لوبی
کرکت له سیاست څخه لرې وساتئ ـ افغان کرکت لوبغاړيو غبرګون

په شل آوریزو لوبو کې د افغانستان د کرکت ملي لوبډلې لوبډلمشر راشد خان ارمان له دغې لوبډلې سره د آسترالیا د کرکت بورد د وتلو په اړه د افغان لوبډلې غبرګون څرګند کړ.
راشد خان د پنجشنبې پر ورځ د زمري ۲۲ ) تویت کړی، چې د افغانستان له کرکت ملي لوبډلې څخه د آسترالیا د وتلو د خبر له اورېدو خواشینی شوم.
نوموړي د آسترالیا له کرکت بورد څخه وغوښتل، چې پخپله پرېکړه له سره غور وکړي.
هغه لیکلي: کرکت، دا د هېواد یوازنۍ هیله ده. له سیاست څخه ځان وساتئ!
راشد خان زیاته کړې، چې د افغانستان پر استازیتوب ویاړم، چې په نړیوال ډګر کې یې ډېر پرمختګ کړی دی.
د راشد خان د څرګندونو له مخې؛ که د افغانستان پر وړاندې لوبه د آسترالیا د کرکت ملي لوبډلې لپاره ناشونې وي، نو په بیګ باش لیګ کې په راڅرګندېدو سره نه غواړي څوک ناراضه کړي.
د افغانستان د کرکت ملي لوبډلې یو شمېر نورو لوبغاړیو هم له افغانستان سره له لوبې د آسترالیا د کرکت بورد د وتلو پرېکړه غندلې ده.
د افغانستان د کرکت ملي لوبډلې پخواني لوبډلمشر محمد نبي هم تویت کړی، چې: د کرکت له لارې مو نړۍ ته وښوده، چې که افغانانو ته مناسب فرصت او پلیت فارم ورکړ شي؛ مونږ له نورې نړۍ کم نه یوو.سپورت او سیاست بېل کړئ.
د پنځوس آوریزو او پېنځه ورځنیو تست لوبډلې لوبډلمشر حشمت الله شهیدي په خپل تویت کې د آسترالیا له کرکت بورد څخه غوښتي، چې پر لوبو دې سیاست نکوي او پخپله پرېکړه دې له سره غور وکړي.
هغه ويلي، چې د افغانستان خلک په تېرو څلوښتو کلونو کې له تاوتريخوالي سره مخ دي او کرکت په دې هېواد کې يوه خوندوره لوبه او د خوښۍ سرچينه ده.
دغه راز د کرکت ملي لوبډلې بل لوبغاړي نوین الحق، چې په بیګ باش لیګ کې د سیدني سکسرز لوبډلې لپاره لوبېږي ویلي، چې له دغه لیګ څخه به متقاعد شي.
د آسترالیا کرکت بورد په خبرپاڼه کې راغلي، چې دا پرېکړه د ښځو او نجونو د تعلیم او کارموندنې او پارکونو او ورزشي تالارونو ته د هغوی د لاسرسي په اړه د اسلامي امارت د وروستي فرمان پر تعقیب شوې ده.
یاد بورد زیاته کړې؛ د افغانستان په ګډون په ټوله نړۍ کې د ښځو او نرینه وو لپاره د لوبې د ودې ملاتړ ته ژمن دی او د افغانستان له کرکت بورد سره به په هېواد کې د ښځو او نجونو د وضعیت د ښه کولو لپاره کار ته دوام ورکړي.
دا په دوه کلونو کې دوه یم ځل دی، چې د اۍترالیا کرکت له افغانستان سره دوه اړخیزه لوبه د ښځو په اړه د اسلامي امارت د تګلارو له کبله لغوه کوي.
له دې وړاندې، هغه سیالي، چې ټاکل شوې وه د ۲۰۲۱ ز. کال د نومبر لوبه په هوبارت کې ترسره شي؛ هم لغوه شوې وه.
