Connect with us

تازه خبرونه

په اروپا کې له ۲۰۰۰۰۰ ډېر بې کوره کډوال افغان ماشومان دي

خپور شوی

د

Reuters

له تېرو پېنځه کلونو راپدیخوا په اروپا کې له ۲۰۰ زره ډېرو بې کوره ماشومانو د پناه غوښتنه کړې، چې ډېري یې د افغانستان اوسیدونکي دي.

د ماشومانو د خوندیتابه بنسټ څرګنده کړې، چې ډېري کډوال افغان ماشومان دي او پاتې نور د سوریې او آفریقا اوسیدونکي دي.

په راپور کې راغلي، چې اروپا ته د رسیدليو ماشومانو ډېره برخه ښایي له ثبته پاتې وي او یا هم په لاره کې له ناوړه چلند سره مخ او یا هم کیدی شي نیول شوي یا بېرته خپلو هېوادونو ته بېرته لیږل شوی هم وي.

په تېرو پېنځه کلونو کې له ۷۰۰ ډېرو ماشومانو اروپا ته د سمندره له لارې د تګ پر مهال خپل ژوند له لاسه ورکړی دی.

یو شمېر کډوال ماشومان په کمپونو او ځینې نور د شړلو یا نیول کیدو له وېرې له خپلو کورنیو سره اړیکه نشي نیولی.

یاد بنسټ ويلي، چې دغه ماشومان له بحران ځپلیو هېوادونو څخه تښتیدلي دي.

په راپور کې راغلي: افغانستان د جګړې له کبله د ماشومانو لپاره یو خونړی هېواد دی او ډېر ماشومان ترې اروپا ته کډوال شوي دي.

یو شمېر اروپایي هېوادونو ویلي، چې افغانستان اوس د دغو ماشومانو بېرته راستنیدو لپاره خوندي دی.

په دې راپور کې د دغو ماشومانو رواني ستونزې هم په ګوته شوي او په ډاګه کوي، چې د دوی له څېرو تل د وېرې، خفګان او ستونزو نښې ښکاري.

د یاد بنسټ مدیرې انیتا بې بندیګارد ویلي؛  که څه هم پرمختګونه شته؛ خو دا د پولې سختې پالیسۍ او اقدامات دي، چې اروپا ته د زیان منونکيو ماشومانو د ننوتلو مخه نیسي. اروپا باید له تېروتنو زده کړي. د کډوالۍ نوې تګلارې باید د ماشومانو ژوند ته پوره پام راواړوي.

راپور دا هم په ډاګه کړې؛ له دغو ۲۰۰ زره ماشومانو څخه ډېري د افغانستان، سوریې، اریتوریا او داسې نورو هېوادونو څخه دي، چې په آلمان، یونان، ایټالیا او سویدن کې ژوند کوي.

دې له اروپایي اتحادیې غوښتي، چې د پناه غوښتنې پرېکړو په بهیر کې د ماشومانو حقونه تضمین دي.

تازه خبرونه

امریکا په افغانستان کې د داعش خراسان له ګواښه خبرداری ورکړ

په ملګرو ملتونو کې د امریکا د دایمي استازي مرستیالې ټیمي بروس د چارشنبې پر ورځ د امنیت شورا په غونډه کې، چې د نړیوالې سولې او امنیت پر وړاندې د ترهګریزو بریدونو د ګواښونو په اړه جوړه شوې وه؛ ویلي: د داعش، القاعدې او ورپورې تړلو نورو ډلو پر ضد مبارزه اوس هم د واشنګټن له مهمو لومړیتوبونو څخه ده.

Published

on

امریکا خبرداری ورکړی، چې د داعش خراسان په ګډون د ترهګرو ډلو ګواښ اوس هم جدي اندېښنه ده او بې‌ثباتي دغو ډلو ته د خپلو فعالیتونو د پراخولو فرصت برابروي.

په ملګرو ملتونو کې د امریکا د دایمي استازي مرستیالې ټیمي بروس د چارشنبې پر ورځ د امنیت شورا په غونډه کې، چې د نړیوالې سولې او امنیت پر وړاندې د ترهګریزو بریدونو د ګواښونو په اړه جوړه شوې وه؛ ویلي: د داعش، القاعدې او ورپورې تړلو نورو ډلو پر ضد مبارزه اوس هم د واشنګټن له مهمو لومړیتوبونو څخه ده.

هغې ویلي:« دا ډلې اوس هم له بې‌ثباتۍ ناوړه ګټه اخلي؛ لکه څنګه، چې د ساحل په سیمه کې د القاعدې پرمختګ، پر افریقا د داعش زیات تمرکز او په افغانستان کې د داعش خراسان دوامدار ګواښ ښيي.»

دا څرګندونې داسې مهال کیږي، چې اسلامي امارت څو ځله په افغانستان کې د ترهګرو ډلو د فعالیت په اړه ادعاوې رد کړي او ټینګار کوي، چې د افغانستان له خاورې به د بل هیڅ هېواد د امنیت پر ضد د کار اخیستو اجازه ورنه‌کړي.

Continue Reading

تازه خبرونه

کویټ له افغانستان بشري صندوق سره ۲.۵ میلیون ډالر مرسته وکړه

د دې صندوق خپرې شوې خبرپاڼې له مخې، د دغو هوکړه‌لیکونو له مخې د افغانستان او سوریې بشري صندوقونو ته ۲.۵ میلیون ډالر ځانګړي شوي دي.

Published

on

د کویټ عربي اقتصادي پراختیا صندوق ویلي، چې له ملګرو ملتونو بشري چارو همغږۍ دفتر(اوچا) سره یې د پېنځه میلیون ډالرو پر ټولیز ارزښت د بشري مرستو دوه هوکړه‌لیکونه لاسلیک کړي، چې یوه برخه یې افغانستان ته ځانګړې شوې ده.

د دې صندوق خپرې شوې خبرپاڼې له مخې، د دغو هوکړه‌لیکونو له مخې د افغانستان او سوریې بشري صندوقونو ته ۲.۵ میلیون ډالر ځانګړي شوي دي.

د کویټ عربي اقتصادي پراختیا صندوق د څرګندونو له مخې، دا مرستې به د بېړنیو بشري پروګرامونو او پروژو د تمویل، د حیاتي اړتیاوو د پوره کولو او زیانمنو او اړمنو کسانو ته د ژوند ژغورونکو مرستو د رسولو لپاره ولګول شي.

په خبرپاڼه کې راغلي، دا مالي مرسته به د اوچا تر مدیریت لاندې د افغانستان بشري صندوق ته دا وړتیا ورکړي، چې بشري کړکېچونو ته په چټکۍ او ډېرې اغېزمنې همغږۍ ځواب ووایي، له همکارو بنسټونو ملاتړ وکړي او د بشري مرستو د عملیاتو همغږي پیاوړې کړي.

د کویټ عربي اقتصادي پراختیا صندوق زیاته کړې، چې د دغو هوکړه‌لیکونو پر لاسلیک له اوچا سره په ګډو پروژو کې د کویټ ټولې مرستې شاوخوا ۱۶.۱ میلیون ډالرو ته رسېدلې دي.

Continue Reading

تازه خبرونه

چین له اسلامي امارت څخه د ترهګرو ډلو پر ضد د اقدام غوښتنه وکړه

هغه د چارشنبې پر ورځ د امنیت شورا په غونډه کې، چې د نړیوالې سولې او امنیت پر وړاندې د ترهګریزو بریدونو د ګواښونو په اړه جوړه شوې وه؛ د ملګرو ملتونو د سرمنشي راپور ته په نغوته کې ویلي، په افغانستان کې میشتې ترهګرې ډلې اوس هم د دې هېواد او ګاونډ هېوادونو لپاره جدي ګواښ بلل کېږي.

Published

on

د ملګرو ملتونو په ټولنه کې د چین دایمي استازي چارسمبالي سون لي ویلي، په افغانستان کې د ترهګرۍ پر ضد د مبارزې وضعیت اوس هم د نړیوالې ټولنې جدي پاملرنې ته اړتیا لري.

هغه د چارشنبې پر ورځ د امنیت شورا په غونډه کې، چې د نړیوالې سولې او امنیت پر وړاندې د ترهګریزو بریدونو د ګواښونو په اړه جوړه شوې وه؛ د ملګرو ملتونو د سرمنشي راپور ته په نغوته کې ویلي، په افغانستان کې میشتې ترهګرې ډلې اوس هم د دې هېواد او ګاونډ هېوادونو لپاره جدي ګواښ بلل کېږي.

د نوموړي د څرګندونو له مخې، په افغانستان کې میشتو ډلو، د داعش خراسان په ګډون، د پولو پورې غاړې د بریدونو لپاره خپلې هڅې او وړتیاوې زیاتې کړې دي.

سون لي له اسلامي امارت وغوښتل، چې د ترهګرۍ پر ضد د مبارزې په برخه کې پخپلو ژمنو عمل وکړي او په افغانستان کې د ټولو میشتو ترهګرو ډلو، د هغو کسانو او بنسټونو پر ګډون، چې د امنیت شورا د دولس‌سوه اووه‌شپېتم پرېکړه‌لیک د بندیزونو په نوملړ کې شامل دي، پر ضد جدي ګامونه پورته کړي.

هغه خبرداری ورکړی، چې باید اجازه ورنه‌کړ شي افغانستان یو ځل بیا د ترهګرۍ د ودې او پراختیا پر مرکز بدل شي.

د چین استازي همداراز ویلي؛ نړیواله ټولنه باید د افغانستان د اقتصاد د بیارغونې او د خلکو د ژوند د ښه والي لپاره له دغه هېواد سره مرسته وکړي، چې د ترهګرۍ د رامنځته کېدا لاملونه له منځه ولاړ شي.

هغه زیاته کړې؛ چین د افغانستان، منځنۍ آسیا هېوادونو او سیمه‌ییزو بنسټونو او د شانګهای همکاریو ټولنې ترمنځ د پولې پورې غاړې ترهګریزو ګواښونو پر ضد د ګډې همکارۍ ملاتړ کوي.

دا څرګندونې داسې مهال کیږي، چې اسلامي امارت په افغانستان کې د ترهګرو ډلو شتون رد کړی او ټینګار یې کړی، چې د افغانستان خاوره به د هیڅ هېواد د امنیت پر ضد ونه‌کارول شي.

Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117