Connect with us

تازه خبرونه

د میدان وردګ د بهسود د دوه یمې حصې ولسوالي د علی پور وسلوالو نیولې – سرچینې

خپور شوی

د

امنیتي سرچینو ویلي، چې د میدان وردګ د بهسود د دوه یمې حصې ولسوالي د علی پور وسلوالو له حکومتي ځانګړیو پولیسو نیولې او امنیتي ځواکونه ترې وتلي دي.

د علي پور ځینو وسلوالو د آریانا نیوز خبریال سمیع جهش ته په بهسود کې ویلي، چې څو پورې د دولتي ځواکونو لخوا د ملکي وګړیو د وژل کېدو په اړه  د څېړنو ځواب ورنکړ شو؛ نو، ځکه یې پر ولسوالۍ راودانګل.

د علي پور جنګیالیو په ډاګه کړې: څلور ورځې مخکې د میدان وردګ ولایت د بهسود په ولسوالۍ کې له دوه سوه ډېر خلک ټول شول؛ دوی ویل، چې ولې د پولیسو ځانګړي قطعات دلته حضور لري او له یوې شخړې وروسته له امنیتي ځواکونو سره ونښتل.

په دې نښته کې دولس اعتراض کوونکي وژل شوي او د بهسود د لومړۍ حصې د ولسولۍ د نوي امنیه قومندان په ګډون دوه پولیس او ۲۵ د سیمې خلک ټپیان شوي دي.

د بهسود د لومړۍ حصې د ولسوالۍ په اعتراضونو کې د یوه وژل شوي پلار محمد نبي وایي: خلک یې عام قتل کړل؛ نه یې بشري حققونو ته پام وکړ او نه هم اسلامي. ان یو کس یې ۴۰  مرمۍ ویشتی.         

د دېذ ولسوالۍ د وژل شوي کس پلار جمعه ویلي؛ حکومتي ځواکونو ټول وویشتل او له ۱۰۰ ډېرو کسانو ته مرګ و ژوبله اوښتې ده.

د علي پور د وسلوالو او امنیتي ځواکونو په څلور ورځنۍ نښته کې د ولسوالۍ ودانۍ، جومات او د ولسوالۍ نورې برخې ورانې او ویجاړې شوي او د ولسوالۍ تاسیساتو ته یې ډېر زیان رسولی دی.

د ولسوالۍ په څو سوه متري کې د علي پور په مشرۍ ټوپکوال ګوته پر ماشه دي او وایي: د انتقام اخیستو ته چمتو یو.

دوی وایي، چې له څلور خواوو یې د بهسود لومړۍ حصې ولسوالۍ ودانۍ، چې په کې د میدان وردګ امنیه قومندان او ځانګړي پولیس حضور لري، کلابند کړې او د علي پور قومندې ته په تمه دي، چې د جګړې امر وکړي.

د علي پور وسلوال رمضان ویلي: مونږ درندې او سپکې وسلې لرو او دا مو د سیمې د خلکو پر پیسو، چې راټولې کړي مو دي له حکومته مو پېرودلي دي.           

د علي پور بل وسلوال قربان علي نومی وایي: ما ځکه توپک را پورته کړ، چې زوی او وراره مې ټپیان شوي او بدل یې اخلم.

له څلور ورځنیو نښتو وروسته له کابله یو پلاوی دې سیمې ته ورغلی؛ پلاوي لومړی له ځانګړیو پولیسو او د میدان وردګ له امنیه قومندان او بیا د قرباني شویو او ټپیانو له کورنیو سره کتلي او څېړنې یې پیل کړي دي.

جنرال مراد علي مراد، د ولسي جرګې غړی مهدي راسخ او د ولایتي شورا یو غړی د قربانیانو استازیتوب کوي.

په ولسوالۍ کې د پلاوي له حضور سره – سره د سې شنبې پر ماښام امنیتي ځواکونه د میدان وردګ د بهسود د دوه یمې حصې له ولسوالۍ ووتل او د علي پور وسلوال ولسوالۍ ته ننوتل.

