Connect with us

لوبی

قطر له نړیوال جام مخکې زرګونه بهرني کارګران له خپلو کورونو ایستلي

خپور شوی

د

(Last Updated On: لړم ۸, ۱۴۰۱)
په قطر کې استوګنو بهرنیو کارګرانو رویټرز ته ویلي؛ قطر په زرګونه آسیایي او آفریقایي کارګران د دې لپاره له خپلو کورونو ایستلي، چې په کې د فتبال نړیوال جام د لوبو مینه وال واوسیږي.
 

کارګران وايي، چې د چارواکو لخوا له ۱۲ ډېرې ودانۍ تړل شوي او ډېري آسیایي او آفریقایي کارګران اړ دي، چې د خپل پخواني کور څخه بهر د سرپناه موندلو لپاره پر ځمکه ویده شي.

دا هڅه د فوتبال نړیوال جام له پیلدا لږ تر لږه څلور اوونۍ مخکې په داسې حال کې رامنځته کیږي، چې قطر له بهرنیو کارګرانو سره د ناسم چلند او سختو ټولنیزو مقرراتو له کبله تر سختو نړیوالو څېړنو لاندې دی.

د دوحې د المنصوره د اړوند سیمې په یوه ودانۍ کې، چې د استوګنو په وینا؛ ۱۲۰۰ کسان پکې اوسېدل؛ چارواکو تېره چارشنبه د شپې شاوخوا ۸ بجې خلکو ته وویل، چې له کورونو څخه د وتلو لپاره یوازې دوه ساعته وخت لري.

بیا د شپې پر لس نیمو بجو بېرته راغلل او ټول یې پر زوره وویستل او د ودانۍ دروازې یې وتړلې. ان، چې ځینو يې ونشو کولی د خپلو شیانو راټولولو لپاره په وخت بیرته راستانه شي.

بله ورځ، یو سړی، چې د ۱۰ نورو نرینه وو سره د دوه یمې شپې لپاره په سړک کې خوب کولو ته چمتو کېده؛ د چارواکو غچ اخیستنې له وېرې یې د نوم د نه ښودلو پر شرط رویترز ته وویل: مونږ د تګ لپاره هیڅ ځای نلرو.

د قطر یوه حکومتي چارواکي ویلي، چې دغه ایستل له نړیوال جام سره هیڅ تړاو نلري او د دوحې د سیمو د بیا تنظیمولو لپاره د روانو پراخو او اوږدمهالو پلانونو سره سم دیزاین شوې دي.

چارواکو ویلي: ټولو له هغې وروسته په خوندي او مناسبو ځایونو کې ځای پر ځای شوي دي او د ویستلو غوښتنه هم له خبرتیا سره سمه ترسره شوې ده.

د قطر د درې میلیوني وګړیو څخه شاوخوا ۸۵ سلنه بهرني کارګران دي.

یو له دغو کارګرانو رویترز ته ویلي؛ هغه کارګران، چې د نړیوال جام کوربتوب ته یې د قطر بېخبناوې چمتو کړي؛ سیالۍ ته له نږدې کیدو سره له دندې ګوښه شوي دي.

هغه وایي: لوبغالي چا جوړ کړل؟ سړکونه چا جوړ کړل؟ چا هر څه چمتو کړل؟ افغانانو، بنګالیانو، پاکستانیانو. اوس مونږ ته ورته خلک ټول وتلو ته اړ کوي.

په قطر کې له اداراتو څخه د بهرنیو کارکوونکیو د ایستلو لړۍ په داسې حال کې ترسره کیږي، چې نړیوال جام ته ۲۲ ورځې پاتې دي.

د بشري حقونو ډلو له څو کلونو راپدیخوا پر قطر تور پورې کړی، چې د بهرنیو کارګرانو له حقونو څخه په ناوړه چلند او سرغړونې لاس پورې کوي.

لوبی

سري لانکا له افغانستان څخه د ۲۰ اوریز لوبلړ دوه‌یمه لوبه هم وګټله

Published

on

(Last Updated On: کب ۱, ۱۴۰۲)

د افغانستان کرکټ ملي لوبډلې د شل اوریزو سیالیو په دوه‌یمه لوبه کې له سریلانکا څخه د ۷۲ منډو پر توپیز ماتې وخوړه.

د دوشنبې د ورځې ( د سلواغې دېرشمه / د فبرورۍ نولسمه) په لوبه کې د افغان لوبډلې لوبډلمشر ابراهیم ځدراڼ د پچې له ګټلو وروسته د توپ‌اچوونې پرېکړه وکړه.

سري لانکا په ټاکل شویو ۲۰ اورونو کې افغانستان ته د ۱۸۸ منډو هدف وټاکه.

د افغانستان ټول لوبغاړي د ۱۷ اورونو په ۱۱۵ منډو کې وسوځېدل.

افغانستان د یاد لوبلړ لومړۍ لوبه بایللې وه او دوه‌یمه بریا هم سریلانکا خپله کړه.

له دې مخکې سریلانکا له افغانستان څخه ټسټ لوبه او د یو ورځنیو سیالیو لوبې هم ګټلې دي.

