تازه خبرونه
په قطر کې به ژر له طالبانو سره خپلمنځي خبرې پیل شي- د مزاري د تلینغونډې ګډونوال
د عبدالعلي مزاري د څلیریشتم تلین په مراسمو له برید مخکې د خبرو برخوالو وویل، چې په قطر کې به ژر له طالبانو سره خپلمنځي خبرې پیل شي.
د کابل ښار په برچي سیمه کې د پنجشنبې پر ورځ( د کب ۱۶)د حزب وحدت د پخواني مشر عبدالعلی مزاري ۲۴ تلین ونمانځل شو، چې په کې د ګڼ شمېر د سیاسي بهیرونو استازیو، اوسنيو او پخوانیو حکومتي چارواکو او مامورینو په ګډون د سیمې زرګونه کسانو ګډون کړی و.
پخوانی ولسمشر حامد کرزی وایي، د سولې خوندي کولو لپاره هیلې را ټوکیدلي او باید دا شېبه له لاسه ونه وځي.
پخوانی ولسمشر حامد کرزی وایي، د سولې په اړه باید یوه شېبه هم بې پروایي ونشي؛ د خبرو لپاره هیلې راټوکیدلي او ډېر ژر په قطر کې د سولې خبرې د خلکو د استازیو لخوا پیل او تلپاتې سوله به خوندي شي.
نوموړي زیاته کړې، چې مونږ د غونډې د دغو سیاسي مشرانو او برخوالو په ګډون هڅه کوو، چې ژر تر ژره د افغانانو تر منځ بشپړې خبرې پیل شي. داسې خبرې، چې د حکومت او سیاسیونو په ګډون ټول حکومتي مشران او طالبان په کې برخه ولري.
د ملي امنیت شورا پخوانی سلاکار وایي، ارزښتونه او لاسته راوړنې باید د سولې له بهیره قرباني نشي.
د ملي امنیت شورا پخوانی سلاکار محمد حنیف اتمر وایي، چې له طالبانو سره د امریکا له خبرو ملاتړ کوو؛ خو سولې ته د رسیدو یوازنۍ لار خپلمنځي خبرې دي او دولت باید په دې خبرو کې ګډون وکړي.
د حکومت اجرائیه رییس ویلي، خلک او حکومت عادلانه سوله غواړي.
اجرائیه رییس عبدالله عبدالله وایي، چې د جګړې مسوولیت د هغو خلکو پر غاړه دی، چې ټینګار پرې کوي. د سولې لپاره زمینه رامنځته شوې؛ خو خبرو ته(…) چمتوالی نلري.
د یادونې ده، چې د ګډونوالو پر دغو مراسمو غرمه مهال هاوانونه او توغندي وتوغول شول او دغو بریدونو د خواخوږو مراسم ګډوډ او یاده ناسته پای ته ورسیده.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
چین په افغانستان کې له سیلاب ځپلیو سره سل زره ډالر مرسته کوي
په کابل کې د چین سفیر په افغانستان کې د وروستیو سېلابونو له قربانیانو سره د دغه هېواد د سره صلیب له لارې د سل زره ډالرو مرستې اعلان وکړ.
ژاو شينګ د دوشنبې پر ورځ (د غویي لسمه) د ریاست الوزراء له اداري مرستيال عبدالسلام حنفي سره په کتنه کې ويلي، چې دغه مرستې به ډېر ژر اړوند چارواکو ته وسپارل شي.
د ریاست الوزراء د اداري مرستیالۍ د خبرپاڼې له مخې؛ د چين سفير ويلي، چې د دواړو هېوادونو د اړيکو د پياوړتيا لپاره چين په بېلابېلو برخو کې افغان زدهکړیالانو ته د تحصيلي بورسونو زمينه برابره کړې ده. همدارنګه د افغانانو د ظرفیت لوړولو لپاره د طب په ګډون په بېلابېلو څانګو کې لنډ مهاله روزنیز کورسونه تنظیموي.
نوموړي په بېلابېلو برخو کې د پانګونې لپاره د چينايي سوداګرو او شرکتونو لیوالتيا هم ياده کړې او څرګندوي؛ د دواړو هېوادونو اقتصادي او سوداګريزې اړيکې په ښه حالت کې دي او چينايي سوداګر او پانګوال لیواله دي، چې په افغانستان کې پانګونه وکړي.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه23 hours ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی20 hours ago
اټک انرژي او موج ساحل د دوشنبې د ورځې لوبې وګټلې