Connect with us

سوداگري

د تهران په نندارتون کې د ایران او افغانستان د سوداګریزو فرصتونو کنفرانس ترسره شو

د کرنې وزارت مرستیال له ایراني چارواکو سره د افغانستان او ایرن ترمنځ د کرنې او مالدارۍ پر موضوعاتو خبرې کړې دي.

خپور شوی

د

د تهران- کابل سوداګریزو فرصتونو او ظرفیتونو کنفرانس د ایران د صادراتي وړتیاوو د اووم نندارتون (ایران ایکسپو ۲۰۲۵) په څنډه کې د افغان چارواکو په ګډون ترسره شو.

د کرنې وزارت مرستیال له ایراني چارواکو سره د افغانستان او ایرن ترمنځ د کرنې او مالدارۍ پر موضوعاتو خبرې کړې دي.

د کرنې، اوبو لګولو او مالدارۍ وزارت مرستیال صدر اعظم عثماني تهران ته د خپل سفر په لړ کې د ایران د کرنې له وزیر،غلام‌رضا نوري سره کتلي او د کرنې اوبو لګولو او مالدارۍ په برخو کې یې د دوه اړخیزو همکاریو پر پراختیا خبرې وکړې.

د ایران د کرنې وزیر د ګډو کرنیزو همکاریو د پیل او پیاوړتیا لپاره د خپل هېواد لېوالتیا څرګنده کړه.

هغه د دواړو هېوادونو ترمنځ د ګډ کرنیز کمیسیون د جوړېدو وړاندیز وکړ او زیاته یې کړه، چې د دغه کمېسیون په چوکاټ کې د همکاریو اسناد ترتیب او لاسلیک کولی شي د دواړو هېوادونو اړیکې نورې هم پیاوړې کړي.

ایران چمتووالی ښودلي، چې افغانستان ته د کرنې په برخه کې تخنیکي او انجنیرۍ خدمتونه وړاندې کړي. د کرنې وزارت مرستیال د ایران لخوا صادراتي نندارتون (اکسپو ۲۰۲۵) ته د ګډون او په تېرو درې کلونو کې د افغانستان او ایران ترمنځ د اقتصادي او سوداګریزو همکاریو له پراختیا او د دې بهیر په دوام يي ټینګار کړی، چې د کرنې او مالدارۍ په سکټور کې د نویو ګډو پروژو زمینه برابره کړي.

د کرنې او مالدارۍ وزارت ویاند غلام محمد شهامت ویلي؛ په دې ناسته کې دواړو لوریو د صنعتي کرنې پراختیا، د کرنیزو محصولاتو پانګونې او د خصوصي سکټور د پیاوړتیا په اړه هم بحث او نظرونه تبادله کړل او د کرنې او مالدارۍ په بېلابېلو برخو کې د دوه اړخیزو همکاریو پر دوام ټینګار وکړ.

د هېواد د خصوصي  سکټور يو شمېر غړو، چې د ایران په نړیوال نندارتونو کې یې برخه اخستي؛ داسې  نندارتونو نه د دواړه هېوادونو د اقتصادي او سوداګریزو اړیکو د پراختیا لپاره مهم بولي اوزیاتوي، چې داسې ګډ نندارتونو نه باید د افغانستان او ایران ترمنځ نورهم پراختیا پیدا کړي.

د اقتصادي چارو کارپوهانو ويلي؛ که افغان او ایریاني پانګوال د کرنې په سکټور کې ګډه پانګونه تر سره کړي له دې سره به افغانستان د کرنیزو محصولاتو پر ستر صادراتي هېواد بدل شي.

دوی وايي، ایران د کرنې په سکټور کې له لوړې تجروبې برمن دی.

سوداگري

افغان او قزاق چارواکو پر بانکي همکاریو خبرې وکړې

د افغانستان بانک د رسنیزې خبرپاڼې له مخې؛ صدیق الله خالد په دې غونډه کې زیاته کړې؛ دا اداره غواړي له قزاقستان سره د سوداګریزو اړیکو د پراختیا لپاره منظمې او اغېزمنې بانکي اړیکې رامنځته کړي.

Published

on

د قزاقستان مالیې وزارت د مرستیال پر مشرۍ یوه پلاوي په کابل کې د افغانستان بانک له لومړي مرستیال صدیق الله خالد سره د لیدنې پر مهال پر دوه اړخیزو سوداګریزو همکاریو بحث او خبرې کړې دي.

د افغانستان بانک د رسنیزې خبرپاڼې له مخې؛ صدیق الله خالد په دې غونډه کې زیاته کړې؛ دا اداره غواړي له قزاقستان سره د سوداګریزو اړیکو د پراختیا لپاره منظمې او اغېزمنې بانکي اړیکې رامنځته کړي.

صدیق الله خالد ټینګار کړی، چې د بانکي همکاریو پیاوړتیا کولی شي د دواړو هېوادونو ترمنځ د سوداګرۍ، پانګونې او اقتصادي تعاملاتو لپاره آسانتیاوې برابرې او په سیمه‌ییزه کچه مالي ثبات ته لار اواره کړي.

د قزاقستان پلاوي د دواړو هېوادونو ترمنځ د بانکدارۍ او اقتصادي همکارۍ د پراختیا پر اړتیا ټینګار کړی او د ګډې همکارۍ د پراخولو لپاره یې خپل چمتووالی څرګند کړ.

