سیمه ییز خبرونه
د يونان په اوبو كې د غرق شويو افغانانو مړي هېواد ته راليږدول كيږي
د افغانستان د مهاجرينو چارو چارواكي وايي:
د يونان په اوبو كې د غرق شويو شل افغانانو مړي به د دوه اوونيو په دننه كې هېواد ته راوليږدول شي.
د افغانستان د مهاجرينو چارو وزارت وياند اسلام الدين جرآت وايي:
د دغو مړيو د ليږد هوكړه مو له يو بهرني شركت سره كړې، چې د عيسوي كال له نمانځلو وروسته به ترسره شي.
د نوموړي په وينا:
دغو كسانو د ۲۰۱۲ م كال د دسمبر په ۱۳ نېټه غوښتل، چې د تركيې له لارې ځانونه يونان ته ورسوي. د غرق شويو افغانانو په دې پېښه كې يوه ښځه او دوه ماشومان هم شته ، چې يونان ته يې د رسيدو هيله درلوده.
چارواكي وايي، چې دوه تنه افغانان له دې پېښې روغ رمټ هم وتلي دي.
د مهاجرينو چارو چارواكي وايي:
په ۲۰۱۲م كال كې له ۵۰ زرو افغانانو څخه ۳۰ زرو اروپايي هېوادونو او ۲۰ زرو نورو استراليا او امريكا ته د تگ غوښتنليكونه وړاندې كړي دي.
ويل كيږي، چې د منځنۍ كچې لرونكې يو شمېر كورنۍ د ۲۰۱۴م كال د ناډاډمنو څرگندونو تر اغېز لاندې اروپايي هېوادونو ته د تگ هڅې پيل كړي، خو د خپلې خوښې هېواد ته د هر سړي پر تگ څه نا څه ۲۵ زره امريكايي دالر لگيږي.
دغه وزارت په ډاگه كوي، چې:
د مخدره توكو له قاچاق وروسته قاچاقگرو ته د انسان د قاچاق له لارې ډېرې پيسې تر لاسه كيږي.
د بهرنيو چارو وزارت وياند جانان موسى زي له خلكو غوښتي ، چې بهرنيو هېوادونو ته د تگ په هيله خپل بچيان نور قاچاقگرو ته ونه سپاري.
د جانان موسى زي په وينا:
دغه سفرونه تل له خطر سره مل وي او د كورنيو د نه پاملرنې له مخې موږ د ورته ډېرو پېښو شاهدان يو.
دا لومړى ځل نه دى ، چې په نړيوالو اوبو كې مو هېوادوال غرقيږي. له دې مخكې هم ورته پېښې رامنځته شوي، چې د مهاجرت په هيله مو هېوادوالو په كې خپل خوږ ژوند له لاسه وركړى دى.
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
تازه خبرونه3 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري3 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه21 hours ago
د یوناما استازې د ایران له بهرنیو چارو وزیر سره وکتل
-
لوبی18 hours ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د حج او اوقافو وزارت چارسمبالي د ترکیې له ولسمشر سره وکتل