سیمه ییز خبرونه
يوناما د حقيقت موندنې له پلاوي سره همكاريو ته چمتوالى وښود
په كابل كې د ملگرو ملتونو سياسي څانگې( يوناما) له بنديانو سره د ناسم چلند او شكنجې په تړاو د حقيقت موندنې له پلاوي سره د لازمو همكاريو لپاره چمتوالى وښود.
دې ادارې د حقيقت موندنې د افغان پلاوي هغه څرگندونې رد كړې، چې د يوناما له خوا ورسره همكاري نه ده شوې.
د يوناما مسوولين وايي:
موږ د خپلو قوانينو په چوكاټ كې لازمه همكاري كړې ده.
د ملگرو ملتونو سياسي څانگې د جمعې په ورځ(د سلواغې۲۷) د يوې اعلاميې په خپرولو په ډاگه كړه، چې:
د افغان حكومت تركنترول لاندې زندانونو كې د بنديانو د شكنجې د مخنيوي او درملنې لپاره له هر بنسټ سره مرستې كوو.
د افغان حكومت تر كنترول لاندې زندانونو كې له بنديانو سره د ناسم چلند په باب د يوناما له رپوټ وروسته افغان دولت يوپلاوى وگماره، چې په دې تړاو څېړنې وكړي.
دې پلاوي له څېړنو وروسته د سلواغې په ۲۱ نېټه د بنديانو شكنجه كول او ور سره ناسم چلند تاييد كړ.
په افغانستان كې د بنديانو د شكنجې د څېړنو كميسيون رييس عبدالقادر عدالت خواه وايې:
يوناما هغه كسان نه دي ور پېژندلي، چې وايې شكنجه شوي او يا وهل شوي دي.
په افغانستان كې د ملگرو ملتونو د سياسي څانگې د بشري حقونو د څانگې مشرې جورجيت گنيان د افغان پلاوي دا ادعا رد كړې او وايې:
موږ له افغان پلاوي سره د امكان تر بريده همكاري كړې ده. مونږ له دې پلاوي سره دوې ليدنې درلودې او اوږدې خبرې مو وكړي. موږ همدا راز كوم معلومات، چې كولاى مو شواى د ملگرو ملتونو د سازمان د تگلارو او قوانينو پر بنسټ برابر كړو، هغوى ته وسپارل.
د حقيقت موندنې پلاوي د بنديانو ستونزو ته د اشارې تر څنگ د ستونزې د حل لپاره ولسمشر ته دولس ماده ييز وړانديز كړى دى.
پلاوى وړانديز كړى، چې:
ولسمشر دې د كورنيو چارو او عدليې وزارتونو او د ملي امنيت لوى رياست ته امر وكړي، چې بنديان مدافع وكيل او نورو حقوقي چارو ته لاسرسى ولري.
جورجيت گنيان وايي وايي:
موږ د افغان پلاوي له رپوټ او وړانديزونو څخه هركلى كوو، چې وايې، د كورنيو چارو او عدليې وزارتونه، لويه څارنوالي او د ملي امنيت لوى رياست دې د دغو وړانديزونو د عملي كولو لپاره بېړني اقدامات وكړي. يوناما چمتو ده، چې له اړوند بنسټونو سره همكاري وكړي او په زندانونو كې شكنجې له منځه يوسي.
كه څه هم افغان حكومت تل له نړيوالو ځواكونو څخه د بنديانو د ور سپارلو پر سر تينگار كوي، خو ناتو له دې بنديانو سره د ناسم چلند او شكنجو په دليل اندېښنې ښودلي او يو ځل يې افغان لوري ته د بنديانو د سپارلو بهير هم وځنډاوه.
اوس داسې ښكاري، چې افغان حكومت په يو ډول غواړي، چې دا بهير له نږدې وڅاري او افغان لوري ته د بنديانو د ور سپارلو په وړاندې خنډو نه له مخې ليرې كړي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه5 days ago
د بغلان ولایت د غوري سمنټو تولید زیات شوی
-
سیمه ییز خبرونه2 days ago
په هر حال پر رفح برید شونی دی – نتانیاهو
-
سیمه ییز خبرونه4 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی2 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه4 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی4 days ago
اټک انرژي او موج ساحل د دوشنبې د ورځې لوبې وګټلې
-
نړۍ4 days ago
د امریکا بهرنیو چارو وزیر د غزې او اسرائیلو د اړیکو عادي کولو لپاره سعودي عربستان ته رسېدلی