ویل کیږي، چې په دې غونډه کې د چارو د پرمختګ لپاره د تخنیکي کمیټو پر جوړولو هم هوکړه شوې ده.

Continue Reading

تازه خبرونه

د افغانستان مالیې وزارت مرستیال د هند پر پانګونې ټینګار وکړ

د مالیې وزارت د خبرپاڼې له مخې؛ په دې لیدنه کې عبدالمتین سعید ټینګار کړی، چې د افغانستان اسلامي امارت صنعتکارانو او سوداګرو ته د پام وړ آسانتیاوې برابرې کړي او په دې اړه یې د ملاتړ رامنځته کولو هڅې روانې ساتلې دي.

Published

on

د مالیې وزارت د ګمرکونو او عوایدو مرستیال عبدالمتین سعید له یو شمېر هندي پانګوالو سره د لیدنې پرمهال په افغانستان کې د پانګونې پر شته فرصتونو خبرې کړې دي.

د مالیې وزارت د خبرپاڼې له مخې؛ په دې لیدنه کې عبدالمتین سعید ټینګار کړی، چې د افغانستان اسلامي امارت صنعتکارانو او سوداګرو ته د پام وړ آسانتیاوې برابرې کړي او په دې اړه یې د ملاتړ رامنځته کولو هڅې روانې ساتلې دي.

نوموړي زیاته کړې، چې د افغانستان او هند اړیکې په ځانګړي توګه د سوداګرۍ او پانګونې په برخو کې د پراختیا په حال کې دي.

دغه راز هندي پانګوالو هم ژمنه کړې، چې په افغانستان کې به د انساني، کرنیزو او حیواني درملو د تولید، کرنې او کانونو د عصري ټکنالوژۍ کارونې او دغو برخو ته د افغان کدرونو د ظرفیت لوړونې لپاره د پروګرامونو پر برابرولو پانګونه وکړي.

ویل کیږي، چې یاده پانګونه کولی شي د کاري فرصتونو په رامنځته کولو، د تخنیکي پوهې په لېږد او د هېواد د اقتصادي ودې په برخه کې اغېزناک رول ولوبوي.

Continue Reading

سوداگري

د پاکستان او افغانستان سوداګر میلیارډونه ډالر زیانمن شول

د پاکستان د سوداګرۍ او صنایعو خونې رییس جنید الطاف ویلي؛ د دواړو خواوو سوداګري، چې پخوا محدوده وه اوس د توکو د تګ راتګ د بندېدا له کبله خرابه شوې او د تورخم د لارې له بندېدا راپدېخوا شاوخوا ۴۵ میلیون ډالر اقتصادي زیان ثبت شوی دی.

Published

on

د پاکستان او افغانستان ترمنځ د لارو د بندېدا له کبله د دواړو لوریو ترمنځ سوداګري سخته زیانمنه شوې؛ شاوخوا ۱۱ زره افغان ټرانزیټ کانټینرونه د کراچۍ په بندر او زرګونه نور خرابېدونکي توکي د غلام خان، سپین بولډک، خرلاچي او تورخم کې بند پاتې دي.

د پاکستان د سوداګرۍ او صنایعو خونې رییس جنید الطاف ویلي؛ د دواړو خواوو سوداګري، چې پخوا محدوده وه اوس د توکو د تګ راتګ د بندېدا له کبله خرابه شوې او د تورخم د لارې له بندېدا راپدېخوا شاوخوا ۴۵ میلیون ډالر اقتصادي زیان ثبت شوی دی.

سوداګرو خبرداری ورکړی؛ خوراکي توکي مخ پر خرابېدا دي، چې دې اقتصادي چلند درانده مالي زیانونه اړولي دي. هغو صادروونکو، چې E سندونه یې ترلاسه کړي وه؛ هم نشي کولی خپل بارونه ولېږدوي او دوه اړخیزه سوداګري چټکه راټیټه شوې ده.

د لارو بندېدا د درملو سوداګري هم د ۲۰۰ میلیون ډالرو له خطر سره مخ کړې ده. د انټي بیوټیکو، انسولینو، واکسینونو او زړه درملو سلګونه توکي په تورخم او چمن کې بند پاتې دي، چې د تودوخې حساس درمل د خرابېدا له خطر سره مخ دي.

د پاکستان د درملو جوړوونکو ټولنې خبرداری ورکړی، چې دا ګډوډي نه یوازې په افغانستان کې پر درمل رسولو اغېزه کوي، بلکې د ازبکستان، تاجکستان، ترکمنستان او قزاقستان لپاره د پاکستان ټرانزیټي لار هم اغېزمنوي، چې د سیمه‌ییز اتصال پروژې په ګډون د پاکستان- ازبکستان- افغانستان اوسپنې‌پټلۍ له خطر سره مخ کوي.

د سوداګرو استازو له اړوند چارواکو غوښتي، چې ژر تر ژره د توکو تګ راتګ بېرته پیل او سوداګري له سیاسي مسلو څخه بېله کړي، چې دواړو هېوادونو ته نور اقتصادي زیان ونه‌رسیږي.

Continue Reading
Advertisement

Trending

Copyright © 2025 Ariana News. All rights reserved!