تازه خبرونه
د ښځو پر وړاندې د تاوتریخوالي د پای ته رسولو لپاره باید همغږي شو- یوناما
په کابل کې د ملګرو ملتونو سیاسي استازولۍ د نوامبر ۲۵ د ښځو په وړاندې د تاوتریخوالي د مخنیوي نړیوالې ورځې له کبله له حکومت وغوښتل، چې د ښځو په وړاندې د تاوتریخوالي د کمولو لپاره ډاډمن ګامونه پورته کړي.
د نوامبر ۲۵ د ښځو په وړاندې د تاوتریخوالي د مخنیوي نړیواله ورځ ده او په کابل کې د ملګرو ملتونو سیاسي استازولۍ له حکومت غواړي، چې د دې پدیدې په وړاندې مبارزه وکړي.
نوموړي زیاته کړې، افغان ښځې له ډېرو ګواښونو او ستونزو سره مخ دي؛ خو بیا هم د تاوتریخوالي پای ته رسیدو لپاره مبارزه کوي.
یوناما د دغې ورځې لپاره د ( نړۍ نارنجي او د تاوتریخوالي پر ضد جنسیتي مساوات پیل کړئ) سرلیک غوره کړی دی.
دغه راز اجرائیه ریاست هم د ښځو پر وړاندې د تاوتریخوالي د مخنیوي ورځ ونمانځله.
په ولسي جرګه کې د هرات استازې ناهید فرید ویلي، افغان ښځې له ډول ډول تاوتریخوالي سره مخامخ دي او حکومت دې قضیو ته لږه پاملرنه کړې ده.
هغې زیاته کړې؛ دغه ورځ ښځو ته ډېره اړینه ده؛ ځکه، چې د ټولنې نیمه برخه له پامه د غورزیدو احساس کوي او دوه یم هېواد ګڼل شوي دي. دوی د ښځو له پرمختګونو څخه په وېره کې دي او له همدې کبله د تاوتریخوالي کچه راټیټه شوې نده.
په ولسي جرګه کې د جوزجان استازې حلیمه صدف کریمي ویلي، چې ښځې په ټول هېواد کې له تاوتریخوالي سره مخ دي، چې د اسلامیت او انسانیت سره په ټکر کې دي او مونږ دا کار غندو.
همدا رنګه ولسي جرګې د یوې اعلامیې په خپرولو د ښځو په وړاندې د تاوتریخوالي د کمیدو لپاره د جدي مبارزې غوښتنه وکړه.
د ولسي جرګې د غزني استازي عبدالقیوم سجادي ویلي، چې د هېواد اتیا سلنه ښځې له زدکړو بې برخې دي او ۹۰ سلنه یې له بېلابېل تاوتریخوالي کړیږي. ښځې په بېلا بېلو نومونو پلورل کیږي. پارلما ژمنه کوي، چې د تاوتریخوالي اړوند قوانین به پرته له ځنډه تصویب شي.
په همدې حال کې ولسي جرګې د ښځو پر وړاندې د تاوتریخوالي د مخنیوي اعلامیه رایو ته وړاندې کړه، چې د رایو په اکثریت تائید او تصویب شوه.
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه10 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه11 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه