تازه خبرونه
د سون توکو د بیو د لوړېدو د مخنیوي هڅې روانې دي
په راتلونکي ژمي کې به د سون توکو د بیو د لوړوالي د مخنیوي لپاره د کابل ښار په څلورو زونونو کې ۴۰۰ زره ټنه د دبرو سکاره د بازار له نرخ څخه په ارزانه بیه خلکو ته وړاندې شي.
د سوداګرۍ او صنایعو وزارت د ویاند له څرګندونو له مخې؛ دا پرېکړه د سون توکو د بیو د څارنې ځانګړې کمیتې، چې مشري یې د رییس الوزرا د اقتصادي مرستیال ملا عبدالغني برادر پر غاړه ده او ټاکل شوې، چې د ډبرو سکاره په عامو خلکو یو ټن په نهه زره افغانۍ وپلوري.
د دغه وزارت ویاند همدا راز زیاته کړې، چې د روانې میاشتې تر پایه به له روسیې سره د شوې هوکړې له مخې یوه اندازه تېل، اوبلن ګاز، اوړه او غنم هېواد ته وارد شي، چې د بیو په ټيټېدو کې به پوره اغېز ولري.
اوس د کابل په بازار کې د ډبرو سکرو یو ټن له دیارلس زره څخه تر پېنځلس زره افغانیو پلورل کیږي.
د صنایعو او سوداګرۍ وزارت ویاند عبدالسلام جواد آخوندزاده وايي، چې د روانې مياشتې تر پايه به له روسیې څخه افغانستان ته يو ميليون ټنه ډيزل، يو ميليون ټنه پټرول، پېنځه سوه زره ټنه اوبلن ګاز او دوه ميليون ټنه اوړه او غنم را ورسيږي، چې د خوراکي او سون توکو د بیو د راټيټېدو لامل بشي.
کابل ښاروالۍ هم ويلي، چې له نورو اړوند بنسټونو سره په همکارۍ کې یې د کابل ښاریانو ته د ډبرو سکرو د وېش پر څرنګوالي کار پیل کړی دی.
که څه هم یو شمېر کابل ښاریان د حکومت له دې اقدام هرکلی کوي؛ خو ټینګار کوي، چې په هېواد کې بېکاري او بېوزلي دېره ده او په نهه زره افغانۍ د یوه ټن ډبرو سکرو بیه اوس هم د ډېرو هیوادوالو له توانه لوړه ده.
د سوداګرۍ او صنایعو وزارت چارواکي وايي، چې د ډبرو سکرو په ارزانه بیه د وېش ترڅنګ هڅه کوي، چې د کابل ښاریانو د اړتیا وړ لرګي له هغو ولایتونو څخه، چې د لرګیو زیرمې لري، راوړي او د بیو د راټیټولو لپاره به نور اړین ګامونه هم پورته کړي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو