Connect with us

تازه خبرونه

د افغانستان په ختیځ کې د زلزلې له کبله له ۸۰۰ ډېر کسان مړه شوي او شاوخوا ۳۰۰۰ نور ټپیان دي

هغه نن (دوشنبه د وږي لسمه) په یوه خبري کنفرانس کې ویلي، چې په دې ولایت کې نور ۲۵۰۰ کسان ټپیان شوي دي.

خپور شوی

د

د افغانستان اسلامي امارت ویاند ذبیح الله مجاهد یو ساعت مخکې څرګنده کړه، چې د افغانستان په ختیځ ولایت کونړ کې د زلزلې له کبله د مړو کسانو شمېر ۸۰۰ ته رسېدلی دی.

هغه نن (دوشنبه د وږي لسمه) په یوه خبري کنفرانس کې ویلي، چې په دې ولایت کې نور ۲۵۰۰ کسان ټپیان شوي دي.

ذبیح الله مجاهد په ننګرهار ولایت کې د مړو شمېر ۱۲ او د ټپیانو شمېر ۲۵۵ اعلان کړ.

مجاهد زیاته کړې، چې د زلزلې له کبله په لغمان ولایت کې ۵۸ او د افغانستان په نورستان ولایت کې څلور کسان ټپیان شوي دي.

د اسلامي امارت ویاند دا شمېرې لومړنۍ ګڼي او وايي، چې مرستندویه ډلې تر اوسه د ځمکې له لارې د کونړ ولایت ځینو سیمو ته ندي رسیدلي؛ نو په دې سیمو کې د تلفاتو شمېر تر اوسه معلوم ندی.

د ذبیخ الله مجاهد د څرګندونو له مخې؛ حکومت ټولو ادارو ته امر کړی، چې اغېزمنو سیمو ته ورسیږي او د جسدونو د ښخولو، د ټپیانو د درملنې او ټپیانو ته د پاملرنې لپاره له ټولو شته امکاناتو کار واخلي.

تازه خبرونه

په مسکو کې د افغانستان سفیر له ضمیر کابلوف سره وکتل

په دې لیدنه کې افغان سفیر د روسیې له ولسمشر څخه د هغه د باورلیک د منلو له کبله مننه وکړه او د روسیې مثبت دریځ یې وستایه .

Published

on

په مسکو کې د افغانستان اسلامي امارت سفیر ګل حسن حسن د افغانستان لپاره د روسیې له ځانګړي استازي ضمیر کابلوف سره ولیدل.

په دې لیدنه کې افغان سفیر د روسیې له ولسمشر څخه د هغه د باورلیک د منلو له کبله مننه وکړه او د روسیې مثبت دریځ یې وستایه .

دواړو خواوو د سوداګرۍ پراختیا، د افغانانو لپاره د ویزې آسانتیا او دوه اړخیزې همکارۍ پورې اړوند مسلو په اړه بحث او خبرې کړې دي.

کابلوف د افغانستان او روسیې ترمنځ مثبتو اړیکو ته په نغوته(اشاره) کې د سیاسي او اقتصادي همکاریو د پراختیا لپاره یې د روسیې لېوالتیا او چمتووالی څرګند کړ.

Continue Reading

تازه خبرونه

له تاجکستان سره د بدخشان په پوله کې ۳ قاچاق وړونکي ووژل شول

د احسان الله کامګار د څرګندونو له مخې؛ دغه کسان، چې د بدخشان ولایت د خواهان ولسوالۍ اوسېدونکي وه؛ دوه شپې مخکې یې هڅه کوله نشه‌یي توکي د تاجکستان خاورې ته ولېږدوي، خو د هغه هېواد د سرحدي ځواکونو له لوري وپېژندل شول او د دواړو لوریو ترمنځ د وسله‌والې نښتې په پایله کې درې واړه قاچاق وړونکي ووژل شول.

Published

on

د بدخشان ولایت د امنیه قومندانۍ ویاند احسان‌الله کامګار ویلي، چې د نشه‌یي توکو ۳ قاچاق وړونکي د تاجکستان له سرحدي ځواکونو سره د نښتې پر مهال وژل شوي دي.

د احسان الله کامګار د څرګندونو له مخې؛ دغه کسان، چې د بدخشان ولایت د خواهان ولسوالۍ اوسېدونکي وه؛ دوه شپې مخکې یې هڅه کوله نشه‌یي توکي د تاجکستان خاورې ته ولېږدوي، خو د هغه هېواد د سرحدي ځواکونو له لوري وپېژندل شول او د دواړو لوریو ترمنځ د وسله‌والې نښتې په پایله کې درې واړه قاچاق وړونکي ووژل شول.

د امنیه قومندانۍ ویاند زیاته کړې؛ د خواهان ولسوالۍ د امنیه قومندانۍ د راپور له مخې؛ د نښتې له پای ته رسېدو وروسته د دغو کسانو جسدونه د افغانستان سرحدي ځواکونو ته وسپارل شول.

تر اوسه له دغو کسانو سره د شته نشه‌یي توکو د بنې او کچې په اړه کره معلومات نشته؛ خو په دې اړه څېړنې روانې دي.

Continue Reading

تازه خبرونه

د کابل په شهر نو کې د چاودنې له کبله یو چینایي وګړی او شپږ افغانان ووژل شول – پولیس

د نوموړي د څرګندونو له مخې؛ رسټورانټ د عبدالمجید نومي یو مسلمان چینایي، د هغه د میرمنې او عبدالجبار محمود نومي افغان له‌خوا اداره کېده.

Published

on

د کابل پولیسو ویاند خالد ځدراڼ ویلي، چې نن (دوشنبه د مرغومي نهه‌ویشتمه) د شهر نو د ګل فروشي د اړوند سیمې په «چاینیز نودل» نومي چینایي او افغان ګډ رسټورانټ کې چاودنه رامنځته شوې ده.

د نوموړي د څرګندونو له مخې؛ رسټورانټ د عبدالمجید نومي یو مسلمان چینایي، د هغه د میرمنې او عبدالجبار محمود نومي افغان له‌خوا اداره کېده.

عبدالمجید د چین د سینکیانګ ولایت اوسېدونکي پېژندل شوی. رسټورانټ د چینایي مسلمانانو لپاره ځانګړي خواړه چمتو او وړاندې کول.

د کابل پولیسو ویاند زیاته کړې؛ د چاودنې په پایله کې ایوب نومی یو مسلمان چینایي او شپږ افغانان ووژل شول او ۱۳ نور ټپیان دي.

 هغه زیاته کړې، د چاودنې ځای د رسټورانټ پخلنځي ته نږدې و.

ځدراڼ ټینګار کړی، چې د چاودنې بڼه تر دې دمه مشخصه شوې نده او امنیتي ځواکونو یې په اړه پلټنې روانې ساتلي دي.

Continue Reading
Advertisement

Trending

Copyright © 2025 Ariana News. All rights reserved!