Connect with us

تازه خبرونه

ټول افغانان باید په هېوادنیو پرېکړو کې ونډه واخلي – حامد کرزی

Published

 on

(Last Updated On: کب ۱۸, ۱۴۰۰)

پخواني ولسمشر حامد کرزی په هېواد کې تلپاتې سوله او ثبات له ملي یووالي سره تړي او وایي؛ ملي وحدت هغه مهال شونی دی، چې د هېواد وګړي په مهمو پرېکړو کې ونډه واخلي.

نوموړي د ایران له صدا او سیما خبري آژانس سره په ځانګړې مرکه کې ویلي؛ هغه سوله او ثبات، چې د افغانانو هیله وه تر اوسه نده ترلاسه شوې.

حامدکرزي ویلي، چې اسلامي امارت دې له سیاسي مخالفانو سره، چې له هېواده وتلي؛ باید خبرې وکړي او ورته د راستنېدو شرایط برابر کړي.

 کرزی هیله من شوی اوله اسلامي امارت څخه غواړي، چې له هېواده وتلي مرور سیاسي مخالفان پخلا کړي او هېواد ته د هغوی د راستنیدو زمینه برابره کړي.

هغه په هېواد کې د تلپاتې ثبات او د خلکو د خوښې د اساسي قانون د جوړولو لپاره د لویې جرګې پر راغوښتو او جوړېدو ټینګار کوي او زیاتوي، چې د خلکو د خوښې اساسي قانون ته د رسېدو او له اوسني حکومت سره د داخلي مخالفتونو ختمول د لویې جرګې له جوړیدو سره تړلي دي.

دغه راز حامد کرزي د هلمند په سینده کې  د ایران د اوبو د حق په اړه د یوې پوښتنې په ځواب کې ویلي،  چې اسلامي امارت باید د ایران د اوبو د حقونو درناوی وکړي.

اسلامي امارت د لویې جرګې د رابللو په اړه د حامد کرزي د غوښتنې په تړاو ویلي، چې اوسنی حکومت د هېواد په ټولو برخو کې خپل مشروعیت لري او د لویې جرګې د رابللو اړتیا نشته.

تازه خبرونه

په افغانستان کې سوله او ثبات یوه اړتیا ده – اردوغان

Published

on

(Last Updated On: ليندۍ ۵, ۱۴۰۱)

د ترکیې ولسمشر رجب طیب اردوغان د جمعې پر ورځ په افغانستان کې د سولې او ثبات پر اهمیت رڼا واچوله او ویې ویل، چې د ګواښونو او خطرونو مخنیوی د سیمې لپاره یوه اړتیا ده.

دغه راز د ترکیې ولسمشر رجب طیب اردوغان ویلي، چې په افغانستان کې سوله او ثبات د ګډو ګواښونو او خطرونو په پام کې نیولو سره یوه اړتیا ده.

هغه همدا راز ویلي، چې ترکیه به په افغانستان کې خلکو ته د بشري ناورین د اغېزو د له منځه وړلو لپاره خپلې هڅې روانې وساتي.

نوموړي څرګنده کړې: په افغانستان کې سوله او ثبات د افغانانو وروڼو پر وړاندې زموږ د بشري دندې یوه برخه ده او له ګډو ګواښونو او خطرونو سره د مقابلې په برخه کې حیاتي اهمیت لري. د دواړو هېوادونو ترمنځ د ښو اړیکو او پاکستان ته د افغانانو د غیر قانوني کډوالۍ د مخنیوي لپاره با ثباته افغانستان ته اړتیا لرو او باید په ګډه کار سره وکړو.  

له بلې خوا اردوغان په دې کتنه کې ویلي، چې هېواد به یې په افغانستان کې بشري مرستو ته دوام ورکوي او تر اوسه پورې د خوراکي او لومړنیو مرستو څو جوپې افغانستان ته استول شوي دي.

هغه وایي: بله موضوع په افغانستان کې د بشردوستانه مرستو ده. مونږ دغه هېواد ته د خوراکي او لومړنيو مرستو څو ټولګې، چې خوراکي او لومړني توکي په کې ول؛ لېږلي دي. له دغه هېواد سره به زموږ مرستې روانې وي.    

د پاکستان لومړي وزیر شهباز شریف ترکیې ته په سفر کې له انقرې وغوښتل، چې د چین – پاکستان د اقتصادي دهلیز (CPEC) له څو میلیارد ډالري پروژې سره يو ځای شي.

نوموړي ګډې  خبري ناستې ته ویلي؛ سیمه به د درې واړو هېوادونو د همکاریو له برکته له پرمختګ او سوکالۍ برخمنه شي.

شهباز شریف ویلي: دا کار به د بېوزلۍ او بېکارۍ له منځه وړلو کې مرسته وکړي. دا به د ښوونې او روزنې د پرمختګ لامل شي او دا هغه لار ده، چې مونږ کولی شو د نن ورځې ننګونې پرې حل کړو.

