Connect with us

تازه خبرونه

خلیلزاد بریالی شو، چې د افغانانو د خپلمنځي خبرو شین څراغ ولګوي

خپور شوی

د

د افغانستان د سولې لپاره د امریکا ځانګړي استازي زلمي خلیلزاد د افغانانو تر منځ د خبرو د پیل له اعلان نه یوازې تود هرکلی کړی، بلکې دا یو تاریخي فرصت بولي، چې ور سره به د افغانستان روانه ۴۰ کلنه جګړه پای ته رسیږي، ځکه ډېر شمېر افغانان په کې وژل شوي دي.

خلیلزاد زیاته کړې: تر دې ځایه د رسیدلو لار اوږده وه او ستونزې به په راتلونکې کې هم وي.‌ مهمه لاسته راوړنه هیڅکله آسانه نه وي. اوس د افغان مشرانو مسوولیت دی، چې لدې شېبې ګټه واخلي او دې ظالمې او بې‌مفهومې جګړې ته د پاې ټکی کیدي.

هغه څرګندوي؛ هیڅ سیاسي جوړجاړی له مصلحت پرته نه ترلاسه کیږي.‌ د افغانستان معاصر تاریخ ښيي، چې د واک د انحصار هڅې او په زوره پر نورو خپله ایډیالوژي تپل، شخړې رامنځته کوي او هېواد د نورو لاسوهنو ته ټیل وهي.

ټاکل شوې د افغانستان د سولې د خبرو اترو د پرانستې مراسم سبا د قطر په پلازمېنه دوحه کې ترسره شي.

ښاغلی خلیل زاد له ۲۰۱۸ کال راپدیخوا نه ستړې کیدونکې هڅې کوي، چې د افغانستان حکومت او طالبان د خبرو میز ته نږدې کړي. د هغه هڅو هغه مهال پایله ورکړه، چې د روان کال د فبرورۍ په میاشت کې د امریکا او طالبانو تر منځ افغانستان ته د سولې راوستو هوکړه لاسلیک شوه.

د دغې هوکړې له مخې؛ افغان حکومت له ۵۰۰۰ ډېر طالب بندیان خوشې کړي، چې په بدل کې یې له ۱۰۰۰ ډېر حکومتي بندیان خوشې کړل او امریکا هم په افغانستان کې خپل سرتېري راکم او پېنځه اډې یې افغان ځواکونو ته وسپارلې.

د خپلمنځي خبرو د پیل او پرانستي لپآره قطر ته د شپږ طالب بندیانو له لیږد وروسته، د دې تړون ټولې مادې پلې شوې دي.

د امریکا بهرنیو چارو وزیر مایک پمپیو هم د افغانانو تر منځ د خبرو په پرانستونکې ناسته کې د ګډون لپاره قطر ته رسیدلی دی.

دغه راز د قطر پلازمېنې دوحې ته د حکومت مرکچي پلاوی هم نن دوحې ته تلی دی.

 ولسمشر غني په یوه څرګندونه کې دغه پلاوي ته د بریا هیله کړې او وایي؛ د دوی دنده په هېواد کې د تلپاتې سولې راوستل دي، چې د افغانانو تپاتې هیله ده.

همدارنګه د ملي پخلاینې عالي شورا څرګنده کړې، چې د عبدالله عبدالله په مشرۍ هم یو پلاوی نن قطر ته تللی دی.

د یادې شورا ویاند خوځون ویلي: مونږ هیله من یو، چې له اوږده ځنډ وروسته به دا خبرې د تلپاتې سولې لامل شي او جګړه به پای ته ورسیږي.

دغه راز د ناتو عمومي منشي ینس ستولتنبرګ هم ویلي: “ټول بهیرونه باید له دې تاریخي فرصته د پرمختګ او د لاسته راوړنو د خوندي کولو لپاره ګټه پورته کړي، چې په پوره سرښندنه ترلاسه شوي دي. دغه راز ناتو به افغانستان امنیت ته تر اوږدې مودې ژمنه پاتې وي.

تېره ورځ ماښام مهال پاتې شپږ طالب بندیان د قطر پلازمېنې دوحې ته واستول شول.

د طالب له ۵۰۰۰ کسیزه نوملړه پاتې دغه شپږ وروستي سخت دریځي بندیان د بهرنيو اتباعو پر وژلو او د نشه يي توکو د قاچاق په تور بندیان شوي او اوس به په قطر کې تر څارنې لاندې وي.

د یادونې ده، چې د دغو بندیانو په خوشې کولو کې ځنډ د افغانانو د خپلمنځي خبرو پیل هم ځنډولې و. اوس ټاکل شوې، چې خپلمنځي خبرې به د شنبې پر ورځ د محرم الحرام پر ۲۴، د وږي پر ۲۲ او د سپتمبر پر ۱۲ د قطر په دوحه کې پیل او پرانستل شي.

تازه خبرونه

په پاکستان کې روانه ناامني د افغانستان د جګړې پر مهال د حکومتي سیاستونو پایله ده

اڅکزي ویلي، هيڅوک «بې له دلیله او یا د لیونتوب له مخې وسله نه‌اخلي» او زیاتوي؛ که « وړ کسان» واکمن شي، وضعیت ورسره ښه کېدی شي.

Published

on

د پښتونخوا عوامي ملي ګوند مشر محمود خان اڅکزي د پاکستان پر امنیتي او بهرنیو سیاستونو نیوکه کړې او څرګندوي، چې په سیمه کې ناامني او بې‌ثباتي د افغانستان د جګړې پر مهال د پاکستان د حکومتي پرېکړو پایله ده.

اڅکزي ویلي، هيڅوک «بې له دلیله او یا د لیونتوب له مخې وسله نه‌اخلي» او زیاتوي؛ که « وړ کسان» واکمن شي، وضعیت ورسره ښه کېدی شي.

هغه ټینګار کړی، چې د افغانستان د جګړې پر مهال د نړۍ له بېلابېلو سیمو جنګیالي پاکستان ته راغونډ شوي او هلته روزل شوي دي.

نوموړي زیاته کړې، دې سیاستونو وروسته د سترو وسلوالو ډلو په راټوکېدا کې مرسته کړې ده.

دغه سیاستوال دا پوښتنه هم راپورته کړې، چې ولې سترې ملي غمیزې او امنیتي ماتې هیڅکله په سمه توګه څېړل شوې نه‌دي.

هغه د ۲۰۱۱ ز.کال د ایبټ‌آباد عملیاتو ته داسې نغوته(اشاره) کړې؛ هغه عملیات، چې په کې د امریکا ځانګړو ځواکونو اوسامه بن لادین د پاکستان دننه وواژه.

اڅکزي ویلي: «بهرنیو ځواکونو زمونږ میلمانه زمونږ له کوره یوړل او مونږ هیڅ هم ونه‌ کړل. له ملتونو سره باید داسې چلند ونه‌شي.»

Continue Reading

تازه خبرونه

مسکو په افغانستان کې پر ځانګړو شرطونو د یوناما د ماموریت غځولو ته هیله‌من شو

کابلوف له یوې روسۍ ورځپاڼې «ایزوستیا» سره په مرکه کې ویلي، چې د یوناما د فعالیتونو د اغېزمنتیا په اړه ځینې پوښتنې موجودې دي.

Published

on

د افغانستان په چارو کې د روسیې د ولسمشر ځانګړي استازي ضمیر کابلوف ویلي، چې مسکو تمه لري د افغانستان لپاره د ملګرو ملتونو د مرستندویه پلاوي(یوناما) ماموریت له ځانګړو شرطونو سره وغځول شي.

کابلوف له یوې روسۍ ورځپاڼې «ایزوستیا» سره په مرکه کې ویلي، چې د یوناما د فعالیتونو د اغېزمنتیا په اړه ځینې پوښتنې موجودې دي.

هغه ویلي: «هو! البته ماموریت به وغځول شي، خو له ځانګړو شرطونو سره؛ ځکه د دې ماموریت د فعالیتونو په اړه پوښتنې شته. مونږ هیله لرو، چې دا ټولې برخې په پام کې ونیول شي.»

د ملګرو ملتونو امنیت شورا د روان کال په مارچ میاشت کې د یوناما ماموریت د یو کال پر ځای د درې میاشتو لپاره وغځاوه. دغه اقدام وروسته له هغې وشو، چې واشنګټن د اسلامي امارت تر واک لاندې افغانستان ته د مرستو د بیا ارزونې غوښتنه وکړه.

د یوناما د راتلونکي په اړه بحثونه داسې مهال وړاندې کېږي، چې افغانستان اوس هم له بشري ناورین سره مخ دی.

د ملګرو ملتونو د څرګندونو له مخې، میلیونونه افغانان د خوړو له کمښت، بې‌کارۍ او روغتیايي خدمتونو او لومړنیو آسانتیاوو ته د لاسرسي له کمېدا کړېږي.

روسیې له اسلامي امارت سره د خپلو اړیکو پراخېدا ته پام رااړولی دی او د سیمې د نورې بې‌ثباتۍ او امنیتي ګواښونو د مخنیوي لپاره یې له افغانستان سره د نړیوال تعامل له روان ساتلو ملاتړ کړی دی.

مسکو ټینګار کوي، چې د افغانستان له اوسنیو چارواکو سره د اړیکو ساتل د بشري ننګونو د حل او د داعش په څېر ډلو پر ضد مبارزې لپاره اړین دي؛ هغه ډله، چې روسیه یې د سیمې لپاره ستر امنیتي ګواښ ګڼي.

دغه راز د افغانستان لپاره د روسیې ځانګړي استازي ویلي، چې مسکو افغانستان ته د بشري مرستو د وړاندې کولو اجازه ترلاسه کړې او که کابل رسمي غوښتنه وکړي؛ دغه مرستې به برابرې شي.

روسیې د روان کال په اپریل میاشت کې افغانستان ته نږدې ۴۰۰۰ ټنه د غنمو اوړه هم لېږلي دي.

Continue Reading

تازه خبرونه

افغانستان د ولادي‌فیسټول د پېښو له پلوه د نړۍ پېنځم هېواد دی – د ملګرو ملتونو د وګړو صندوق

په ایکس‌پاڼه کې د یاد بنسټ د خپاره شوي پیغام له مخې؛ د زېږون‌ناسور اوس هم په افغانستان کې د زرګونو ښځو او نجونو د بدني معلولیت، روغتیايي ستونزو او ټولنیز ګوښه‌والي لامل ګرځي.

Published

on

په افغانستان کې د ملګرو ملتونو د وګړو صندوق ویلي، چې دا هېواد د ولاديفسټول (د زېږون‌ناسور ) د پېښو له پلوه د نړۍ پېنځم هېواد ګڼل کېږي او نږدې ۱۵زره افغان ښځې او نجونې له دې سختې ولادي ناروغۍ سره ژوند کوي.

په ایکس‌پاڼه کې د یاد بنسټ د خپاره شوي پیغام له مخې؛ د زېږون‌ناسور اوس هم په افغانستان کې د زرګونو ښځو او نجونو د بدني معلولیت، روغتیايي ستونزو او ټولنیز ګوښه‌والي لامل ګرځي.

دغه بنسټ ټینګار کړی، چې د دې ناروغۍ مخنیوی او درملنه پراخو روغتیايي خدمتونو، خوندي جراحۍ او اړینو طبي وسایلو او امکاناتو ته اړتیا لري.

د زېږون‌ناسور ډېری وخت د اوږده یا سخت زېږون له کبله د پخپل وخت روغتیايي پاملرنې د نشتوالي په پایله کې رامنځته کېږي او د ښځو لپاره جدي جسمي او رواني ستونزې پیدا کولی شي.

Continue Reading
Advertisement

Trending

Copyright © 2025 Ariana News. All rights reserved!