Connect with us

سیمه ییز خبرونه

په هرات کې چاودنې ۱۶ کسانو ته مرګ و ژوبله اړولې

Published

 on

(Last Updated On: سلواغه ۳, ۱۴۰۰)

روغتیايي سرچینو څرګنده کړې؛ د شنبې پر ماښام د افغانستان په لویدیځ هرات ولایت کې موټر بم چاودنې اووه کسان وژلي او ۹ نور ټپیان دي.
د هرات امنیه قومندانۍ په ډاګه کړې، چې نن ماښام شپږ بجې د هرات ښار د ۱۲مې ناحیې د حاجي عباس په اړوند سیمه کې له چاودېدونکیو توکو ډک موټر چاودېدلی.
پوليسو ويلي، د پېښې په اړه يې پلټنې پيل کړې دي.
د هرات د استخباراتو مسوولینو ويلي؛ په یوه موټر کې نښلېدونکي ماین چاودنه کړې ده.
امنیتي چارواکو د مرګ وژوبلې په اړه څه ندي ویلي.
هرات د حوزوي روغتون مشر عارف جلالي وايي؛ د پېښې له ځایه روغتون ته د ۴ ښځو او ۳ نرينه وو په ګډون اووه مړي او د ۵ ښځو او ۴ نرينه وو په ګډون ۹ ټپيان ور لېږدول شوي دي.
دمګړۍ کوم کس یا ډلې د برید پړه پر غاړه نده اخیستې.

سیمه ییز خبرونه

ننګرهار کې ماین چاودنې ۳۰ کسانو ته مرګ و ژوبله اړولې

Published

on

(Last Updated On: غبرګولى ۳۰, ۱۴۰۱)

د ننګرهار ولایت د غني خېل ولسوال څرګنده کړې؛ نن سهار ۹ بجې د یادې ولسوالۍ په شېرګړ بازار کې د ولسوالۍ د روغتيا د برخې د مدیر پر کرولا ډوله موټر نښلېدونکي ماین چاودنه کړې.

د ننګرهار ولایت د غني خېل ولسوالۍ ولسوال مولوي صدیق الله ویلي، چې په دې چاودنه کې دوه ملکي وګړي وژل شوي او د اسلامي امارت د پېنځه سرتېرو په ګډون اته ویشت کسان ټپیان دي.

ولسوال زیاته کړې؛ ټپیان د درملنې لپاره ننګرهار حوزوي روغتون ته لېږدول شوي او روغتیایي حالت یې د ډاډ وړ ښودل شوی دی.

په کابل کې د یوناما دفتر دا برید غندلی او څرګندوي، چې دا چاودنه په یوه بازار کې رامنځته شوې او د ماشومانو په ګډون یې ملکي وګړي زیانمن کړي دي.

دغه بنسټ پر ملکي وګړیو د پرلپسې بریدو نو د درولو غوښتنه کړې ده.

د یادونې ده، چې د يادې پېښې پړه تر دې دمه چا پرغاړه نده اخستې.

Continue Reading

سیمه ییز خبرونه

په بدخشان ولايت کې سيلابونو مالي زيانونه رامنځته کړي

Published

on

(Last Updated On: غبرګولى ۲۶, ۱۴۰۱)

د بدخشان ولایت سیمه ییزو چارواکو تائید کړه، چې نن په دغه ولایت کې سیلابونو د زیباک ولسوالۍ  خلکو ته پراخ مالي زیانونه اړولي دي.

د زیباک ولسوالۍ د پراختيايي شورا مشر فضل احمد فيضي ویلي؛ ګلخانه، ډنډ، دشت خان، نوآباد او خالخان د دې ولسوالۍ هغه سيمې دي، چې تر ټولو ډېرې زيانمنې شوې دي.

هغه وایي: دغه سيلابونه د سختو بارانونو له کبله رامنځته شوي دي.

فيضي باختر آژانس ته په ډاګه کړې: دغو سيلابونو ٤٤ هکتاره کرنيزه ځمکه، کښتونه، اته کورونه، د اوبو لګولو ډنډونه او هغه سړک، چې دوه کلي سره نښلوي زيانمن کړي دي.

د چارواکو په خبره په سیلابونو کې د اړوند کلیو څاروي هم مردار شوي دي.

Continue Reading

سیمه ییز خبرونه

په بدخشان ولایت کې د طبیعي ډبرو او منرالونو د پروسس او پلور مرکز جوړ شو

Published

on

(Last Updated On: غبرګولى ۲۴, ۱۴۰۱)

په بدخشان ولایت کې د لومړي ځل لپاره د صنایعو او کانونو خونه او همدارنګه د طبیعي ډبرو او منرالونو د پروسس او پلور مرکز جوړ شو.

د اقتصاد وزارت د چارسمبالی قاري دين محمد حنيف پر مشرۍ یو پلاوي د صنایعو او کانونو خونې او د قیمتي ډبرو د پروسس او پلور د مرکز د پرانستلو په موخه بدخشان ته تللی دی.

قاري دين محمد حنيف وايي؛ په تېرو کلونو کې ميلياردونه ډالر بیځایه لګول شوي او هیڅ داسې کار ندی شوي، چې افغانستان له اقتصادي انحصاره خلاص کړي.

دی وايي، چې افغانستان هر کال یوازې د برښنا له درکه ۳۴۰ میلیون ډالره نورو هېوادونو ته ورکوي. د دغه مرکز له جوړېدو څخه مو موخه ملي او نړیوالو بازارونو ته د قیمتي او نیمه قیمتي ډبرو چمتو کول او پروسس کول دي.

د اقتصاد وزارت چارسمبالي قاري دین محمد حنیف د دغه مرکز د پرانېستې پر مهال څرګنده کړه: سره له دې، چې په تېرو کلونو کې میلیونونه ډالر افغانستان ته راغلل؛ خو افغانستان له اقتصادي انحصاره خلاص نشو او هیڅ بنسټیز کار ندی شوی.

د سوداګرۍ او صنایعو خونې اجرائیوي مشر رحیم الله سمندر ويلي، چې بدخشان لسګونه ډوله قیمتي ډبرې او طبیعي کانونه لري، چې د دغه مرکز له جوړېدو سره به قیمتي ډبرې پروسس او په ملي او نړیوالو بازارونو کې به پلور ته وړاندې شي.

د بدخشان خلک هم هیله لري، چې د دغه مرکز له جوړیدو او د طبیعي زیرمو په ځانګړي توګه د قیمتي ډبرو استخراج سره به دوی ته د کار او روزګار ډاډمنه زمینه هم برابره شي.

بدخشان ولایت د طبیعي زیرمو له پلوه بډای ولایت دی، چې په تېرو څو لسیزو کې سیمه ییز چارواکي د دغو زیرمو په ناقانونه استخراج او بهرنیو هېوادونو ته پر قاچاق تورن شوي دي.

Continue Reading

Trending

Copyright © 2022 Ariana News. All rights reserved!