د بهسود د لومړۍ حصې ولسوالۍ د پېښې د څېړونکي پلاوي مشر عباد الله عباد وایي: لومړي مو له امنیتي ځواکونو سره ناسته درلوده او معلومات مو ترې راټول کړل او با د دغې ولسوالۍ له خلکو سره وغږېدو. اوس  هم خبرې روانې دی او پایله به یې د افغانستان خلکو ته وړاندې کړو.          

د سیمه ییزو ارګانونو خپلواکې ادارې مرستیال ایوب سالنګي ویلي: د پېښې عاملان، چې هر څوک وي د قانون منګولو ته به راکښل شي او په دې اړه به عدالت خوندي شي.           

د میدان وردګ امنیه قومندان مني، چې پوځيان د بهسود د دوه یمې حصې له ولسوالۍ وتلي؛ خو هغه د شمشېر قومندان یا علی پور د وسلوالو لخوا د بهسود په لومړۍ حصې ولسوالۍ کې د ځانګړیو پولیسو کلابنده کېدو خبر رد کړی دی.

د میدان وردګ امنیه قومندان الله داد فدایي وایي: بلې مونږ غوښتل په سوله ییزه توګه له علی پور څخه هغه رنجر او هاموی تانګ، چې څه وخت مخکې یې له حکومتي ځواکونو نیولي وه؛ بېرته واخلو.            

د میدان وردګ د بهسود د دوه یمې حصې له ولسوالۍ څخه د ځواکونو له وتو سره – سره بیا هم له کابله سیمې ته لېږل شوی پلاوی په دې ولسوالۍ کې دی؛ خو هیڅ غوټه نده پرانیستل شوې او بهسود اوس هم د دولتي ځواکونو او د علي پور د وسوالو تر منځ د احتمالي نښتو سیمه ګڼل کیږي.

تازه خبرونه

په سویس کې د افغانستان د اماني صندوق شتمني ۴.۲ میلیارډ ډالرو ته رسېدلې ــ انوارالحق احدي

انوارالحق احدي د ۲۰۲۶ز. کال د زمري پر څلورمه / د جولای پر شپږویشتمه د افغان پوهانو او څانګوالو(متخصصانو) ټولنې د اویایمې انلاین غونډې پر مهال ویلي، چې یاد صندوق شاوخوا ۷۰۰ میلیون ډالره عاید ترلاسه کړي او تر اوسه ترې هیڅ ډول ګټه اخیستل شوې نه‌ده.

Published

on

 د افغانستان د اماني ځانګړي صندوق (STFA) غړي انورالحق احدي ویلي، چې په سویس کې د افغانستان د ساتل شویو ملي شتمنیو ارزښت د پانګونې له عوایدو وروسته ۴.۲ میلیارډ ډالرو ته رسېدلی دی.

انوارالحق احدي د ۲۰۲۶ز. کال د زمري پر څلورمه / د جولای پر شپږویشتمه د افغان پوهانو او څانګوالو(متخصصانو) ټولنې د اویایمې انلاین غونډې پر مهال ویلي، چې یاد صندوق شاوخوا ۷۰۰ میلیون ډالره عاید ترلاسه کړي او تر اوسه ترې هیڅ ډول ګټه اخیستل شوې نه‌ده.

نوموړي زیاته کړې، دا شتمني به تر هغې خوندي وساتل شي، چې شرایط برابر او د افغانستان بانک ته ولېږدول شي.

دا غونډه د« د افغانستان اقتصادي او سیاسي وضعیت؛ واقعیتونه او راتلونکی لید» تر سرلیک لاندې جوړه شوې وه.

احدي ټینګار کړی، چې د صندوق له جوړېدا راپدېخوا له دغو شتمنیو څخه هیڅ لګښت نه‌دی شوی او دا پیسې د افغانانو د ګټې لپاره خوندي ساتل کېږي.

هغه په امریکا کې د کنګل شویو ۳.۵ میلیارډ ډالرو افغان شتمنیو په اړه ویلي، چې تر اوسه دوه امریکایي محکمو د افغانستان پر ګټه پرېکړې کړې دي.

د نوموړي د څرګندونو له مخې، تمه ده درېیمه او وروستۍ محکمه هم د دغو شتمنیو د آزادېدا حکم وکړي، چې د افغانانو ملي شتمنۍ خوندي پاتې شي.

