لوبی
قطر له نړیوال جام مخکې زرګونه بهرني کارګران له خپلو کورونو ایستلي
کارګران وايي، چې د چارواکو لخوا له ۱۲ ډېرې ودانۍ تړل شوي او ډېري آسیایي او آفریقایي کارګران اړ دي، چې د خپل پخواني کور څخه بهر د سرپناه موندلو لپاره پر ځمکه ویده شي.
دا هڅه د فوتبال نړیوال جام له پیلدا لږ تر لږه څلور اوونۍ مخکې په داسې حال کې رامنځته کیږي، چې قطر له بهرنیو کارګرانو سره د ناسم چلند او سختو ټولنیزو مقرراتو له کبله تر سختو نړیوالو څېړنو لاندې دی.
د دوحې د المنصوره د اړوند سیمې په یوه ودانۍ کې، چې د استوګنو په وینا؛ ۱۲۰۰ کسان پکې اوسېدل؛ چارواکو تېره چارشنبه د شپې شاوخوا ۸ بجې خلکو ته وویل، چې له کورونو څخه د وتلو لپاره یوازې دوه ساعته وخت لري.
بیا د شپې پر لس نیمو بجو بېرته راغلل او ټول یې پر زوره وویستل او د ودانۍ دروازې یې وتړلې. ان، چې ځینو يې ونشو کولی د خپلو شیانو راټولولو لپاره په وخت بیرته راستانه شي.
بله ورځ، یو سړی، چې د ۱۰ نورو نرینه وو سره د دوه یمې شپې لپاره په سړک کې خوب کولو ته چمتو کېده؛ د چارواکو غچ اخیستنې له وېرې یې د نوم د نه ښودلو پر شرط رویترز ته وویل: مونږ د تګ لپاره هیڅ ځای نلرو.
د قطر یوه حکومتي چارواکي ویلي، چې دغه ایستل له نړیوال جام سره هیڅ تړاو نلري او د دوحې د سیمو د بیا تنظیمولو لپاره د روانو پراخو او اوږدمهالو پلانونو سره سم دیزاین شوې دي.
چارواکو ویلي: ټولو له هغې وروسته په خوندي او مناسبو ځایونو کې ځای پر ځای شوي دي او د ویستلو غوښتنه هم له خبرتیا سره سمه ترسره شوې ده.
د قطر د درې میلیوني وګړیو څخه شاوخوا ۸۵ سلنه بهرني کارګران دي.
یو له دغو کارګرانو رویترز ته ویلي؛ هغه کارګران، چې د نړیوال جام کوربتوب ته یې د قطر بېخبناوې چمتو کړي؛ سیالۍ ته له نږدې کیدو سره له دندې ګوښه شوي دي.
هغه وایي: لوبغالي چا جوړ کړل؟ سړکونه چا جوړ کړل؟ چا هر څه چمتو کړل؟ افغانانو، بنګالیانو، پاکستانیانو. اوس مونږ ته ورته خلک ټول وتلو ته اړ کوي.
په قطر کې له اداراتو څخه د بهرنیو کارکوونکیو د ایستلو لړۍ په داسې حال کې ترسره کیږي، چې نړیوال جام ته ۲۲ ورځې پاتې دي.
د بشري حقونو ډلو له څو کلونو راپدیخوا پر قطر تور پورې کړی، چې د بهرنیو کارګرانو له حقونو څخه په ناوړه چلند او سرغړونې لاس پورې کوي.
لوبی
افغانستان له روسیې سره مساوي شو؛ په کانټیننټل فوټسال سیالیو کې یې لومړۍ نمره خپله کړه
دا لوبه، چې د سیالیو له زړهراکښونکو لوبو څخه وه؛ د دواړو لوبډلو پرلهپسې بریدونو رنګینه کړې وه. روسیې څو ځله مخکې والی خپل کړ؛ خو افغان لوبغاړو هر ځل پایله مساوي کړې. افغانستان وروسته درېیم ګول وواهه او ۳ پر ۲ مخکې شو؛ خو روسیې هم د مساوي ګول پر وهلو لوبه ۳ پر ۳ پای ته ورسوله.
د افغانستان فوټسال ملي لوبډلې د کانټیننټل فوټسال سیالیو په لړ کې له روسیې سره ۳ پر ۳ مساوي لوبه وکړه او د دغو سیالیو لومړۍ نمره یې ترلاسه کړه.
دا لوبه، چې د سیالیو له زړهراکښونکو لوبو څخه وه؛ د دواړو لوبډلو پرلهپسې بریدونو رنګینه کړې وه. روسیې څو ځله مخکې والی خپل کړ؛ خو افغان لوبغاړو هر ځل پایله مساوي کړې. افغانستان وروسته درېیم ګول وواهه او ۳ پر ۲ مخکې شو؛ خو روسیې هم د مساوي ګول پر وهلو لوبه ۳ پر ۳ پای ته ورسوله.
دواړو لوبډلو د لوبې په اوږدو کې د ګول وهلو ګڼ فرصتونه رامنځته کړل او تر وروستۍ شېبې یې د بریا لپاره هڅې وکړې.
دا مساوي پایله له هغې وروسته ثبت شوه، چې افغانستان له دې مخکې کوربه ټایلنډ ته ۶ پر ۱ او ویټنام ته ۲ پر ۱ ماتې خوړلې وې او له دې سره یې د کانټیننټل فوټسال سیالیو لومړۍ نمره خپله کړه.
ټاکل شوې د افغانستان فوټسال ملي لوبډله نن(پنجشنبه) له غرمې وروسته په بله لوبه کې د نیوزیلینډ پر وړاندې ولوبېږي.
لوبی
د افغانستان کرکټ ملي لوبډله له ایرلینډ سره د بریالي پیل په لټه کې ده
دغه سیالۍ د ۲۰۲۷ز.کال نړیوال جام لپاره د دواړو لوبډلو د چمتووالي یوه برخه ده. افغانستان د تکړه لوبډلې په توګه دې لوبې ته داخلېږي او هڅه به وکړي، چې په ۵۰ آوریزو سیالیو کې پر ایرلینډ خپله برلاسي روانه وساتي.
د افغانستان کرکټ ملي لوبډله نن د شمالي ایرلینډ په بریډې کرکټ لوبغالي کې له ایرلنډ سره د پېنځه یو ورځنۍ سیالیو د لړۍ لومړۍ لوبه ترسره کوي.
دغه لوبه د کابل پر وخت د ماسپښین په ۱:۳۰ پیلېږي. اټکل شوی، چې اسمان به ورېځمن وي او د لږ باران امکان هم شته.
لوبی
افغانستان له ایرلنډ سره په ۵۰آوریز لوبلړۍ کې د خپلې نړیوالې درجې د پیاوړتیا په لټه کې دی
د دغې لړۍ لومړۍ دوه لوبې به د اګست پر پېنځمه او اوومه د شمالي ایرلینډ په بریډې کرکټ لوبغالي کې ترسره شي او درې نورې لوبې به د اګست پر لسمه، دولسمه او بېنځلسمه د بلفاسټ ښار په سیول سروس لوبغالي کې ترسره شي.
د افغانستان کرکټ ملي لوبډله سبا(چارشنبه) له ایرلنډ سره د پېنځه نړیوالو یو ورځنۍ سیالیو لړۍ پیلوي؛ هغه سیالۍ، چې افغانستان هیله لري د ښو پایلو پر خپلولو د ۲۰۲۷ز.کال نړیوال جام د غوراوي له ټاکلې نېټې مخکې د کرکټ نړیوالې شورا په یو ورځنۍ درجهبندۍ کې خپل ځای پیاوړی کړي.
د دغې لړۍ لومړۍ دوه لوبې به د اګست پر پېنځمه او اوومه د شمالي ایرلینډ په بریډې کرکټ لوبغالي کې ترسره شي او درې نورې لوبې به د اګست پر لسمه، دولسمه او بېنځلسمه د بلفاسټ ښار په سیول سروس لوبغالي کې ترسره شي.
افغانستان دا سیالۍ په داسې حال کې پیلوي، چې د کرکټ نړیوالې شورا په تازه یو ورځنۍ درجهبندۍ کې له ۹۰ امتیازونو سره په اتم ځای کې دی. په داسې حال کې، چې ایرلینډ له ۵۴ امتیازونو سره دولسم ځای لري.
