سیمه ییز خبرونه
په افغانستان كې د نړيوالو ځواكونو له حضورملاتړ ته اړتيا ده- دانفورد
جنرال جوزف دانفورد، چې په پام كې ده په افغانستان كې د ناتو ځواكونو كومانده په غاړه واخلي؛ د امريكا مشرانو جرگې ته وويل:
په افغانستان كې د تېرو څو كلونو د لاسته راوړنو ساتنه اړينه ده، چې په همدې موخه د امريكايي ځواكونو حضورته هم اړتيا ليدل كيږي.
جنرال دانفورد، چې په افغانستان كې د ناتو ځواكونو د عمومي كوماندان جنرال جان آلن په ځاى ټاكل شوى؛ د جمعې په ورځ(د لړم۲۶) يې د خپل راتلونكي ماموريت په اړه د امريكا مشرانو جرگې د وسله والو ځواكونو جرگه گۍ ته معلومات وركړل.
دانفورد وايي، چې:
د بېلابېلو موخو لپاره تر ۲۰۱۵ز. كال پورې په افغانستان كې د امريكايي ځواكونو له پاتې كيدو ملاتړ كوم. له ۲۰۱۴ز. كال وروسته په افغانستان كې د امريكا ټوليزه موخه د امنتيي لاسته راوړنو ساتنه ده، چې دغه هېواد بيا هيڅكله د ترهگرو په پټنځاى بدل نه شي.
جنرال دانفورد څرگنده كړې، چې:
په افغانستان كې ټاكل شوې موخې ته د رسيدو لپاره د امريكا اصلي پوځي ماموريت بايد د افغان ځواكونو ښوونه او روزنه ، له غير پوځي او ملكي بنسټونو ملاتړ او د ترهگرۍ ضد عملياتو تر سره كول وي.
امريكايي جنرال په داسې حال كې، چې افغان ځواكونو ته د امنيتي مسووليتونو د ليږد ملاتړ كوي؛ خو ټينگار كوي، چې:
افغان ځواكونه به د ۲۰۱۴ز. كال تر پايه ونه توانيږي، چې په يوازي توگه چارې پرمخ يوسي؛ د الوتكو او چورلكو د كارولو، د سړك غاړې ماينونو پر ضد مبارزې او د اطلاعاتو د راټولولو په برخه كې به نړيوالو سرتېرو ته اړتيا ولري.
جانفورد له هغه وروسته په افغانستان كې د امريكايي ځواكونو د عمومي كوماندان په توگه د دغه هېواد د ولسمشرله خوا نومول شوى، چې جان آلن په اروپا كې د امريكايي ځواكونو د كوماندان په توگه وټاكل شو؛خو په دې وروستيو كې له يوې ښځې سره د امريكا د استخباراتي ادارې يا سي آى آې د رييس ديويد پيتريوس د مسلې د رسوا كيدو په پېښه د هغه د احتمالي ښكېلتيا له كبله په اروپا كې د ده دا دنده ځنډول شوې ده.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه2 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه1 day ago
په غور کې د سېلابونو له کبله سلګونه خلک بې ځایه شول
-
تازه خبرونه1 day ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
سوداگري1 day ago
د ترکمنستان د سوداګرو او صنایعو اتحادیې مشر هرات ته سفر وګړ
-
نړۍ14 hours ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه13 hours ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