په سویس کې جوړ دغه اماني صندوق د افغانستان د بهرنیو ملي شتمنیو د یوې برخې د ساتنې لپاره رامنځته شوی دی. په داسې حال کې، چې په امریکا کې د پاتې نیمو کنګل شویو زېرمو د حقوقي وضعیت د حل لپاره هم هڅې روانې دي.

Continue Reading

تازه خبرونه

په کابل کې د څه باندې ۲۰۰ میلیون ډالرو پر ارزښت ۲۲ سوداګریز هوکړه‌لیکونه لاسلیک شول

دا غونډه د افغانستان د صنعت او سوداګرۍ وزیر نورالدین عزیزي، د ازبکستان د لومړي وزیر مرستیال جمشید خواجه‌یوف، د یو شمېر وزیرانو، د فرغانې او تاشکند والیانو، د سوداګرۍ خونو د مسوولانو او د دواړو هېوادونو د سلګونو سوداګرو او پانګه‌والو په ګډون جوړه شوه.

Published

on

 

د کابل په افغان ـ ازبک سوداګریزه غونډه کې د دواړو هېوادونو د خصوصي سکټور د شرکتونو او پانګه‌والو ترمنځ د څه باندې ۲۰۰ میلیون ډالرو پر ارزښت ۲۲ سوداګریز هوکړه‌لیکونه لاسلیک شول.

دا غونډه د افغانستان د صنعت او سوداګرۍ وزیر نورالدین عزیزي، د ازبکستان د لومړي وزیر مرستیال جمشید خواجه‌یوف، د یو شمېر وزیرانو، د فرغانې او تاشکند والیانو، د سوداګرۍ خونو د مسوولانو او د دواړو هېوادونو د سلګونو سوداګرو او پانګه‌والو په ګډون جوړه شوه.

نورالدین عزیزي کابل ته د ازبکستان د لوړپوړي پلاوي د سفر په اړه، چې د خصوصي سکټور شاوخوا ۳۰۰ استازي هم ورسره مل ول؛ ویلي، چې د دواړو هېوادونو اقتصادي اړیکې نوي پړاو ته داخلې شوې دي.

هغه هیله څرګنده کړه، چې په راتلونکې کې به د دواړو هېوادونو د سوداګرۍ کچه پېنځه میلیارډ ډالرو ته لوړه شي.

نوموړي په افغانستان کې د پانګونې پر فرصتونو د ټینګار ترڅنګ ویلي، د ډېرو کډوالو بېرته راستنېدا د کاري فرصتونو اړتیا زیاته کړې او له افغان او ازبک پانګه‌والو یې وغوښتل، چې په افغانستان کې له شته فرصتونو ګټه واخلي.

د صنعت او سوداګرۍ وزیر همداراز څرګنده کړې، شاوخوا ۱۰ زره ټنه افغان پنبه پر ازمایښتي بڼه ازبکستان ته صادره شوې او دغه هېواد اوس ژمنه کړې، چې د افغانستان ۱۰۰ زره ټنه پنبه به وپېري.

بل لور ته د ازبکستان د لومړي وزیر مرستیال جمشید خواجه‌یوف افغانستان یو مخ پر پرمختګ هېواد وباله او وایي، چې د بنسټیزو پروژو پلي کېدا د دواړو هېوادونو ترمنځ د اقتصادي همکاریو د پراختیا زمینه برابره کړې ده.

هغه زیاتوي، ازبکستان د سوداګرۍ د آسانتیا لپاره د نویو ټرانزیټي لارو پرانیستل، د ترجیحي تعرفو برابرول، د توکو د لېږد چټکتیا او د لوژستیکي مرکزونو جوړول په خپلو لومړیتوبونو کې شمېرلي دي.

خواجه‌یوف ټینګار کړی، چې افغانستان د پام وړ اقتصادي وړتیاوې لري او د دواړو هېوادونو د سوداګریزو اړیکو په پراختیا کې مهم رول لوبولی شي.

په دې غونډه کې د افغانستان د سوداګرۍ او پانګونې خونې اجرائیوي رییس سیدکریم هاشمي او د ازبکستان د فرغانې والي هم د اقتصادي همکاریو پر پراختیا او د ګډې پانګونې پر زیاتوالي ټینګار وکړ.

