تازه خبرونه
اسلامآباد له خبرو ناکامولو وروسته د کابل له سخت غبرګون سره مخ شو
د دغو سرچینو د څرګندړونو له مخې؛ که پاکستان پر افغان خاوره بمبارډ وکړي، افغان ځواکونه به هم اسلام آباد پر نښه کړي.
سرچینې آریانا نیوز ته ويلي: له هغې وروسته، چې پاکستاني پلاوي په ترکیه کې له وروستیو خبرو اترو دډه وکړه او درې ورځنۍ خبرې اترې بې پایلې پاتې شوې؛ افغان حکومت پرېکړه کړې، چې که پاکستان پوځي بریدونه تکرار کړي؛ نو له متقابل غچ سره به مخ شي.
د دغو سرچینو د څرګندړونو له مخې؛ که پاکستان پر افغان خاوره بمبارډ وکړي، افغان ځواکونه به هم اسلام آباد پر نښه کړي.
سرچینې زیاته کړې؛ د خبرو په بهیر کې افغان لوری د خبرو غځولو ته ژمن و؛ خو پاکستاني پلاوي د غیر معقول او نه منلو وړ غوښتنو پر وړاندې کولو خبرې ګډې وډې کړې.
د پاکستاني پلاوي یوه جنجالي غوښتنه دا وه؛ افغان حکومت باید په پاکستان کې جنګ کوونکي وسلوال بېرته وروغواړي او کنټرول یې کړي. دا یو داسې وړاندیز دی، چې د افغان لوري رد کړ.
له دې سره همهاله د افغانستان کورنیو چارو وزارت ویاند عبدالمتین قانع له آریانا نیوز سره په یوه وروستۍ مرکه کې پاکستان ته داسې خبرداری ورکړ؛ که پاکستان پر افغانستان هوایي برید وکړي دوی به داسې ځواب ورکړي، چې پاکستان او نورو ته درس شي.
قانع زیاته کړې: سمه ده، چې مونږ اتم نلرو؛ خو که پاکستان برید وکړي، غچ به واخلي او که کابل پر نښه شي، اسلام آباد به مو راتلونکی هدف وي.
نوموړی وایي: «آیا ناټو اټومي وسله نهدرلوده؟! امریکا نهدرلوده؟! دوی شل کاله په افغانستان کې جګړه وکړه او ان د بمونو مور یې وکاروله. دا سمه ده، چې تاسې (پاکستان) اوس لږ یا ډېرې وسلې لرئ؛ خو تاسې باید هیر نکړئ، چې افغان ملت هیچا ته سر ندی ټیټ کړی.”
دا په داسې حال کې ده، چې د پاکستان له وروستیو هوایي بریدونو وروسته د دواړو خواوو ترمنځ تاوتریخوالی زیات شوی دی.
تازه خبرونه
له احتکار او کورونو کرايې لوړولو ډډه وکړې – د عدلیې وزیر
د عدلیې وزیر څرګنده کړې، چې د اتحادیو مسوولان دې خپل مسوولیتونه سم ترسره کړي او خلکو ته دې خدمت وکړي.
د اسلامي امارت عدلیې وزیر عبدالحکیم شرعي نن( پنجشنبه د کب څوارلسمه) له سوداګرو او د معاملاتو لارښوونو د اتحادیو له مسوولانو سره په ناسته کې د لومړنیو توکو له احتکار او کورونو د کرايې لوړېدا پر مخنیوي ټینګار کړی دی.
د عدلیې وزیر څرګنده کړې، چې د اتحادیو مسوولان دې خپل مسوولیتونه سم ترسره کړي او خلکو ته دې خدمت وکړي.
نوموړي زیاته کړې؛ د سوداګرو اتحادیه او د معاملاتو لارښوونې اتحادیه دې د خوراکي لومړنیو توکو د احتکار د مخنیوي او همدارنګه د کورونو د کرايې د لوړېدا د مخنیوي په برخه کې خپلو مسوولیتونو ته پوره پاملرنه وکړي.
عبدالحکیم شرعي ټینګار کړی، چې یادې اتحادیې دې له اړوند ادارو په ځانګړي توګه له ښاروالۍ سره په همغږۍ کې د بیو د کنټرول او تنظیم په برخه کې ګډ کار او هڅې وکړي.
ویل کیږي، چې د سوداګرو او د معاملاتو لارښوونو د اتحادیو رییسانو او مسوولانو د بازار د نظم او ټیکاو د ساتنې او د بیو د کنټرول ژمنه وکړه.
تازه خبرونه
یو ټولګډونه پلاوی دې افغانستان ته سفر وکړي – سهیل افریدی
سهیل اپریدي د چارشنبې پر ورځ په پېښور کې د یوې پروژې د پرانیستې پر مهال اړوند مراسمو ته ویلي؛ دا پلاوی باید د پاکستان له ایالتي او فډرالي چارواکو، علماوو او قبایلي مشرانو څخه جوړ شي.
د خیبر پښتونخوا اعلی وزیر سهیل افریدي غوښتنه کړې، چې له پاکستان څخه دې یو ټولګډونه پلاوی د سلامي امارت له چارواکو سره د خبرو لپاره افغانستان ته سفر وکړي.
سهیل اپریدي د چارشنبې پر ورځ په پېښور کې د یوې پروژې د پرانیستې پر مهال اړوند مراسمو ته ویلي؛ دا پلاوی باید د پاکستان له ایالتي او فډرالي چارواکو، علماوو او قبایلي مشرانو څخه جوړ شي.
افریدي زیاته کړې: « زمونږ نظر دا دی، چې دا پلاوی به اغېزمنه وي او که ټولګډونه پلاوی افغانستان ته ولاړ شي؛ نو وضعیت به ښه شي.»
اسلامآباد تل ادعا کړې، چې وسلوالې ډلې د افغانستان له خاورې د پاکستان پر ضد بریدونه کوي.
اسلامي امارت هم تل د پاکستان د پوځي رزیم دا ادعا رد کړې او څرګندوي، چې افغانستان د پاکستان د «امنیتي ناکامیو» مسوول ندی.
تازه خبرونه
له افغانستان سره ستونزه دې د خبرو له لارې حل شي – فضلالرحمن
د لومړي وزیر د دفتر د خبرپاڼې له مخې؛ شهباز شریف د بېلابېلو سیاسي ګوندونو د مشرانو په ګډون یوه غونډه رابللې وه، چې په کې یې سیاسي مشران د سیمې له امنیتي وضعیت او د پاکستان له دیپلوماټیکو کړنو خبر کړل.
د جمعیت علمای اسلام مشر مولانا فضلالرحمن له پاکستاني حکومت څخه غوښتي، چې له افغانستان سره دې د روانو ستونزو د حل لپاره د خبرو لار خپله کړي.
د لومړي وزیر د دفتر د خبرپاڼې له مخې؛ شهباز شریف د بېلابېلو سیاسي ګوندونو د مشرانو په ګډون یوه غونډه رابللې وه، چې په کې یې سیاسي مشران د سیمې له امنیتي وضعیت او د پاکستان له دیپلوماټیکو کړنو خبر کړل.
نوموړي په دې غونډه کې ټینګار کړی، چې د ایران او خلیج هېوادونو تر منځ د روان کړکېچ کمول د پاکستان بنسټیز ډیپلوماټیک لومړیتوب هم دی.
په خبرپاڼه کې راغلي، چې ګډونوالو په اوسنیو شرایطو کې پر ملي یووالي، اجماع او ګډ دریځ ټینګار کړی دی.
د راپورونو له مخې؛ په دې غونډه کې د جمعیت علمای اسلام مشر مولانا فضل الرحمن وړاندیز کړی، چې ټول سیاسي ګوندونه باید د اړینو مسلو په اړه د بحث ګډونوال وي. په اوسنۍ ناسته کې د پاکستان تحریک انصاف (پي ټي آی) ګوند خپل ګډون رد کړی و.
فضلالرحمن د سیمې له هېوادونو او ګاونډیانو سره پر ډیپلوماسۍ ټینګار کړی او پدې اړه وایي: « خبرې اترې په افغانستان کې او زمونږ له ګاونډیانو سره د تاوتریخوالي د حل بنسټ دی.»
د یادونې ده، چې یو شمېر پاکستانيو سیاستوالو تل د امنیتي ستونزو د حل لپاره له افغانستان سره د خبرو غوښتنه کړې؛ خو د پاکستان پوځي کړۍ بیا د پوځي فشار پر دوام ټینګار کوي.
له احتکار او کورونو کرايې لوړولو ډډه وکړې – د عدلیې وزیر
یو ټولګډونه پلاوی دې افغانستان ته سفر وکړي – سهیل افریدی
د اوسپنېپټلۍ له لارې د توکو لېږد له خڼډ پرته روان دی
له افغانستان سره ستونزه دې د خبرو له لارې حل شي – فضلالرحمن
په آلمان کې د افغانستان قونسلګرۍ د پاسپورټونو د وېش بهیر بیا پیل کړ
کابل د پاکستان سفیر د مرګونو هوايي بریدونو په اړه احضار کړ
نیوزیلینډ افغانستان ته د ۵ ویکټو پر توپیر ماتې ورکړه
د جګړې په ډګر کې ۵۵ زره اوکرایني سرتېري ووژل شول – زیلینسکي
ایران به له ستونزو سره – سره سر ټیټ نکړي- پزشکیان
آیا پاکستان د افغانستان په جګړه کې «دوهمخې لوبه» کړې؟- خلیلزاد
تحول: له امریکا او اسرائیلو سره د ایران روانه جګړه
څار: د کابل او اسلام آباد ترمنځ د اوربند د رامنځته کولو لپاره د ترکیې هڅه
تحول: د افغانستان او پاکستان ترمنځ دروانو نښتو ارزونه
څار: د پاکستان د پوځي رژیم په وړاندې د غچ اخیستونکو عملیاتو دوام
څار: د پاکستاني ملیشو پر ضد روان بریدونه
-
تازه خبرونه3 days agoد افغانستان او پاکستان شخړه د حق او باطل له نظره ووینئ – مفتي ندوي
-
تازه خبرونه4 days agoافغانان باید دښمن ته د مداخلې زمینه برابره نکړي – زلمی خلیلزاد
-
تازه خبرونه4 days agoد پاکستان پر اړینو پوځي اډو اغېزمن هوايي بریدونه ترسره شول – ملي دفاع وزارت
-
سیمه ییز خبرونه5 days agoاسرائیل په منځني ختیځ کې پر لبنان هوايي بریدونه وکړل
-
نړۍ2 days agoیوه پاکستاني د ایران پر لمسون د ټرمپ د وژلو هڅه کړې – رسنۍ
-
سیمه ییز خبرونه3 days agoپه پاکستان کې پر پراخو غوندو بندیز ولګول شو
-
تازه خبرونه3 days agoبیات بنسټ په میدان وردګ کې له لسګونو اړمنو کورنیو سره مرسته وکړه
-
تازه خبرونه3 days agoیوناما د افغانستان او پاکستان ترمنځ د جګړې بندولو غوښتنه وکړه