Connect with us

لوبی

د قطر په فوتبال نړیوال جام لومړۍ لوبه کې اکوادور کوربه لوبډله ګټلې

خپور شوی

د

د ۲۰۲۲ نړیوال جام لومړۍ سیالي تېره شپه یکشنبه د لړم ۲۹ / د نومبر ۲۰ د قطر او اکوادور لوبډلو ترمنځ پیل شوه او د اکوادور د دوه ګولونو پر بریا پای ته ورسېده.

د اسوشیېتد پرس خبري آژانس د راپور له مخې؛ دغه لوبه په آل بیت لوبغالي کې د څه باندې ۶۷ زره قطري نندارچیانو په شتون کې ترسره شوه.

په دې لوبه کې، چې د ماښام پر ۷:۳۰ بجو پیل او ایتالیاوي دینیله اورساتو یې څارونکی و؛ ترسره شوه. اکوادوري انروالنسیا لوبغاړي وکولی شول، چې د لوبې په ۱۶ دقیقو کې د پینالتي او ۳۱ دقیقه کې دوه بریالي ګولونه ترسره کړي.

د اکوادور بریا د نړیوال جام کوربه قطر لوبډلې او د هغې  مینوالو ته یوه مایوسونکې شېبه وه.

د دې لوبې غوره لوبغاړي انر والنسیا وټاکل شو.

لومړی، هغه په ​​درېیمه دقیقه کې د اکوادور لپاره یو ګول وواهه؛ خو دا ګول د ویدیو اسستنت ریفري (VAR) د پرېکړې له کبله ګول حساب نشو؛ ځکه، چې آف ساید وشمېرل شو.

د لوبې په پېنځلسمه دقیقه کې والنسیا د قطر د ګول کیپر لخوا پینالتي ترلاسه کړه او دغه پینالتي یې په شپاړسمه دقیقه کې پر ګول بدله کړه؛ خو دا پای ته ونه رسیده او د اکوادور سترایکر په ۳۱ دقیقه کې د نړیوال جام کوربه لوبډلې ته ګول بل ګول هم ورکړ.

قطر په دوه یمه نیمايي کې هم ګول ونشو کړای او که څه هم اکوادور لوبغاړيو د لومړۍ نیمايي په پرتله محتاطانه لوبه وکړه؛ خو د بل ګول پر ورکولو کې پاتې راغلل.

د قطر مشر روزونکي فیلیکس سانچیز ویلي؛ زه هیله لرم، چې دوی به په راتلونکیو لوبو کې ویاړ تر لاسه کړي.  ویلای شم، چې زموږ لوبډله د خپلو مینه والو لپاره خواشینې شوې هم ده. دا یوازې د نړیوال جام پیل دی.

۳۳ کلن والنسیا وایي، چې اوس یې د اکوادور وروستي پېنځه نړیوال جام ګولونه کړي، چې درې یې په ۲۰۱۴ کې ول او موږ باید خپل کار روان وساتو.

د لوبې په دوه یمه نیمایي کې د نندارچيانو لوی شمېر بېرته راستانه نشول.

په همدې حال کې د فیفا د مشر ګیاني انفانتینو په ګډون د منځني ختیځ او آفریقا مشران، د قطر امیر شیخ تمیم بن حمد ال ثاني هم د لوبې د پرانیستې نندارچیان ول.

د قطر امیر په انګلیسي ژبه په خپلو خبرو کې وویل: زه تاسې ټولو ته ښه راغلاست وایم او ستاسې د بریالیتوب هیله کوم.

په ورته وخت کې د نړیوال جام د ګروپ الف لوبه به د دوشنبې پر ورځ (د لړم ۳۰) د هالیند او سګنال ترمنځ د ماښام په ۰۷:۳۰ بجو ترسره شي.

اوس مهال اکوادور د درې نمرو په لرلو سره په دې ګروپ کې مخکښ دی.

د دغو سیالیو په دوام به په ب ګروپ کې به د ایران لوبډله د مازیګر پر ۴:۳۰ بجو له انګلستان سره او په دغه ګروپ کې به امریکا له ویلز سره په (۱۰:۳۰) بجو مخ شي.

لوبی

افغانستان د ایرلینډ پر وړاندې د پېنځه یو ورځنۍ لوبـو لړۍ وګټله

په دې لوبه کې رحمت شاه پر ۱۳۳ توپونو ۱۴۳ منډې وکړې او صدیق‌الله اتل هم پر ۱۱۲ توپونو ۹۸ منډې ترسره کړې.

Published

on

Last Updated on: زمری ۲۵, ۱۴۰۵

د افغانستان کرکټ ملي لوبډلې د پېنځه یو ورځنۍ سیالیو د لړۍ په پېنځمه او وروستۍ لوبه کې ایرلینډ ته د شپږ ویکټو پر توپیر ماتې ورکړه او له دې بریا سره یې د لوبو دا لړۍ وګټله.

په دې لوبه کې رحمت شاه پر ۱۳۳ توپونو ۱۴۳ منډې وکړې او صدیق‌الله اتل هم پر ۱۱۲ توپونو ۹۸ منډې ترسره کړې.

د ایرلنډ کرېکټ لوبډلې په ۵۰ اورونو کې د ۷ لوبغاړو په سوځېدو افغانستان ته د ۲۹۹ منډو هدف وټاکه؛ خو افغانستان دا هدف په ۴۸.۵ اورونو کې د ۴ لوبغاړو په سوځېدو ترلاسه کړ.

افغانستان له دې مخکې هم د دغو سیالیو له درې نورو لوبو څخه بریاوې ترلاسه کړې وې او لومړۍ لوبه د باران له کبله لغوه شوې وه.

د یادونې ده، چې آریانا ټلویزیون د دغو پېنځه یو ورځنیو سیالیو لړۍ پر ژوندۍ بڼه خپره کړه.

Continue Reading

لوبی

افغان کرکټ لوبډلې د نوې ریکارډ پر ثبتولو له ایرلینډ څخه د یو ورځنۍ سیالیو لړۍ وګټله

افغانستان اوس د سیالیو په لړۍ کې د ۳ ـ ۰ پر پایله مخکې دی.

Published

on

د افغانستان کرکټ ملي لوبډلې د چارشنبې پر ورځ ایرلینډ ته پر ۴۲ منډو ماتې ورکړه او له دې هېواد سره یې د پېنځه یو ورځنۍ سیالیو لړۍ وګټله.

افغانستان لومړی توپوهنه وکړه او د ۹ لوبغاړو پر سوځېدو یې په ۵۰آورونو کې ۳۴۳ منډې وکړې. دا په یو ورځنۍ سیالیو کې د افغانستان تر ټولو ډېرې منډې دي.

صدیق‌الله اتل د ۱۲۰ توپونو پر لوبولو ۱۴۳ منډې وکړې او د افغانستان په توپوهنه کې تر ټولو ښه وځلېد. هغه ۱۷ څلوریزې او څلور شپږیزې ووهلې. ابراهیم ځدراڼ هم په ۱۱۸ توپونو ۱۰۷ منډې وکړې. دغو دواړو لوبغاړو ۲۳۱ منډې جوړې کړې او د افغانستان د ډېرو منډو په جوړولو کې یې مهم رول ولوباوه.

ایرلینډ په ځواب کې ۳۰۱ منډې وکړې او په ۴۸آورونو کې یې ټول لوبغاړي وسوځېدل. انډریو بالبرني ۱۰۹ او کورټس کامفر ۸۴ منډې وکړې؛ خو ونه توانېدل، چې خپله لوبډله بریا ته ورسوي.

یمین احمدزي د ایرلینډ څلور لوبغاړي وسوځول او راشد خان درې ویکټې واخیستې. راشد خان تر دې دمه په دغو سیالیو کې ۱۲ ویکټې اخیستې دي.

افغانستان اوس د سیالیو په لړۍ کې د ۳ ـ ۰ پر پایله مخکې دی.

لومړۍ سیالي د باران له کبله ترسره نه‌شوه. په داسې حال کې، چې افغانستان دوه‌یمه سیالي پر ۹۲ منډو او درېیمه هغه پر درې ویکټو وګټله.

د دواړو لوبډلو ترمنځ پېنځمه او وروستۍ سیالي به د شنبې پر ورځ د ایرلینډ په سټورمونټ کې ترسره شي.

دغه سیالي به په افغانستان کې پر ژوندۍ او ځانګړې بڼه د آریانا ټلوېزیون له لارې خپره شي.

Continue Reading

لوبی

افغانستان له ایرلینډ سره په څلورمه لوبه کې؛ د لړۍ د ګټلو هڅه کوي

دا لوبه د بلفاسټ ښار په «سیویل سرویس کلاب» لوبغالي کې ترسره کېږي.

Published

on

د افغانستان کرکټ ملي لوبډله نن چارشنبه د پېنځه یو ورځنیو سیالیو د لړۍ په څلورمه لوبه کې له ایرلینډ سره مخ کېږي.

دا لوبه د بلفاسټ ښار په «سیویل سرویس کلاب» لوبغالي کې ترسره کېږي.

افغانستان اوس د ایرلینډ پر وړاندې د ۲- ۰ مخکښ دی او د درېیمې لوبې له ګټلو وروسته یې د ۲۰۲۷ز.کال کرکټ نړیوال جام ته مستقیمه لار هم خپله کړې ده.

د دواړو لوبډلو لومړۍ لوبه د باران له کبله بشپړه نه‌شوه؛ خو افغانستان په دوه‌یمه او درېیمه لوبو کې بریاوې خپلې کړې.

افغانستان په دوه‌یمه لوبه کې ایرلینډ ته د ۹۲ منډو پر توپیر ماتې ورکړه او په درېیمه لوبه کې یې د ۲۰۷ منډو هدف پر اووه ویکټو له لاسه ورکولو سره پوره کړ.

راشد خان په دغو بریاوو کې مهم رول لوبولی دی.

هغه په دوه‌یمه لوبه کې شپږ ویکټې واخیستې او په درېیمه لوبه کې یې درې ویکټې واخیستې او ۳۷ منډې یې هم وکړې.

رحمان‌الله ګربز په درېیمه لوبه کې ۷۱ منډې جوړې کړې.

ایرلینډ، چې په تېرو دوه لوبو کې له افغانستان ماتې خوړلې؛ هڅه کوي د افغان لوبډلې د بریاوو لړۍ ودروي.

د ایرلینډ توپوهونکي تر اوسه د افغان توپ‌اچوونکي، راشد خان او الله‌محمد غضنفر پر وړاندې له ستونزو سره مخ شوي دي.

ایرلینډ د بریا لپاره په دې لوبه کې ښه پیل او د خپلو توپوهونکو ترمنځ اوږدو ملګرتیاوو ته اړتیا لري.

افغانستان، چې په دې لړۍ کې یې خپله برلاسي ثابته کړې؛ هڅه کوي د نننۍ لوبې له ګټلو سره د سیالیو پایله ۳ – ۰ کړي.

دا لوبه نن د کابل پر وخت د ماسپښین په ۲:۱۵ بجې پیلېږي او دواړه لوبډلې به په ۵۰ آورونو کې سیالي وکړي.

Continue Reading
Advertisement

Trending

Copyright © 2026 Ariana News. All rights reserved!