روغتيا
په افغانستان کې هر کال له نري رنځ ناروغۍ ۱۲ زره کسان مري
د افغانستان د عامې روغتیا وزارت د نري رنځ د نړیوالې ورځې پر مناسبت ويلي، چې هر کال تر ۱۲۰۰۰ پورې کسان له دې ناروغۍ مري.
د عامې روغتیا وزارت مرستیال ويلي، تېر کال په افغانستان کې د توبرکلوز ۷۶ زره او د مقاومتي نري رنځ ۴۸۰۰ پېښې ثبت شوي، چې د څه باندې ۵۲ زره کسانو درملنه شوې او د دې ناروغۍ له کبله د مړو شویو کسانو شمېرپه کال کې ۱۲۰۰۰ کسانو ته رسیږي.
د عامې روغتیا وزارت د پلان او پالیسۍ مرستیال محمد حسن غیاثي ويلي، تېر کال په هېواد کې د توبرکلوز ۷۶ زره پېښې ثبت شوې، چې د ۵۲ زره کسانو درملنه شوې ده.
د عامې روغتیا وزارت د نري رنځ د څارنې پروګرام رییس خان محمد منګل ویلي؛ نری رنځ یوه ساري ناروغي ده او په نړۍ کې د مړینې له لسو مهمو لاملونو څخه یو هم هعمدا ناروغي ده.
د روغتيا نړيوالې ټولنې استازي دیپینک لو ويلي؛ دغه ټولنه ژمنه کوي، چې د افغانستان په روغتيايي سيستم کې د نري رنځ د پوره له منځه وړلو پورې خپلې همکارۍ روانې ساتي.
نوموړي زیاته کړې؛ د روغتیا نړیوالې ټولنې د نري رنځ د له منځه وړلو په برخه کې د پرمختګ او د شته ننګونو د له منځه وړلو لپاره د تخنیکي لارښوونو پر برابرولو د نري رنځ د څارنې ملي پروګرام ملاتړ ته دوام ورکوي. د روغتیا نړیوالې ټولنې ژمنه کړې، چې د عامه او خصوصي سکتورونو پر ګډه همکارۍ د نري رنځ د له منځه وړلو لپاره کمپاین او هراړخیزې هڅې روانې ساتي.
د ملګرو ملتونو د پراختیايي پروګرام استازی هیومن جانګ هم ويلي، چې دغه اداره له چارسمبالي حکومت( اسلامي امارت) سره هم کار کوي، چې د نري رنځ ټولنیز او اقتصادي عوامل پر ګوته او د له منځه وړلو لپاره یې اقدام وکړي.
هیومن جانګ وایي: دغه دفتر د نري رنځ ټولنیز او اقتصادي عوامل د پر ګوته کولو او له منځه وړلو لپاره له نړیوالو شریکانو سره په ګډه کار کړی دی. دا دفتر له ۲۰۱۵ راپدیخوا د نري رنځ په سکتور کې د افغانستان یو ملګری دی، چې له خطر سره مخ خلکو ته یې خدمتونه چمتو کړي دي.
د عامې روغتیا وزارت د چارواکو د څرګندونو له مخې، نري رنځ په نړۍ کې د مړینې له لسو مهمو لاملونو څخه یو لامل دی.
روغتيا
د روغتیا وزارت مرستیال له افغانستان سره د نړیوالو مرستو د زیاتېدا غوښتنه وکړه
عبدالولي حقاني د افغانستان د روغتیایي سکټور لپاره د دوامداره او زیاتېدونکو مالي سرچینو د چمتو کولو پر ارزښت په ځانګړي توګه د واکسیناسیون، لومړنیو روغتیایي خدماتو، د مور او ماشوم روغتیا او بېړني چمتووالي هم ټینګار کړی دی.
د عامې روغتیا وزارت د روغتیایي خدمتونو د وړاندې کولو مرستیال عبدالولي حقاني په قطر کې د بشري روغتیایي همکارۍ او د ډلهییز معافیت د ودې په نړیوال کنفرانس کې له افغانستان سره د نړیوالو مرستو د زیاتېدا غوښتنه کړې ده.
عبدالولي حقاني د افغانستان د روغتیایي سکټور لپاره د دوامداره او زیاتېدونکو مالي سرچینو د چمتو کولو پر ارزښت په ځانګړي توګه د واکسیناسیون، لومړنیو روغتیایي خدماتو، د مور او ماشوم روغتیا او بېړني چمتووالي هم ټینګار کړی دی.
