تازه خبرونه
د افغانستان دفاع وزارت د هرات زلزله ځپلې سیمې ته د ژغورنې ډلې لېږلي
د افغانستان دفاع وزارت هرات ولایت ته ژغورونکې ډلې استولي او د هغو ژوندي پاتې شویو کسانو د موندلو هڅې روانې دي، چې د شنبې د ورځې د ۶ اعشاریه ۳ درجې زلزلې او ټکانونو د ویجاړو ودانیو لاندې پراته دي.
د یکشنبې پر ورځ ټولنیزو رسنیو د ورانیو او مړینو بشپړ انځورونه خپاره کړل او ویدیوګانو وښودله، چې کليوال پر لاسونو ژوندي پاتې شوي کسان له خټو راوباسي.
د ژغورنې ډلې اوس ځینو زیانمنو سیمو ته رسېدلي، چې په کې د زنده جان ولسوالي هم شامله ده، چې د زلزلې مرکز دی.
د ریاست الوزرا اقتصادي مرستیال ملا عبدالغني برادر د یکشنبې پر ورځ ویلي، چې له سیمې به لیدنه وکړي او وضعیت به وارزوي.
د قربانیانو لپاره د مرستو د تنظیمولو په بېړنۍ غونډه کې چارواکو ویلي، تر ټولو ډېره زیانمنه سیمه زنده جان ولسوالۍ ده، چې له ۳۰۰۰ زیات کورونه په کې ویجاړ شوي دي.
چارواکو ویلي، زنده جان ولسوالۍ تر ټولو زیات تلفات لري.
د ژغورنې نړیوالې کمیتې په یوه اعلامیه کې څرګنده کړې، چې سیمې ته یې د بېړني غبرګون ډلې هم استولي دي.
دې کمیتې ویلي، چې وضعیت له نږدې څاري او په فعاله توګه د ډېرو نورو نادولتي بنسټونو سره همغږي شوي، چې د زیان کچه وارزوي او اړو خلکو ته مرستې چمتو کړي.
د ژغورنې نړیوالې کمیتې د بېړني غبرګون ډلو د اغېزمنو خلکو لپاره د طبي پاملرنې او نورو اړینو خدماتو په ګډون بېړنۍ مرستې چمتو کولو لپاره کار پیل کړی.
زمونږ ډلې نه ستړي کیدونکي کار کوي، چې اړمنو خلکو ته مرستې ورسوي.
په افغانستان کې د دې کمیتې مشرې سلما بن آسیا ویلي: زمونږ زړونه د هرات له هغو خلکو سره د خواخوږۍ څرګندونه کوي، چې له دې ویجاړونکې زلزلې له امله زیانمن شوي دي. هغه له نړیوالې ټولنې غوښتنه کوي، چې د هرات له خلکو سره ودریږي او د روانو مرستو له هڅو ملاتړ وکړي.
د بې سرحده داکترانو ادارې هم د هرات په حوزوي روغتون کې د ټپي شویو ناروغانو د ځای په ځای کولو لپاره پېنځه طبي خیمې د مرستې لپاره درولې دي. له پرون ماسپښین راپدیخوا په روغتونونو کې د سلګونه ټپیانو درملنه شوې ده.
د ایران د سرې میاشتې ټولنې هم له زلزلې وروسته د خپل چټک غبرګون ډلې ۱۵ رضاکاران افغانستان ته رااستولي دي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه21 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه22 hours ago
په عراق کې به همجنسبازان پر۱۵ کاله بند شي –پارلمان
-
لوبی19 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل