تازه خبرونه
ثبات ته د رسیدو لپاره باید پروګرامونه او تګلارې بدلې شي- اشرف غني
ولسمشر غني د ژنیو ناستې ته په ډاګه کړې؛ په افغانستان کې ثبات ته د رسیدو لپاره اړتیا ده، چې پروګرامونه او تګلارې بدلې شي.
د افغانستان ولسمشراشرف غني د ژنیو ناستې اقتصادي برخې ته په خبرو کې وویل؛ په افغانستان کې د ودې لپاره ډېرې زمینې شته او اړتیا ده، چې نړیوال پانګونه وکړي.
هغه د سمونونو په اړه ویلي؛ مونږ اړتیا لرو، چې محدویتونه ځانګړي(مشخص) او له منځه یې یوسو. زمونږ لپاره ترټولو ستر محدویتونه دا دي، چې نړیوال بنسټونه د پروژو پر بنسټ خپلې چارې پرمخ وړي. د دوی د پراختیايي چارو ستره برخه پر پروژو ولاړه ده؛ خو څومره، چې زه پوهېږم د نړۍ پرمخ هیڅ داسې هېواد نشته، چې د پروژو پر بنسټ دایمي ثبات او ودې ته رسیدلای وي. مونږ د پروګرامونو او ستراتيژیو بدلون ته اړتیا لرو.
په کابل کې د امریکا سفیر وایي؛ په وروستیو کلونو کې په دولتي او نادولتي ادارو کې بډې له منځه ندي تللي او هر وګړی، چې دې بنسټونو ته مراجعه کوي بډې ترې غوښتل کیږي.
په کابل کې د امریکا سفیر جان بس وایي: په افغانستان کې تر سره شوې سروې ګانې ښیي، چې قانوني کارونو ته باید بډې ورکړو او خصوصي کمپنۍ باید بډې ورکړي. مونږ هڅه کوو، چې د قانون له تنفیذ ملاتړ وکړو، چې سمونونه راشي. باید پاملرنه وکړو، چې فساد په ټولګټو بنسټونو کې هم شته دی.
ځینې سوداګر هم، چې دې ناستې ته ورغلي وایي؛ په افغانستان کې ډېره پانګونه شوې او غواړو، چې په راتلوونکې کې خپله پانګونه نوره هم پراخه کړو.
د بیات بنیاد لوی مشر داکتر احسان الله بیات وایي: حکومت د ګمرکونو په برخه کې ګټور کارونه کړي او مونږ وتوانیدو، چې د پېنځه میلیون دالرو پر ارزښت لوازم وارد او د میلیونونو دالرو پر ارزښت به نور برښنایي وسایل هم وارد کړو، چې کارنده به وي او دا لړۍ ګټوره ده.
د افغانستان په اړه د ژنیو په ناسته کې له افغانستان سره مرستندویو هېوادونو ګډون کړی او افغان مشران به له نړیوالو سره د هغو ژمنو پر پلي کیدو وغږیږي، چې په بروکسل او وارسا ناستو کې یې کړي دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه