سیمه ییز خبرونه
د لوړو زده كړو وزير د كانكور په ازموينه كې د درغلۍ په مخنيوي پاتې راغلى
په كابل كې هغو زده كوونكو د لاريون په ترڅ كې خپل اعتراض څرګند كړ، چې د روان كال د كانكور په ازموينه كې نه دي بريالي شوي. دوى ويل، چې د لوړو زده كړو وزير د كانكور په ازموينه كې د درغلۍ په مخنيوي پاتې راغلى نو ځكه بايد استعفا وكړي.
دغه كسان، چې شمېر يې شاوخوا پنځو سوو تنو ته رسېږي هغه د ژمې په ورځو كې يې د كانكور په ازموینه كې برخه اخيستې، چې يو شمېر يې بې پاېلې پاته شوي او يو شمېر نورې د نيمه لوړو زده كړو موسسو ته لاره پېدا كړې ده.
دوى د ازموينو پر پايلو نيوكه كوله او ويل یی، چې دغه ازموينې عادلانه نه دي تر سره شوي او ازموينو د پايلو د باطلېدو غوښتنه يې كوله.
د لوړو زده كړو وزارت وياند عظيم نور بخش وايي:
دوى د كانكور په سږنۍ ازمويني كې د جعل كارۍ په تور شاوخوا پنځه سوه تنه نيولي دي لاريون كوونكې وايي، چې دغه كسان دې په علني محاكمه كړي، دوى همدا راز له دندې څخه د لوړو زده كړو د وزير د لرې كېدو او د يوې ملي كمېټې له خوا ازموينې د پاېلو په باب د څېړنې غوښتنه كوي.
خو د لوړو زده كړو دوزارت وياند د كانكور سږنۍ ازموينې شفافې بولي او زياتوي، چې دوى د خپل ظرفيت په تناسب دوطلبانو جذب كړي دي.
لاريون كوونكي همدا راز د لوړو زده كړو عالي او نيمه عالي موسسو ته د برياليو كسانو پر مساوات هم نيوكه كوي او وايي، چې د سږ كال د ښارونو په پرتله د شاته پاته ولايتونو څخه ډېرو كسانو د لوړو زده كړو عالي بسټونو ته لاره موندلې ده د دوى د شمېرو له مخې سږ كال، له دايكنډي ولايت څخه له ټولو ګډونوالو ۷۸ سلنه ګډونوال د لوړو زده كړو عالي او نيمه عالي بسټونو ته بريالي شوي په داسې حال كې، چې له ټولو امكاناتو سره په كابل كې دغه شمېر ۱۶ سلنې ته رسېږي.
د فارياب له ټولو ګډوالو څخه ۸۶ سلنه ګډوال د لوړو زده كړو عالي او نيمه عالي بسټونو ته بريالي شوي په داسې حال كې، چې په بلخ كې دغه شمېره ۲۳ سلنې ته رسېږي.
د غور ولايت له كډونوالو څخه ۶۴ سلنه ګډونوال د لوړو زده كړو عالي او نيمه عالي بسټونو ته بريالي شوي په داسې حال كې، چې په هرات كې دغه شمېره ۳۰ سلنې ته نه رسېږي.
د دغو شمېرو له مخې يوازې د ډايكندې له ولايت د كانكور د ازمویني ۸۰۰ ګډونوالو له ۳۰۰ زياتي نمرې تر لاسه كړي دي، په داسې حال كې، چې د نورو ټولو ولايتونو څخه يوازې ۷۰۰ تنو ۳۰۰ نمرې تر لاسه كړي دي.
دغه لاريون كوونكې له دولت څخه غواړي چې د ېوي اوونۍ په ترڅ كې د دوى غوښتنو ته ځواب وركړي.
كنه نو دوى به خپلو اعتراضونو ته دوام وركړي. او ان د نه خوړلو په اعتصاب به لاس پوري كړي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
سیمه ییز خبرونه3 days ago
په هر حال پر رفح برید شونی دی – نتانیاهو
-
سیمه ییز خبرونه5 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه3 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی3 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه5 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی4 days ago
اټک انرژي او موج ساحل د دوشنبې د ورځې لوبې وګټلې
-
نړۍ5 days ago
د امریکا بهرنیو چارو وزیر د غزې او اسرائیلو د اړیکو عادي کولو لپاره سعودي عربستان ته رسېدلی
-
ساینس او ټیکنالوژي5 days ago
په بیجینګ کې د جي کلاس برقي مرسډیز بینز موټر مخکتنه وشوه