لوبی
افغانستان له پاکستان څخه د شل آووریزو لوبو لومړنۍ بریا خپله کړه

افغانستان د جمعې پر ورځ په شارجه لوبغالي کې د درې شل آوریزو لوبو د لړۍ په لومړۍ لوبه کې پاکستان ته تاریخي ماتې ورکړه.
افغان لوبډلې د ۲۰۲۲ ز. کال د شل آووریز نړیوال جام نایب اتل پاکستان ته پر ۶ ویکتو ستره ماتې ورکړه.
پاکستان لومړی توپ وهنه وکړه او یوازې ۹۲ منډې یې جوړې کړې، چې کوربه لوبډلې په اتهلسمم آووور کې د ۶ لوبغاړیو له سوځېدو سره لوبه وګټله.
محمد نبي د پاکستان پروړاندې د ۳۸ ناسوځېدلو منډو جوړولو او پر زړه راکښوونکیو هڅو د لوبې غوره لوبغاړی ونومول شو.
د پاکستان لوبډلې د توپ وهنې په درېیم آووور کې خپله لومړۍ ویکته له لاسه ورکړه او پر ۱۷ منډو یې صایم ایوب وسوځېد.
لومړۍ ویکتې د بریا ور پرانیست او پاکستان کرار کرار خپلې ویکتې له لاسه ورکړې او افغانستان لوبه چټکه کړه. د افغانستان لپاره مجیب الرحمن غوره توپ وهنه وکړه او په ۴ آوورونو کې یې ۲/۹ منډې جوړې کړې او پاکستان یې له هڅو وغورزاوه.
د افغانستان د کرکت بورد اجرائیوي رییس نصیب خان وویل، چې غوره لوبغاړي یې غوره کړي دي. راشد خان د پاکستان پر وړاندې د ۲۰ آووریزو سیالیو په لړ کې د افغان لوبډلې لوبډلمشري کوي او پخوانی لوبډلمشر محمد نبي یې هم د لوبډلې غړی دی.
د افغانستان او پاکستان تر منځ دا لومړی ځل دی، چې په دری پرلپسې شل آووریزو سیالیو کې لوبیږي. دا دواړه لوبډلې به د دوه لوبو د ګټلو هڅه کوي، چې له افغان غالۍ جوړ جام پخپل نوم کړي.
د یادونې ده، چې د افغانستان او پاکستان د شل آووریزو سیالیو په روان لړ کې به درې لوبې کېږي؛ دوهیمه به یې د وري پر ۶ / د مارچ پر ۲۶ او وروستۍ به یې د وري پر ۷ / د مارچ پر ۲۷ تر سره شي.
لوبی
له پاکستان سره د افغانستان کرکت ملي لوبډلې د سیالیو لوبغاړي په ډاګه شول

د افغانستان کرکت بورد د سې شنبې پر ورځ ( د وري لومړۍ نېټه) د پاکستان پر وړاندې د ۲۰ آووریزو سیالیو لپاره د هېواد د کرکت ملي لوبډلې د لوبغاړیو نوملړ اعلان کړ.
ټاکل شوې د دغو سیالیو لړۍ، چې په کې درې لوبې کیږي؛ ټاکل شوې د جمعې پر ورځ ( د وري څلورمه) د عربي متحده اماراتو په شارجه ښار کې پیل شي.
د افغانستان لخوا په اعلان شوې لوبډله کې ۱۷ لوبغاړي او لوبډلمشر راشد خان په ډاګه شوي دي.
صدیق الله اتل، چې په توپ اچونه کې مهارت لري؛ د لومړي ځل لپاره په نړیوالو لوبو کې د ملي لوبډلې لپاره شامل شوي دي.
د افغانستان کرکت ملي لوبډلې پخوانی لوبډلمشر محمد نبي هم په دې ترکیب کې ونډه لري.
