تازه خبرونه
هیچا ته په هېواد کې د امنیت ګډوډولو اجازه نه ورکوو
د ملي دفاع وزارت چارسمبالي ملا محمد یعقوب مجاهد ویلي؛ د اسلامی امارت ځواکونه د هېوادوالو د تلپاتي امنیت ټینګښت ته ځان ژمن بولي او هيچا ته اجازه نه ورکوي، چې د هېواد امنیت ګډوډ کړي.
په دې مراسمو کې د اسلامي امارت د لومړي او دوه یم مرستیالانو په ګډون د کابینې لوړپوړیو چارواکو او د دفاع وزارت د چارسمبالي او د ملا محمد عمر مجاهد زوی ملا یعقوب مجاهد ګډون کړی و.
ملا محمد یعقوب مجاهد دغه څرګندونې نن یکشنبه د غویی ۴ د اسلامي امارت د بنسټوال او پخواني مشر ملا محمد عمر مجاهد په نهم تلینغونډه کې کړي دي.
په دغو مراسمو کې د ملي دفاع سرپرست وزیر ټینګار وکړ، چې اسلامي امارت به په هېواد کې د امنیت خوندي کولو لپاره د هر ډول داخلي او خارجي حرکت پر وړاندې ودریږي.
ملا محمد یعقوب مجاهد څرګنده کړې: ان شاالله ټول فاسد افکار به مو له منځه ولاړ شي. مونږ به هیچا ته اجازه ورنکړو، چې په افغانستان کې امنیت ګډوډ کړي او یا له بهر څخه ګواښمن شي. مونږ به ټولو ته په زړورتیا ځواب ورکړو. مونږ هیڅ بیړه نلرو.
نوموړی د افغانستان پوځ د خپلو مشرانو د لارې تقعیب ته ژمن بولي او ټینګار کوي، چې اسلامي امارت د ناامنیو او او د بې ګناه خلکو د وژنو زغم نلري او د اسلامي امارت پر ضد د هر ډول کورني او بهرني حرکت پر وړاندې به ودرېږي.
هغه دغه راز ویلي؛ امیر المومنین ملا محمد عمر مجاهد پخپله مبارزه او مشرۍ وکولی شول، چې افغانستان له تجزیې وژغوري.
د لومړي وزیر لومړي مرستیال د اسلامي امارت د بنسټ ایښودونکي او مشر ملا محمد عمر په نهم تلین کې ویلي، چې دولت د ټولو هېوادوالو د حقونو خوندیتوب ته ژمن دی او د هیچا په حق کې به ظلم و نشي.
هغه له ګاونډ هېوادونو وغوښتل، چې د افغانستان په چارو کې لاسوهنه و نکړي او په خبره یې د افغانستان له خاورې به هیڅ هېواد ته ګواښ پېښ نشي.
نوموړي زیاته کړې؛ ملا محمد عمر مجاهد رحمة الله د سترې حوصلې، صبر، استقامت، تدبر، شجاعت او لوړ شخصیت خاوند او کمساری شخص و.
هغه ویلي، د ا.ا.ا. د بنسټګر په ډېرو سختو شرایطو کې خپلې مبارزې ته دوام ورکړ او په دې لاره کې یې ډېر کړاونه وګالل.
هغه، د ا.ا. اوسنۍ بریا د ا.ا.ا. امیرالمؤمنین د تګلارې او موقف پایله وګڼله او زیاته یې کړه، چې مونږ به هم د نوموړي پر پله قدم ږدو او د هغه مبارزې ته به دوام ورکوو.
په دې مراسمو کې د لومړي وزیر دوه یم مرستیال شیخ عبدالسلام حنفي هم ډاډ څرګندوي، چې د اسلامي امارت پوځيان به د ظلم د ټغر ټولو او د اسلامي یووالي او حاکمیت ساتلو لپاره د خپلو مشرانو لاره تعقیب کړي.
هغه وايي، په افغانستان کې د واک جزیرې نورې پای ته رسېدلي او ټول هېوادوال د ورورولۍ په فضا کې ژوند سره کوي.
د اسلامي امارت ویاند ذبیح الله مجاهد هم د غونډې ګډونوالو ته ویلي، چې د اسلامي امارت د مبارزې او جهاد موخه د اسلامي نظام تینګښت او په هېواد کې ترې دفاع ده.
د اسلامي امارت ویاند ذبیح الله مجاهد زیاته کړې؛ ملا محمد عمر مجاهد وتوانید، چې د هېواد ټول عالمان تر یو چتر لاندې راټول کړي، اختلافات له منځه یوسي او ټول په یو اتحاد او اتفاق کړي.
د هېوادوالو د امنیت ټینګښټ په برخه کې د امنیتي چارواکو دغه څرګندونې داسې مهال راپورته کېږي، چې د افغانستان خلکو خونړۍ اوونۍ تېره کړه او د کابل، بلخ، ننګرهار او کندوز ولایتونو په وروستیو چاودنو کې شاوخوا سل تنه ووژل شول او لسګونه نور ټپیان دي.
تازه خبرونه
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دوحه کې د افغانستان اسلامي امارت د سفارت چارسمبالي(سرپرست) په قطر کې د ګامبیا له سفیر او ځانګړي استازي عمر جاح سره پر دوه اړخیزو اړیکو خبرې کړې دي.
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دې لیدنه کې دواړو لوریو د افغانستان او ګامبیا ترمنځ پر دوهاړخیزو اړیکو، په افغانستان کې امنیتي وضعیت، د پانګونې فرصتونو، اقتصادي همکاریو او نورو ګډو موضوعاتو اندونه وړاندې کړي دي.
تازه خبرونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
د پاکستان په ملي شورا کې د اپوزیسیون مشر او د پښتونخوا د عوامي ملي ګوند مشر محمود خان اڅکزي ویلي، چې که ښه مشران په واک کې وای: نو د ډیورنډ کرښې په اوږدو کې به خلکو آزاد تګ راتګ کولی شو.
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
اڅکزي زیاته کړې، کېدی شو؛ په سیمه کې ورته وضعیعت رامنځته شوی وای.
هغه ټینګار کړی: «دلته ستونزه څه ده؟ پنجابي په کندهار کې نڅا کوله او پښتانه دلته راتلل. که څه هم مونږ په ښکاره یو هېواد نهیوو، خو کولی مو شو په عمل کې یو هېواد واوسو.»
هغه د شوروي اتحاد او امریکا لهخوا پر افغانستان د یرغل یادونه وکړه او څرګندوي؛ افغانستان حق لري، چې له دې هېوادونو د جګړې د زیانونو او بیارغونې لپاره د تاوان غوښتنه وکړي.
دې پاکستاني سیاستوال له پښتنو سره د پاکستان د حکومت پر چلند نیوکه کړې او ادعا کوي، چې په ځینو ښارونو لکه لاهور او کراچۍ کې هغوی نیسي او جبري ایستل کیږي.
تازه خبرونه
د کونړ زلزلهځپلو ته په ننګرهار کې نمرې وویشل شوې
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
د کور او ښار جوړولو وزارت د کونړ ولایت هغو زلزلهځپلو کورنیو ته، چې د وروستۍ زلزلې له کبله یې کورونه ویجاړ شوي وه؛ د ننګرهار ولایت د ښېوې ولسوالۍ د ګمبیري د اړوند سیمې په ۱۰۰۰ جریبه ځمکه کې د نوي جوړ شوي ښارګوټي استوګنیزې نمرې وېشلي دي.
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
دغه راز په دې ښارګوټي کې د ښوونځي، مدرسې، جوماتونو، روغتیایي کلینیک او هدیرې لپاره ځانګړې ځمکې پر نښه شوې دي، چې اوسېدونکو ته د یو منظم او باعزته ژوند بشپړ چاپېریال برابر شي.
خبرپاڼه زیاتوي؛ په همدې مناسبت جوړه شوې غونډه کې د کور او ښار جوړولو وزارت وزیر نجیبالله حیات حقاني د ننګرهار ولایت د والي مرستیال مولوي غلام الرحمن حیدري، د علماوو شورا رییس او د زلزلهځپلو د مرکزي کمیسیون مشر شیخ خیر محمد فاروقي، د کونړ د جهادي مدرسې مشر شیخ عبدالقهار صدیقي، د ننګرهار ولایت د مقام استازی شمس العارفین او یو شمېر نورو مسوولانو ګډون کړی و.
د کور او ښار جوړولو وزارت وزیر نجیبالله حیات حقاني دغو مراسمو ته په وینا کې ویلي؛ اسلامي امارت هڅه کوي، چې زلزلهځپلې کورنۍ پیاوړې کړي او د ټولنې د فعالو غړو په توګه یې وروزي، چې د مرستې له اخیستونکو څخه د مرستې کوونکو کچې ته ورسېږي.
نوموړي د دې پلان پر ارزښت ټینګار وکړ او وایي: دا «پلان هغه ګټوره نسخه ده، چې خړه دښته د سرو زرو پر ارزښت بدلوي او د انساني ټولنې د پرمختګ لپاره عملي کېږي.»
ویل کیږي، چې د ننګرهار ولایت د مقام استازي شمس العارفین څرګنده کړې، چې د ننګرهار ولایت مقام د زلزلهځپلو د ملاتړ او د یاد ښارګوټي د ښه مدیریت لپاره د هر راز همکاریو ډاډ ور کړ.
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
امریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور
د کونړ زلزلهځپلو ته په ننګرهار کې نمرې وویشل شوې
امریکا به له ایران څخه غني شوي یورانیم ترلاسه کړي – ټرمپ
د افغانستان، ازبکستان او قرغزستان د استازو سوداګریزه ناسته ترسره شوه
د هائیټي په تاریخي کلا کې د ګڼې ګوڼې له کبله مرګ او ژوبله رامنځته شوې
آیا ایران په هرمز تنګي کې پر بېړیو پیسې وضع کولی شي؟
د جګړې له پایلو د اماراتو اندېښنه؛ د تېلو په راکړه ورکړه کې د ډالرو دډې ته کولو احتمال
ایران د هرمز تنګي پر سټرټیژیکه لار خپل واک او څار زیات کړ
تحول: د ایران او امریکا په شخړه کې ډیپلوماټیک بدلون
څار: له اسلامي امارت سره د هېوادونو د تعامل زیاتوالی
تحول: له جرمني څخه د افغان کډوالو د ایستلو روان بهیر
څار: د پاکستان پر پالیسۍ نیوکې
تحول:د افغانستان پر وړاندې د پاکستان دوه ګونی سیاست
-
سوداگري4 days agoله قزاقستان څخه افغانستان ته د غنمو په صادراتو کې د پام وړ زیاتوالی راغلی دی
-
تازه خبرونه5 days agoد ملګرو ملتونو خبرداری: د مرستو کمښت په افغانستان کې د ماین پاکۍ بهیر ځنډولی
-
سیمه ییز خبرونه4 days agoامریکا په هرمز تنګي کې د بندو کښتیو د خوندي لېږد چارې پیل کړې
-
سوداگري2 days agoد منځنۍ آسیا له لارې د چین– افغانستان نوې ټرانزیټي لاره پرانیستل شوه
-
سوداگري5 days agoد ۱۲ پراختیایي پروژو تائید؛ د بنسټیزو برښنایي، ټرانسپورټي او ودانیزو چارو پر پراختیا ټینګار
-
سیمه ییز خبرونه2 days agoپه بېجینګ کې لوړپوړې خبرې؛ په هرمز تنګي کې د امریکا او ایران پر کړکېچ ټینګار
-
نړۍ3 days agoسپینې ماڼۍ ته نږدې نښته؛ یو وسلهوال ټپي او روغتون ته ولېږدول شو
-
سیمه ییز خبرونه1 day agoامریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور