سیمه ییز خبرونه
شمېرې ښيي، چې تر اوسه هم افغانستان د نړى نوي سلنه نشه يي توكي توليدوي
د امريكا متحده ايالات د افغانستان له هغو اوه لس ولايتونو سره څه د پاسه اتلس ميليون ډالره مرسته كوي، چې د كوكنارو كر په كې صفر شوى دى.
د دغې مرستې هوكړه ليك د سې شنبې په ورخ ( د سلواغې ۲۴ ) په كابل كې د امريكا د قانون د تنفيذ او نشه يي توكو د سفير او افغانستان د نشه يي توكو پروړاندې د مبارزې وزارت لاسليك كړ.
په تېرو لسو كلونو كې د كوكنارو د كر د مخنيوي په برخه كې د نړيوالې ټولنې او په ځانګړې توګه امريكا مرستې ندي توانېدلي، چې افغانستان د هغو هېوادونو له ډلې وباسي، چې نشه يي توكي په كې كرل كېږي.
شمېرې ښيي، چې تراوسه هم دا هېواد د نړى نوي سلنه نشه يي توكي توليدوي.
په كابل كې د امريكا سفارت د قانون د تنفيذ او نشه يي توكو سفيرميك فارلند وایی:
زه فكر كوم، چې د نړۍ په ځينو هېوادونو كې د نشه يي توكو تقاضا د دې لامل شوې، چې په افغانستان كې د دغه پديدې كښت او قاچاق دوام وكړي، ځكه درې لسيزې جګړې او نا امنۍ په دې هېواد كې د نشه يي توكو د كر او توليد لپاره زمينه برابره كړې ده.
د امريكا په سفارت كې دا چارواكى په دې اند دى، چې په افغانستان كې د نشه يي توكو له كر او قاچاق څخه ترلاسه شوې ډېرې پېسې د وسله والو مخالفينو جيبونو ته ځي، نو له دې امله د امريكا متحده ايالات تصميم لري، چې په افغانستان كې د نشه يي توكو د مخنيوي او يا كمولو په برخه كې خپلو همكاريو ته دوام وركړي.
د نشه يي توكو پر وړاندې د مبارزې وزير ضرار احمد عثماني وايي:
هغه ولايتونه، چې د كوكنارو كر په كې صفر شوى د ښو كړنو د ستاينې تر پروګرام لاندې راځي او په دغو ولايتونو كې د بيارغونې د چارو لپاره يو ميليون ډالر وركول كېږي.
بلخ، باميان، غزنى، فارياب، جوزجان، خوست، كندز، لوګر، نورستان، پكتيا، پكتيكا ، پنجشير، پروان ، سمنګان، سرپل، وردګ او تخار هغه ولايتونه دي، چې د كوكنارو كر په كې صفر شوى دى.
همدا راز په بغلان او بدخشان كې د كوكنارو شپېته سلنه كروندې تخريب شوې، چې صفر ته نيژدې دي.
د نشه يي توكو پروړاندې د مبارزې وزارت زیاتوی، چې كندهار، هلمند، ارزګان او فراه هغه ولايتونه دي، چې د نشه يي توكو د كر ستونزې په كې شته او د زياتوالي په حال كې ده او د افغانستان ۹۵ سلنه نشه يي توكي په همدې څلورو ولايتونو كې توليدېږي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه3 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
لوبی3 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه2 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
تازه خبرونه3 days ago
له پاکستان څخه دې د افغان کډوالو د جبري ایستلو چټکتیا راکمه شي
-
لوبی2 days ago
اټک انرژي او موج ساحل د دوشنبې د ورځې لوبې وګټلې