هغه ویلي، چې د ملي پالیسۍ تر چتر لاندې د مرستو تنظیم نه یوازې د خدمتونو کیفیت ښه کوي، بلکې د سرچینو د ښه مدیریت لامل هم کیږي.
د روغتیایي خدمتونو د وړاندې کولو مرستیال وزیر ویلي؛ د عامې روغتیا وزارت باور لري، چې دا ډول نړیوال کنفرانسونه د ګډې همکارۍ د پیاوړتیا، باور جوړولو او د افغانستان خلکو ته د مساوي او دوامداره روغتیایي خدماتو په وړاندې کولو کې ډېر اغېزمن دي.
روغتيا
جاپان په افغانستان کې د روغتیایي خدمتونو د ملاتړ لپاره مرسته اعلان کړه
د دې ټولنې د خبرپاڼې له مخې؛ دا مرسته به تر ټولو زیان منونکو خلکو په ګډون د ښځو، ماشومانو او بې ځایه شویو کورنیو ته د پاملرنې له چمتو کولو ملاتړ وکړي.
د روغتیا نړیوالې ټولنې له افغانستان سره د جاپان ۲۴۰ زره ډالرو بشري مرستې اعلان کړې دي.
د دې ټولنې د خبرپاڼې له مخې؛ دا مرسته به تر ټولو زیان منونکو خلکو په ګډون د ښځو، ماشومانو او بې ځایه شویو کورنیو ته د پاملرنې له چمتو کولو ملاتړ وکړي.
په افغانستان کې د روغتیا نړیوالې ټولنې استازي اډوین سنیزا سلواډور ویلي: “مونږ د جاپان له خلکو او حکومت څخه مننه کوو، چې په دې سخت وخت کې د افغانستان له خلکو سره ولاړ دي. د دوی ملاتړ به د اړینو روغتیایي خدمتونو په ګډون د نشهیي توکو د کارونې اختلالاتو او له بېړنيو طبي خدماتو ته د خلکو پاملرنه راواړووي. دا مرسته به د روغتیا نړیوالې ټولنې ته اجازه ورکړي، چې چټک ځواب ووایی او هغو ټولنو ته پاملرنه چمتو کړي، چې تر ټولو ډېر اغېزمن شوي دي.”
په افغانستان کې د جاپان سفیر کنیچي ماساموټو ویلي، چې د هغه هېواد د افغانانو د وضعیت په اړه ژوره اندېښنه لري او جاپان ژمن دی، چې د افغانانو د روغتیا او هوساینې لپاره ګډ کار وکړي.
روغتيا
د عامې روغتیا وزیر د هند له تلپاتي ملاتړ ستاینه وکړه
نورجلال جلالي په یوه ځانګړې مرکه کې له یوې هندي شبکې سره ویلي، چې افغانان له ډېرو کلونو راپدېخوا د درملنې لپاره هند ته سفر کوي او په وروستیو کلونو کې زرګونه ناروغان له دې بهیر څخه برخمن شوي دي.
د افغانستان عامې روغتیا وزیر نورجلال جلالي هند ته د خپل رسمي سفر پر مهال د افغانستان د روغتیا په برخه کې د نويډیلي اوږدمهاله ملاتړ وستایه او د هند صحي ویزې یې د افغان ناروغانو لپاره «یوه اړینه بشري لار» وبلله.
نورجلال جلالي په یوه ځانګړې مرکه کې له یوې هندي شبکې سره ویلي، چې افغانان له ډېرو کلونو راپدېخوا د درملنې لپاره هند ته سفر کوي او په وروستیو کلونو کې زرګونه ناروغان له دې بهیر څخه برخمن شوي دي.
د نوموړي د څرګندونو له مخې؛ د صحي ویزو آسانتیا د افغان ناروغانو لپاره پرمختللیو درملیزو خدمتونو ته د لاسرسي په برخه کې اړین ګڼل کیږي.
د عامې روغتیا وزیر همدارنګه د افغانستان د روغتیايي بېخبناوو په برخه کې د هند له مرستو هرکلی کړی او په کابل کې د انډرا ګاندي ماشومانو روغتون یې «په افغانستان کې د ماشومانو له سترو او مهمو روغتونونو څخه یو» بللی دی.
هند له دې مخکې په دې روغتون کې د تلاسیمیا مرکز، یو عصري تشخیصې مرکز او نوی تودوخې سیسټم جوړ کړی او ژمنه یې کړې، چې د سيټيسکن ماشین او نورې بېخبنایي مرستې به هم برابرې کړي.