د یادونې ده، چې درېیمه او وروستۍ لوبه به د چارشنبې پر ورځ په رنګیري ډمبولا نړیوال کرکټ لوبغالي کې ترسره شي.

Continue Reading

لوبی

افغانستان نن له سریلانکا سره د درې ۲۰ اوریز لوبلړ دوه‌یمه لوبه کوي

Published

on

(Last Updated On: سلواغه ۳۰, ۱۴۰۲)

نن دوشنبه ( د سلواغې دېرشمه / د فبرورۍ نولسمه ) افغانستان او سریلانکا دوه‌یمه شل اوریزه لوبه د ډمبولا په رنګیري لوبغالي کې ترسره کوي او هیله داده، چې د شل اوریز لوبلړ د لومړۍ لوبې له بایللو وروسته دوه‌یمه لوبه وګټي.

د افغانستان او سریلانکا ترمنځ تر دې دمه ۵ شل اوریزې لوبې شوي، چې څلور یې سریلانکا او یوه افغانستان ګټلې ده.

د دوشنبې پر ورځ د سریلانکا پر کوربه‌توب د ۲۰ اوریزو درې سیالیو دوه‌یمه لوبه پیلیږي. له دې مخکې هم یوه ټیسټ او درې یو ورځنۍ لوبې ترسره شوي، چې دواړه بڼې سریلانکا ګټلې دي.

لومړۍ شل اوریزه لوبه د شنبې پر ورځ سریلانکا پر ۴ منډو وګټله.

د لوبې پچه سریلانکا وګټله او لومړی یې د توپ‌وهنې پرېکړه وکړه او ۱۶۰ منډې یې وکړې.

وانندو هاسارنګا ۶۷ منډې جوړې کړې، چې له سدیرا سماراویکراما سره یې ملګرتیا وکړه.

فضل الحق فاروقي په توپ‌اچونه کې ۳ لوبغاړي وسوځول. مهمه شېبه په څوارلسم اور کې هغه مهال راغله، چې سریلانکا پر ۲۲ منډو وسوځېده.

د هدف په پوره کولو کې افغانستان ښه پیل درلود؛ خو د ابراهیم ځدراڼ ۶۷ منډې کافي نه‌وې او د متیشا پټیرانې د ۲۴ منډو په بدل کې د ۴ ویکټو پر اخیستلو سریلانکا افغانستان ته پر ۴ منډو ماتې ورکړه.

افغانستان په شپاړلسم او اتلسم اور کې نرمښت وښود؛ خو د سریلانکا پر وخت ویکټې په پای کې پرېکنده ثابتې شوې.

وانندو هاسارانګا ښه توپ‌وهنه وکړه او سريلانکا ته یې ۱۰ منډې جوړې کړې. مخکې له دې، چې د ماتيشا پټيرانا پر مشرۍ توپ‌وهنه راټوله شوه او سريلانکا لوبه پر ۴ منډو وګټله.

نننۍ لوبه به د ماښام له ۶ بجو څخه پر ژوندۍ بڼه له آریانا ټلویزیون څخه خپره شي.

Continue Reading

لوبی

سریلانکا د ۲۰ اورزیز لوبلړ لومړۍ لوبه له افغان لوبډلې وګټله

Published

on

(Last Updated On: سلواغه ۲۹, ۱۴۰۲)

د افغانستان کرکټ ملي لوبډلې د ټسټ او درې یو ورځنیو لوبو له بایللو وروسته؛ د ۲۰ اوریز لوبلړ په لومړۍ لوبه کې له سریلانکا څخه پر ۴ منډو ماتې وخوړه.

د دواړو لوبډلو ترمنځ دغه لوبه د تېره شپه د سلواغې اته‌ویشتمه د سریلانکا پر کوربه‌توب ډمبولا په رنګیري نړیوال لوبغالي کې ترسره شوه.

په دې لومړۍ لوبه کې د سریلانکا ملي لوبډلې لوبغاړو توپ‌وهنه پیل کړه او بریالي شول، چې تر ۱۹ اوورونو مخکې افغانستان ته د ۱۶۱ منډو هدف وټاکي.

په دغو سیالیو کې د هېواد کرکټ ملي لوبډلې ټاکل شوی هدف پوره نه‌کړی شو او دغه لوبه یې وبایلله.

په دې لوبه کې د افغانستان لپاره ابراهیم ځدراڼ ۶۷ منډې او د سریلانکا لپاره وینډو هاسارنګا ۶۷ منډې وکړې.

افغانستان په داسې حال کې خپله ماتې ومنله، چې تېره اوونۍ هم سریلانکا کرکټ ملي لوبډلې د درې یو ورځني لوبلړ لوبې ګټلې وې.

په روانه اوونۍ کې به دواړه لوبډلې د ۲۰ اوریزو سیالیو په لوبلړ کې د یو بل پر وړاندې دوه نورې سیالۍ هم ترسره کړي.

Continue Reading

Trending

Copyright © 2022 Ariana News. All rights reserved!