د افغانستان د کرکت بورد اجرائیوي رییس نصیب خان ویلي: زمونږ لوبډله په روزنیز کمپ کې ډېر کار کړی او انتخاب کوونکیو د دې سیالیو لپاره غوره لوبغاړي غوره کړي دي. زه ډاډه یم، چې زمونږ لوبډله به خپله غوره کارکردګي وښيي او زمونږ ملت پرې ویاړي. مونږ په دې سیالیو کې د خپلې لوبډلې بریا غواړو او هیله لرو، چې د دوی بریا وګورو.
هغه زیاته کړې: همدارنګه، مونږ د دواړو سترو لوبډلو ترمنځ پر زړه پورې سیالۍ ته سترګې په لار یوو. دواړه هېوادونه پر زړه پوری مینهوال لري، چې په لیوالتیا او ویاړ سره د خپلو لوبډلو ملاتړ کوي. مونږ د ګاونډیانو په توګه ځانګړې اړیکه لرو او هیله من یم، چې نه یوازې مو لوبډله د کرکت مهارتونه، بلکې زموږ د ملګرتیا او سپورت روحیه هم وځلوي. مونږ دواړو لوبډلو ته د بریا هیله کوو او هیله لرو، چې په ټوله نړۍ کې د کرکت مینهوال له دې لوبو خوند واخلي.
د افغانستان د لوبډلې جوړښت:
راشد خان، رحمان الله ګربز، ابراهیم ځدراڼ، عثمان غني، صدیق الله اتل، نجیب الله ځدراڼ، افسر ځاځي، کریم جنت، محمد نبي، عظمت الله عمرزی، ګلبدین نایب، شرف الدین اشرف، نور احمد، مجیب الرحمن، فرید احمد، فضل الحق نقیب او فاروقي.
دغه راز؛ ننګیال خروټيی، ظاهر خان او نجات مسعود مو مل لوبغاړي دي.
لوبی
افغانستان په لومړۍ لوبه کې بنګله دېش پر ۷ ویکټو مات کړ

افغانستان د شنبې پر ورځ په ابوظبۍ کې له ۱۹ کلنو څخه د ټیټ عمره لوبډلو د درې اړخیزو سیالیو لومړۍ لوبه له بنګله دېش څخه پر ۷ ویکتو وګټله
بنګله دېش د پچې له ګټلو وروسته لومړی توپ وهنه وکړه او په ۲۲.۵ آوورونو کې یې د ټولو لوبغاړیو پر سوځېدو ۷۵ منډې جوړې کړې.
بشير احمد څلور او کامران هوتک درې لوبغاړي وسوځول او خلیل احمد هم دوه ویکتې واخیستې.
افغانستان دغه هدف په ۹.۵ آوورونو کې د لوبغاړیو پر سوځېدو پوره کړ، چې سهیل خان ۳۳ او محمد هارون ۲۱ منډې جوړې کړې.
افغانستان به د چارشنبې پر ورځ خپله بله لوبه له سریلانکا سره ترسره کړي.
-
لوبی4 days ago
له پاکستان سره د افغانستان کرکت ملي لوبډلې د سیالیو لوبغاړي په ډاګه شول
-
تازه خبرونه4 days ago
په تېر یونیم کال کې له ۵۰ څخه د ډېرو لرغونو آثارو د قاچاق مخنیوی شوی
-
تازه خبرونه4 days ago
په کابل کې له کورنیو تولیداتو څخه د ملاتړ درې ورځنی نندارتون جوړ شو
-
څار4 days ago
له شپږم ټولګي پورته د نجونو د ښوونځیو ناڅرګند برخلیک
-
تازه خبرونه4 days ago
قطر او افغانستان له ۳۰ زره افغان زدهکوونکیو څخه د ملاتړ هوکړه لاسلیک کړه
-
نړۍ5 days ago
تایلیند د ټاکنو لپاره پارلمان منحل کړ
-
تازه خبرونه4 days ago
فنلند د نړۍ له ټولو خوشاله او افغانستان خواشینی هېوادونه نومول شوي
-
تحول4 days ago
تحول: په افغانستان کې د نجونو د زدهکړو پر بندیز اندېښنې