د ورکړ شویو معلوماتو پر بنسټ هند همدارنګه د کابل په بګرامي ولسوالۍ کې د ۳۰ بستریز روغتون د جوړولو پلان لري، چې په کې به د سرطان د درملنې مرکز، د ټروما مرکز او د میندو او ماشومانو د روغتیا پېنځه کلینیکونه شامل وي. سربېره پر دې شاوخوا ۷۵ مصنوعي پښې (جایپور فوټ) افغان ښاریانو ته لګېدلې دي او د افغانستان د بهرنیو چارو وزیر د سفر پر مهال هند ۲۰ امبولانسونه هم افغانستان ته ډالۍ کړي دي.
نورجلال جلالي د هند د روغتیا او د کورنیو د هوساینې له وزیر سره په لیدنه کې د طبي تجهیزاتو، درملو د تنظیم، د روغتیايي کادرونو د روزنې او د اړتیا وړ درملو د برابرولو؛ په ځانګړي توګه د سرطان درملو، پر پراخولو ټینګار کړی او څرګندوي، چې نويډیلي ژمنه کړې دا درمل به په بېړني ډول افغانستان ته وسپاري.
هغه همدارنګه د ظرفیت لوړولو، په هند کې د افغان ډاکټرانو د روزنې او افغانستان ته د هندي طبي ډلو د لېږلو موضوع د عامې روغتیا وزارت له مهمو لومړیتوبونو څخه بللې او وایي، چې له لسیزو جګړو او بېثباتۍ وروسته د روغتیايي بشري سرچینو پیاوړتیا د افغانستان لپاره یوه اړتیا ده.
د دودیز یا سنتي طب په برخه کې د عامې روغتیا وزیر د آیوروډا او یوناني طب په برخه کې د همکاریو له هوکړو خبر ورکړی او وایي، چې په افغانستان کې د دودیز طب د انسټیټیوټ او څېړنیز مرکز جوړول او د هند د درسي نصاب لېږد، کولی شي د دې طبابت خوندي ادغام له عصري روغتیايي سیسټم سره شونی کړي.
جلالي همدارنګه د درملو د وارداتو د لارو د متنوع کولو لپاره د افغانستان هڅو ته په نغوته کې ویلي، چې د هند او نورو هېوادونو پر همکارۍ پر یوې ځانګړې لارې تکیه کمه او د اساسي درملو عرضه د افغانستان بازار ته تضمین شوې ده. هغه له جعلي او بېکیفیته درملو سره مبارزه «یوه جدي اندېښنه» بللې او د عامې روغتیا وزارت کې د نویو څارنیزو جوړښتونو له رامنځته کېدا هم خبر ورکړی دی.
د عامې روغتیا وزیر د ښځو او ماشومانو لپاره د روغتیايي خدمتونو پر پیاوړتیا د ټینګار تر څنګ ویلي؛ ښځې د افغانستان د ټولنې نه بېلېدونکې برخه ده او هغوی ته به د روغتیايي خدمتونو لاسرسی د افغان کلتور او اسلامي اصولو په چوکاټ کې پراخ شي.
هغه د افغانستان او هند اړیکې «ژورې ریښې لرونکې، د بشري ارزښتونو پر بنسټ ولاړې » بللې او هیله یې څرګنده کړې، چې دا همکارۍ د روغتیا، درمل جوړونې او درملیزو بېخبناوو په برخه کې نورې هم پراخې شي.
-
تازه خبرونه2 days agoپه افغانستان کې د سنتي نبوي طب پوهنځی منظور شو
-
لوبی2 days agoد ۲۰۲۶ آسیا فوټسال جام اته وروستۍ لوبډلې ځانګړې شوې
-
سیمه ییز خبرونه3 days agoد ایران د بندرعباس په یوه ودانۍ کې د ګاز ډبې د چاودنې له کبله ۱۶ کسانو ته مرګ او ژوبله اوښتې
-
تازه خبرونه1 day agoد افغانستان ملي پراختیا سټراټیژي له خطر سره مخ ده – یوانډيپي
-
تازه خبرونه2 days agoد ګوزڼ په پیل شوي ملي کمپاین کې ۷.۳ میلیون ماشومان واکسین کېږي
-
تحول4 days agoتحول: د پاکستان په بلوچستان کې د بلوچ آزادي غوښتونکي پوځ همغږي بریدونه
-
تازه خبرونه2 days agoپه شانګهای همکاریو ټولنه کې د افغانستان فعال ګډون ممکن او عملي دی
-
تازه خبرونه2 days agoد اوبو غلي بحران او د میلیونونو کډوالو راستنېدا افغانستان له ګواښ سره مخ کړی