دا سیالۍ د دواړو لوبډلو لپاره ځانګړی ارزښت لري؛ ځکه د ۲۰۲۶ز.کال د سپټمبر تر دېرشمې پورې د کرکټ نړیوالې شورا درجهبندي به هغو لوبډلو په ټاکلو کې مهم رول ولري، چې د ۲۰۲۷ز.کال نړیوال جام ته مستقیمه لار مومي.
د کوربه هېواد، سویلي افریقا، پرته د درجهبندۍ اته غوره لوبډلې به نېغ پر نېغه نړیوال جام ته لار پیدا کړي.
افغانستان په وروستیو یو ورځنۍ سیالیو کې پر ایرلینډ برلاسی پاتې شوی او د دې لوبډلې پر وړاندې یې خپلې وروستۍ شپږ لوبې ګټلې دي. ایرلنډ وروستی ځل د ۲۰۱۹ز.کال په مارچ میاشت کې افغانستان ته په یو ورځنۍ لوبه کې ماتې ورکړې وه.
دا لړۍ به د افغانستان د نوي لوبډلمشر رحمت شاه لپاره د یو ورځنۍ سیالیو لومړنۍ لړۍ وي. هغه د روان کال په جون میاشت کې د حشمتالله شهیدي له لوبډلمشرۍ تر لاسه کولو وروسته د لوبډلې مشري پر غاړه واخیسته.
افغانستان همداراز هیله لري، چې د روان کال په پیل کې له هند څخه د یو ورځنۍ سیالیو په لړۍ کې له درې ـ صفر ماتې وروسته بېرته د بریاوو لارې ته وګرځي.
بل لور ته ایرلینډ له لوړې روحیې سره دغو سیالیو ته راځي. دې لوبډلې تېره میاشت د شل آوریزو نړیوالو سیالیو په لړۍ کې د شل آوریز نړیوال جام اوسني اتل هند ته دوه ـ صفر ماتې ورکړه. جای مونډرا، چې د دغې لړۍ غوره لوبغاړی نومول شوی و؛ د لومړي ځل لپاره د ایرلینډ یو ورځنۍ لوبډلې ته بلل شوی دی. بن کالټز او بایرون مکډونا هم د لوبډلې په نوملړ کې شامل دي.
کوربه لوبډله د څو مهمو لوبغاړو د ټپي کېدو له ستونزې سره مخ ده او جاش لټل، مټ هالارډ، کریګ یانګ، بېري مککارټي، جورډن نیل او ډیوېډ ډیلني د ټپونو له کبله په دغو سیالیو کې نهلوبېږي.
د آریانا راډیو ټلوېزیون نړیواله شبکه په افغانستان کې د افغانستان او ایرلینډ ترمنځ
News on Facebook, Instagram and X for match schedules, live updates, breaking news, and comprehensive coverage throughout the series.
-
تازه خبرونه4 days agoد نورستان سیلابځپلیو ته به هر اړخیزه رسېدنه وشي – ملا برادر په نورستان کې
-
تازه خبرونه2 days agoد افغانستان او ایرلینډ لومړۍ یوورځنۍ لوبه د باران له کبله لغوه شوه
-
تازه خبرونه4 days agoد سفر بندیز د افغان کورنیو د یوځای کېدا خنډ نهشي کېدی ـ د امریکا محکمه
-
تازه خبرونه4 days agoچین او پاکستان د ترهګرۍ ضد همکارۍ پر پراختیا ټینګار وکړ
-
تازه خبرونه3 days agoپه افغانستان کې د ماشومانو د خوارځواکۍ کړکېچ د ژورېدا په حال کې دی ـ د خوړو نړیوال پروګرام
-
تازه خبرونه4 days agoد ملګرو ملتونو امنیت شورا به واک ته د اسلامي امارت د بېرته رسېدا اغېزې وارزوي
-
ساینس او ټیکنالوژي2 days agoساینسپوهانو د لمر تر ټولو روښانه انځور ثبت کړ
-
لوبی5 days agoد افغانستان او ایرلینډ د یو ورځنۍ سیالیو لړۍ دوه ورځې وروسته پیلېږي