د غونډې په پای کې د افغانستان او ازبکستان د خصوصي سکټور د شرکتونو او هڅاندو(فعالانو) ترمنځ د څه باندې ۲۰۰ میلیون ډالرو پر ارزښت ۲۲ سوداګریز هوکړه‌لیکونه لاسلیک شول، چې موخه یې د اقتصادي همکاریو پراختیا، د پانګونې زیاتوالی او د دواړو هېوادونو ترمنځ د سوداګرۍ وده بلل شوې ده.

Continue Reading

تازه خبرونه

افغانستان او ازبکستان د ټرانزیټي همکاریو پر پراختیا او د اوسپنې پټلۍ پروژو پر پرمختګ ټینګار وکړ

د دې لیدنې په پیل کې د افغان ټرانس اوسپنې پټلۍ پروژې د مطالعاتو د پیل د وخت ټاکلو موضوع مطرح شوه او دواړو لوریو د دې سیمه‌ییزې پروژې د پرمختګ د بهیر پر چټکتیا ټینګار وکړ.

Published

on

 

د افغانستان ټولګټو چارو وزیر محمد عیسی ثاني او د ازبکستان د لومړي وزیر مرستیال جمشید خواجه‌یوف په کابل کې د دواړو هېوادونو ترمنځ د اقتصادي او ټرانزیټي همکاریو پر پراختیا او د ګډو بنسټیزو پروژو پر پلي کېدا ټینګار کړی دی.

د دې لیدنې په پیل کې د افغان ټرانس اوسپنې پټلۍ پروژې د مطالعاتو د پیل د وخت ټاکلو موضوع مطرح شوه او دواړو لوریو د دې سیمه‌ییزې پروژې د پرمختګ د بهیر پر چټکتیا ټینګار وکړ.

همداراز د تورغونډۍ بندر پراختیا د دې ناستې له مهمو موضوعاتو څخه وه. د ازبکستان د لومړي وزیر مرستیال د دې بندر په پراختیا کې د پانګونې لپاره د خپل هېواد چمتووالی اعلان کړ او دا یې د دواړو هېوادونو ترمنځ د سوداګریزو او ټرانزیټي همکاریو د پیاوړتیا لپاره مهم ګام وباله.

دواړو لوریو د هرات ـ مزارشریف اوسپنې پټلۍ پروژې په اړه هم خبرې وکړې او ازبکستان په دې پروژه کې د پانګونې لېوالتیا څرګنده کړه.

د حیرتان بندر له لارې د سوداګریزو توکو د لېږد زیاتوالی او سوداګرو ته د ډېرو آسانتیاوو برابرول هم د دې لیدنې له نورو بحثونو څخه ول. د دواړو هېوادونو چارواکو د لېږد رالېږد د کچې پر لوړولو، د ټرانزیټي همکاریو پر پراختیا او د سوداګرۍ د بهیر پر چټکتیا ټینګار وکړ.

په دې ناسته کې د سالنګ لویې لارې له لارې د سوداګریزو توکو د لېږد بهیر هم وڅېړل شو.

د افغانستان د ټولګټو چارو وزیر ویلي، د سالنګ لویې لارې د بنسټیزې بیارغونې چارې چټکۍ روانې دي.

محمد عیسی ثاني دا ډاډ هم څرګند کړ، چې په افغانستان کې د پانګونې زمینه برابره شوې او ازبکستان کولی شي د افغانستان د قوانینو او معیارونو سره سم په بېلابېلو برخو کې پانګونه او فعالیت وکړي.

هغه د دواړو هېوادونو د ګډو پروژو لپاره د ټولګټو چارو وزارت پر ملاتړ ټینګار وکړ.

د دې لیدنې په پای کې دواړو لوریو د اقتصادي همکاریو پر پراختیا، د ټرانزیټي اړیکو پر پیاوړتیا او د افغانستان او ازبکستان ترمنځ د دوه اړخیزو اړیکو پر ټینګښت ټینګار وکړ او دا همکارۍ یې د دواړو هېوادونو د ګډو ګټو لپاره مهمې وبللې.

 
 
Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117