Connect with us

تازه خبرونه

ناټو په دوه ورځنۍ غونډه کې د ځواکونو پر برخلیک پرېکړې ته ونه رسېده

خپور شوی

د

د ناټو عمومي منشي ینس سټولټنبرګ د پنجشنبې پر مازیګر یوې خبري ناستې ته په ډاګه کړه، چې د دې ټولنې د دفاع وزیرانو د دوه ورځنۍ ناستې پر مهال په افغانستان کې د بهرنیو ځواکونو د برخلیک په اړه هیڅ پرېکړه نده شوې.

سټولټنبرګ د ناټو د دفاع وزیرانو له دوه ورځنۍ غونډې وروسته په انلاین رسنیز کنفرانس کې څرګنده کړې، چې دې ټلوالې د ځواکونو په اړه تراوسه پرېکړه نده کړې؛ ځکه اوس هم فکر کیږي، چې په افغانستان کې د سولې هڅو ته وخت شته.

هغه ویلي، چې پرېکړه لږ ستونزمنه ده. که د می له لومړۍ نېټې وروسته په افغانستان کې پاتې کیږو؛ نو شونې ده، چې تاوتریخوالی او زمونږ پر ځواکونو بریدونه ډېر شي او که له افغانستان څخه ووځو بیا هم داسې وېره شته، چې د تېرو شل کلونو سرښندنې او لاسته راوړنې پر اوبو لاهو شي.

سټولټنبرګ یو ځل بیا ټینګار کړی، چې پر ټاکلي وخت د ټولو سرتېرو د وتلو لپاره نرمښت اړین دی او ښکېل اړخونه په ځانګړي توګه طالبان باید د اوربند لپاره اورکم ومني.

هغه د طالبانو پسرلنيو بریدونو ته په نغوته او اشاره کې څرګنده کړه، چې ناټو په تاوتریخوالي کې د پام وړ کمیدو ته په تمه ده؛ ځکه، چې په افغانستان کې ډېري خلک له جګړې وېره لري او سیاسي جوړجاړی غواړي.

په هرحال د ناټو مشر د سولې اوسنۍ خبرې ماتېدونکې بولي؛ ځکه، چې پرمختګونه یې ټکني دي.

هغه وايي، چې طالبان باید د سولې خبرو ته راودانګي، د تاوتریخوالي کچه راکمه او له ترهګرو ډلو سره اړیکې پرې کړي.

سټولټنبرګ وايي، ناتو په افغانستان کې وضعیت څاري او د سولې خپلمنځي خبرو بریالیتوب غواړي.

نوموړي دا ډاډ هم څرګند کړې، چې په راتلونکیو اوونیو کې به سلا مشورې وشي؛ خو د اوس لپاره ټینګار دادی، چې د سولې پر بهیر راوڅرخو او د افغانانو خپلمنځی خبرې بریالۍ شي.

دا په داسې حال کې ده، چې د امریکا بهرنیو چارو وزیر له ولسمشر اشرف غني سره په ټیلیفونې اړیکه کې ویلي؛ واشنګټن د افغانستان د سولې له بهیر ملاتړ غواړي او د تلپاتي اوربند او سیاسي هوکړې غوښتنه کوي.

تازه خبرونه

چین او قطر د افغانستان د وروستیو بدلونونو په اړه خبرې کړې دي

د قطر بهرنیو چارو وزارت د خبرپاڼې له مخې؛ دا لیدنه د هغو ګډو نړیوالو هڅو د پیاوړتیا پر لارو چارو راوڅرخېده، چې موخه یې په افغانستان کې د امنیت او ثبات ښه کول دي.

Published

on

د افغانستان په چارو کې د چین ځانګړي استازي یو شیائویونګ د خپل سفر پر مهال د قطر د بهرنیو چارو وزارت د دولت له وزیر محمد بن عبدالعزیز بن صالح الخلیفي سره ولیدل او دواړو لوریو د افغانستان پر وروستیو بدلونونو بحث او خبرې وکړې.

د قطر بهرنیو چارو وزارت د خبرپاڼې له مخې؛ دا لیدنه د هغو ګډو نړیوالو هڅو د پیاوړتیا پر لارو چارو راوڅرخېده، چې موخه یې په افغانستان کې د امنیت او ثبات ښه کول دي.

په دې لیدنه کې الخلیفي ټینګار کړی، چې قطر د شخړو د سوله‌ییزو حل لارو ملاتړ کوي او په سیمه او نړۍ کې د سولې او ثبات د پیاوړتیا هڅې هڅوي.

قطر په وروستیو کلونو کې د افغانستان په چارو کې فعاله ډیپلوماټیکه ونډه لرلې، چې په کې د افغان چارواکو او بهرنیو هېوادونو د استازو په ګډون د خبرو اترو کوربه‌توب هم رانغاړي.

Continue Reading

تازه خبرونه

له اسلامي امارت سره د «بشپړې ملګرتیا» د رامنځته کولو په حال یوو – روسیه

Published

on

د روسیې یوه لوړپوړي امنیتي چارواکي ویلي؛ مسکو له اسلامي امارت سره د «بشپړې ملګرتیا» د رامنځته کولو په حال کې دی او د سیمې له نورو هېوادونو غواړي، چې له کابل سره خپلې همکارۍ پراخې کړي.

د اینټرفاکس خبري آژانس د راپور له مخې؛ د روسیې د امنیت شورا منشي سرګې شویګو په قرغزستان کې د شانګهای همکاریو ټولنې ناستې ته ټینګار کړی، چې مسکو له کابل سره همکاري د سیمه‌ییز امنیت او پرمختګ لپاره مهمه ګڼي.

شویګو زیاته کړې؛ روسیه د اسلامي امارت له چارواکو سره «عمل‌پاله خبرې اترې» لري، چې د امنیت، سوداګرۍ، کلتوري تبادلو او بشري مرستو برخې رانغاړي.

هغه همداراز د افغانستان په اړه د شانګهای همکاریو ټولنې د تماس ډلې د بیا فعالولو وړاندیز کړی، چې د افغانستان د اړوند مسایلو لپاره ورسره سیمه‌ییزه همغږي پیاوړې شي.

روسي چارواکي د امنیتي اندېښنو له کبله له افغانستان سره نږدې همکاري اړینه بولي.

د یادونې ده، چې روسیې د یوازني هېواد په توګه اسلامي امارت پر رسمیت پېژندلی دی.

Continue Reading

تازه خبرونه

د برښنا شرکت مسوولانو او په کابل کې د ایران سفارت چارسمبالي د همکاریو پر پراختیا خبرې وکړې

د برښنا شرکت د خبرپاڼې له مخې؛ په دې لیدنه کې د ۵۰۰ کیلوولټ برښنالېږد مزي پر طرحې، نوي کېدونکې انرژۍ پراختیا او د افغانستان انرژۍ پراخو پانګیزو فرصتونو بحث وشو او دواړو لوریو د ګډو همکاریو پر پیاوړتیا ټینګار وکړ.

Published

on

په کابل کې د ایران سفارت چارسمبالي علي‌رضا بیکدلي د افغانستان برښنا شرکت له اجرائیوي رییس عبدالحق همکار سره د لیدنې پر مهال د برښنا او انرژۍ په اړه د همکاریو پر پراختیا، پانګونې، فرصتونو او ګډو پروژو خبرې وکړې.

د برښنا شرکت د خبرپاڼې له مخې؛ په دې لیدنه کې د ۵۰۰ کیلوولټ برښنالېږد مزي پر طرحې، نوي کېدونکې انرژۍ پراختیا او د افغانستان انرژۍ پراخو پانګیزو فرصتونو بحث وشو او دواړو لوریو د ګډو همکاریو پر پیاوړتیا ټینګار وکړ.

عبدالحق همکار ویلي؛ افغانستان د انرژۍ په بېلابېلو برخو کې د پانګونې اړین ظرفیتونه لري او د کابل او تهران ترمنځ د همکاریو پراختیا کولی شي د دې سکټور له دوامدار پرمختګ سره مرسته وکړي. هغه همداراز د ۵۰۰ کیلوولټ برښنا مزي پروژه د دواړو هېوادونو ترمنځ د انرژۍ د تبادلې د آسانتیا لپاره یو اړین ګام وباله.

دغه راز په کابل کې د ایران د سفارت سرپرست ویلي؛ هېواد یې له افغانستان سره د اقتصاد، سوداګرۍ او انرژۍ په برخو کې د همکاریو پراختیا ته لېوالتیا لري. هغه زیاته کړې، د نوي کېدونکې انرژۍ په برخه کې د همکاریو لپاره ښه فرصتونه شته، چې کولی شي سیمه‌ییزې همکاري نوره هم پیاوړې کړي.

هغه د افغانستان برښنا شرکت اجرائیوي رییس ته بلنه ورکړه، چې د تخنیکي خبرو د پرمخ بېولو او د عملي اقداماتو د چټکتیا لپاره ایران ته سفر وکړي.

د دې لیدنې په پای کې د افغانستان برښنا شرکت د بدخشان له لاجوردو جوړ شوی سوغات د ایران د سفارت چارسمبالي ته ډالۍ کړ او دواړو لوریو د همکاریو د پیاوړتیا لپاره د ناستو پر دوام او نږدې همغږۍ ټینګار وکړ.

Continue Reading
Advertisement

Trending

Copyright © 2025 Ariana News. All rights reserved!