Connect with us

لوبی

نن د افغانستان او انډونیزیا فوټبال ملي لوبدلې دوستانه لوبه کوي

خپور شوی

د

ټاکل شوې نن (سې شنبه د لړم ۲۵) د افغانستان د فوټبال ملي لوبډله د ترکیې په انټالیا ښار کې د ګلوبل سپورټ په لوبغالي کې  له انډونیزیا سره دوستانه لوبه وکړي.

دواړو لوبډلو له لوبې مخکې د ترکیې په یوه روزنیز مرکز کې روزنه لیدلې او وايي، چې د لوبې لپاره ښه چمتووالی لري.

د ملي لوبډلې لوبغاړی حسن امین، چې څه موده مخکې ټپي شوی و؛ اوس روغ شوی او بېرته لوبډلې ته ستون شوی آریانا نیوز ته ویلي: لوبډلې ته راستون شو او د انډونيزيا پر وړاندې لوبې ته پوره لیواله دی.

نوموړي زیاته کړې: د اندونیزیا په وړاندې زمونږ لوبه مه هیروئ، بریا زمونږ پربرخه ده.

لوبغاړیو هم ویلي، چې په ترکیه کې د روزنیز مرکز آسانتیاوې ډاډمنې وې او هوا هم زړهراکښونکې ده.

دغه راز انډونیزیا لوبغاړیو هم رسنیو ته ویلي، چې د افغانستان پر وړاندې نننۍ لوبې ته لیواله دي او زیاتوي، چې افغانستان پیاوړې لوبډله لري.

دغه لوبه به نن د کابل پر وخت د ماښام په ۶ بجو له آریانا تلویزیون څخه په ژوندۍ بڼه خپره شي او هغه لیدونکي چې تلویزیون ته لاسرسی نه لري کولای شي لوبه د آریانا سپورټ له یوټیوب چینل څخه په ژوندۍ بڼه وګوري.

د افغانستان او انډونیزا فوټبال ملي لوبډلو دغه دوستانه لوبه نن ماښام ۶ بجې له آریانا ټلویزیون څخه په ژوندۍ بڼه خپریږي او هغه مینه وال، چې ټلویزیون ته لاسرسی نلري؛ دا لوبه له آریانا سپورټ یوټیوب چینل څخه هم په ژوندۍ بڼه لیدلی شئ.

لوبی

راشد خان په شل اوریزو لوبو کې د نړۍ تر ټولو مخکښ ویکټ اخیستونکی شو

له دې مخکې دا ریکارډ د ویسټ انډیز له لوبغاړي ډي جي براوو سره و، چې په شل اوریزو لوبو کې یې ۶۳۱ ویکټې اخیستې وې.

Published

on

Rashid Khan

د افغانستان کرکټ ملي لوبډلې نومیالی او وړ توپ‌اچوونکی راشد خان تېره شپه د سویلي افریقا د غوره لیګ په شل اوریزو لوبو کې د خپلو ویکټو شمېر ۶۳۳ ته ورساوه؛ دوه لوبغاړي لرې کړل او یو نوی نړیوال ریکارډ یې جوړ کړ.

له دې مخکې دا ریکارډ د ویسټ انډیز له لوبغاړي ډي جي براوو سره و، چې په شل اوریزو لوبو کې یې ۶۳۱ ویکټې اخیستې وې.

د افغان او نړیوال کرکټ ځوان ستوري په لږ عمر کې دا ممکنه کړې، چې په راتلونکو کلونو کې خپل ریکارډ نور هم پیاوړی کړي.

هغه په ​​فیسبوک پاڼه کې لیکلي: "زه د خدای شکر ادا کوم، چې ما په کرکټ کې یوه بله لاسته راوړنه ثبت کړه." هر څه، چې یوو؛ د خپل وطن پر نوم یوو او هر پرمختګ، چې کوو د خپل وطن لپاره دی. زه خوښ یم، چې په نړیوالو شل اوریزو لوبو کې مې ۶۳۳ ویکټې واخیستې او په نړۍ کې لومړی توپ‌اچوونکی شوم. "ستاسې له دعاګانو او ملاتړ څخه یوه نړۍ مننه."

هغه مخکې د هند غوره لیګ په شل اوریزو سیالیو کې د نړۍ د غوره توپ‌اچوونکي لقب ګټلی دی.

دا په داسې حال کې ده، چې د کرکټ نړیوالې شورا په ۲۰۱۷ کال کې د افغانستان د کرکټ ملي لوبډلې لوبغاړي او نومیالي توپ‌اچوونکي راشد خان ته د غوره دوه‌یمې درجې لقب ورکړی و.

Continue Reading

لوبی

عظمت الله عمرزي د ۲۰۲۴ کال د غوره کرکټ لوبغاړي جایزه ترلاسه کړه

عمرزي د کرکټ نړیوالې شورا څخه دا جایزه ترلاسه کړې ده.

Published

on

د هېواد د کرکټ ملي لوبډلې لوبغاړی عظمت الله عمرزی د ۲۰۲۴ کال د یو ورځنیو سیالیو د غوره لوبغاړي په توګه وپېژندل شو.

عمرزي د کرکټ نړیوالې شورا څخه دا جایزه ترلاسه کړې ده.

د افغانسټان کرکټ بورډ ويلي، چې د هغه غوره هڅې او وړتیاوې د دې علت شوې، چې هېواد ته دا لوی مقام ثبت کړي.

کرکټ بورډ زیاته کړې، چې د عمرزي "ځانګړې او هر اړخیزه " هڅه د ۲۰۲۴ کال په سیالیو کې د هېواد د ملي کرکټ لوبډلې د بریاوو کېلي وه.

کرکټ بورډ هیله څرګنده کړې، چې عمرزی به په راتلونکو سیالیو کې نور هم ښه وځلېږي.

عمرزي د ۲۰۲۴ کال د کرکټ لوبو په پړاو کې ټولټال ۱۴ لوبې وکړې، چې په کې یې ۴۱۷ منډې جوړې او ۱۴ ویکټې یې واخیستې.

Continue Reading

لوبی

د هېواد د فیټنس او بدني ښکلا اتل علیرضا آساهي مړ شو

دغه فډراسیون نن (پنجشنبه د سلواغې څلورمه) په فیسبوک پاڼه کې د افغانستان د دې اتل لوبغاړي مړینه اعلان کړه؛ خو د هغه د مړینې د لامل په اړه یې څه ویلي ندي.

Published

on

د بدني ښکلا او فیټنس ملي فډراسیون د هېواد د بدني ښکلا او فیټنس د ملي لوبډلې د غړي علي رضا آساهي له مړینې خبر ورکړی دی.

دغه فډراسیون نن (پنجشنبه د سلواغې څلورمه) په فیسبوک پاڼه کې د افغانستان د دې اتل لوبغاړي مړینه اعلان کړه؛ خو د هغه د مړینې د لامل په اړه یې څه ویلي ندي.

ویل کیږي، چې علي رضا آساهي دوه ځله د بدني ښکلا نړیواله اتلولي ګټلې ده.

Continue Reading
Advertisement

Trending

Copyright © 2024 Ariana News. All rights reserved!