کارپوهان په دې باور دي، که د افغانستان په اړه د پاکستان او ترکیې ترمنځ همکاري رښتیني وي، نو اغېزمنه تمامېدای شي؛ ځکه، چې دا دواړه هېوادونه له واکمنو چارواکو سره نږدې اړیکې لري.

په کابل کې د ملګرو ملتونو د سیاسي استازولۍ دفتر یا یوناما ویلي، چې له افغانستان سره د اړیکو د ټینګولو لپاره له ازبکستاني او تاجکستاني چارواکو سره د دغه سازمان د مرستیال خبرې پای ته رسېدلي دي.

د ازبکستان د بهرنیو چارو وزیر ویلي، چې له مارکس پوتزل سره یې د افغانستان د مسئلې د حل لپاره د یوې نړیوالې ډلې د جوړولو په اړه خبرې کړي دي.

Continue Reading

تازه خبرونه

له اسلامي امارت سره د خبرو لپاره د یوې نړیوالې ډلې پر جوړولو ټینګار څرګند شو

Published

on

(Last Updated On: ليندۍ ۵, ۱۴۰۱)

د ازبکستان د بهرنیو چارو وزیر د افغانستان لپاره د ملګرو ملتونو د استازې له مرستیال سره په لیدنه کې له اسلامي امارت سره د خبرو لپاره د یوې نړیوالې ډلې پر جوړولو خبرې کړې دي.

د ازبکستان د بهرنیو چارو وزیر ولادیمیر نوروف تویت کړی، چې د افغانستان له اوسني حکومت سره د دغې نړیوالې ډلې د خبرو موخه به د ښکېلو خواوو د ژمنو د پوره کولو پر لارو چارو هوکړه وشي.

یوناما یا د ملګرو ملتونو د سرمنشي دفتر نن (شنبه) څرګنده کړې، چې د دغه سازمان مرستیال مارکس پوتزل د تاجکستان او ازبکستان له حکومتي چارواکو سره د افغانستان د خلکو په اړه پر سیمه ییز ملاتړ خبرې کړې دي.

یوناما له سیمه ییزو لوبغاړیو سره کار روان ساتلی، چې په افغانستان کې د باثباته سولې لپاره له هڅو سره مرسته وکړي.

Continue Reading

تازه خبرونه

د درو وهلو په اړه د م. م د بشري حقونو د دفتر د ویاندې څرګندونې اسلام ته سپکاوی دی

Published

on

(Last Updated On: ليندۍ ۵, ۱۴۰۱)

د افغانستان اسلامي امارت ویاند د جمعې پر ورځ د درو وهلو په اړه د ملګرو ملتونو د بشري حقونو د دفتر د ویاند څرګندونې په کلکه وغندلې او وایي، چې په دې اړه څرګندونې یې اسلام ته سپکاوی دی.

د ملګرو ملتونو د بشري حقونو د دفتر ویاندې روینا شمداساني د جمعې پر ورځ په یوه بیان کې ویلي، چې دا اداره د چارشنبې پر ورځ په لوی ډګر کې د لوګر ولایت د ۱۴ کسانو پر دورو وهلو خواشینې کړې او د دې غوني ځیږوونکې سزا د سمدلاسه درولو غوښتنه کوي.

په بیان کې زیاته شوې؛ د بدني وهلو جزا د ظالمانه، غیر انساني له سپکاوي ډکې یا شرموونکي چلند یا مجازاتو یوه بڼه ده، چې د ځورونې او نورو ظالمانه، غیر انساني یا سپکاوي چلند یا مجازاتو او د مدني او سیاسي حقونو د نړیوال میثاق له مخې منع شوي دي.

د اسلامي امارت ویاند ذبیح الله مجاهد د دغه بنست د څرګندونو په غبرګون کې په ډاګه کړې، چې دا څرګندونې اسلام ته سپکاوی او له نړیوالو اصولو سرغړونه ده.

مجاهد تویت کړی: د افغانستان اسلامي امارت د اسلام مبارک دين د جزا قانون د تطبيق په اړه د ملګرو ملتونو د بشر حقونو د عالي کمیشنرۍ د وياندې او د نورو غربي هېوادونو نمایندګانو څرګندونې، چې د دُرو وهلو مجازات يې په کې غير انساني، ظالمانه او توهينوونکي بللي؛ د اسلام مبارک دين  بې احترامي او د نړيوالو صولو مخالفت بولي.

نوموړي زیاته کړې: هېوادونه او سازمانونه بايد اجازه ور نکړي، چې د دوی له ادرس څخه مغرض اشخاص د اسلام مبارک دين يا احکامو په اړه غيرمسوولانه او پاروونکې څرګندونې وکړي.

د یادونې ده، چې افغانستان د دغو دواړو بنسټونو غړیتوب لري.

Continue Reading

Trending

Copyright © 2022 Ariana News. All rights reserved!