تازه خبرونه
سیاسي تربګنیو د سولې خبرې له ستونزو سره مخ کړي- جنرال نیکولسون
په افغانستان کې د ناتو پخوانی قومندان وايي، چې د دغه هېواد د سیاستوالو تر منځ تربګنیو د سولې خبرې له ستونزو سره مخ کړي دي.
په افغانستان کې د ناتو پخواني عمومي قومندان ویلي، چې په دغه هېواد کې د سولې پر وړاندې تر ټولو لویې ستونزې د سیاستوالو تر منځ د نظر اختلافونه دي.
جنرال نیکولسون له امریکا غږ سره په خبرو کې له افغان سیاستوالو غوښتي، چې خپل اختلافونه یوې خوا ته کړي او د سولې لپاره اجماع رامنځته کړي.
جنرال نیکولسن وايي چې په افغانستان کې د سولې لپاره باید سیاستوال اجماع ته ورسیږي.
نوموړی وایي؛ په هر هېواد کې سیاسي اوښتون راځي او د سیاستوالو تر منځ د نظر اختلافونه پیدا کیږي، خو دا یوه روښانه خبره ده، چې دا ډول اختلافونه د سولې خبرو ته زیان اړوي.
جنرال نیکولسن څرګنده کړې، چې اوس په افغانستان کې د جګړې د پای ته رسیدو وخت دی؛ نو، ځکه هغه له وسلوالو طالبانو غواړي، چې د سولې خبرو ته کښیني.
جنرال هیله ښودلې، چې طالبان به د سولې خبرو ته حاضر شي او وایي؛ په طالبانو کې هغه کسان، چې د تاوتریخوالي مخالف دي اوس یې وخت دی، چې جګړه پای ته ورسوي او ټول اړخونه اختلافونه یوې خوا ته کړي.
د اجرائيه ریاست د ویاند مرستیال امید میثم وايي، چې د سولې په برخه کې د سیاسي اجماع لپاره هڅې روانې دي.
که څه هم په افغان حکومت کې د سولې لپاره بېلا بېلې نظریې موجودې دي؛ خو اوس مسوولین وايي، چې د ټولو ښکېلو خواوو سره له خبرو وروسته به یو هر اړخیز پلاوي د سولې د خبرو لپاره وټاکي.
دا په داسې حال کې ده، چې د طالبانو او امریکایانو د سولې خبرې به له روژې وروسته د قطر په دوحه کې بیا پیل شي؛ خو لدې خبرو مخکې به د سولې په اړه سعودي عربستان هم د یوې ناستې کوربتوب وکړي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه16 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه16 hours ago
په عراق کې به همجنسبازان پر۱۵ کاله بند شي –پارلمان
-
لوبی13 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل