چې د دې وزارت اړوند چارواکو د ډاډمن امنیت د خوندي کولو لپاره په نورو ولايتونو کې هم د ورته مرکز له پرانستلو خبر ورکړی دی.
ویل کیږي، چې ځانګړي ځواکونه پر عصري او پرمختللیو وسلو سمبال او مسلکي روزنه یې لیدلې، چې په هر ډول شرایطو کې به خپله دنده ترسره کوي.
-
لوبی3 days ago
راشد خان د افغان بیسیم مخابراتي شرکت رسمي سوداګریز سفیر شو
-
تازه خبرونه2 days ago
په افغانستان کې د وروستیو سیلابونو له کبله ۵۴۰ کسان مړه شوي – م.م
-
نړۍ3 days ago
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
-
سیمه ییز خبرونه2 days ago
د ایران ولسمشر ابراهیم رییسي د چورلکې د راغورځېدو په پېښه کې مړ شو
-
روغتيا3 days ago
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ
-
تازه خبرونه3 days ago
له سوالګرۍ څخه د مخنیوي قانون په رسمي جریده کې خپور شو
-
تازه خبرونه1 day ago
سر له سبا د ترکيي هوايي شرکت افغانستان ته رسمي الوتنې پیلوي
-
تازه خبرونه2 days ago
بیجینګ دې له کابل سره د ترهګرۍ په اړه خبرې وکړي – اسلامآباد