سیمه ییز خبرونه
پاكستان څه نا څه ۶۰۰ توغندي د افغانستان پرخاوره توغولي دي
پاكستان له يوې اوونۍ په لږه موده كې له شپږ سوه ډېرتوغندي د افغانستان پر خاوره توغولي دي .
د كونړ چارواكي وايي، چې:
يوازې تېره شپه ۲۱۳ توغندي د دانگام پر ولسوالۍ لگيدلي دي.
د توغنديو په دغو بريدونو كې تراوسه يو ماشوم وژل شوى او شاوخوا پېنځه سوه كورنۍ د وېرې له لامله د خپلو كورنيو پريښودو ته اړ شوي دي.
په داسې حال كې، چې حكومت د پاكستان له خاورې د د غوغنديو د بريدونو د دريدو غوښتنه كړې، خو د ولسي جرگې د دفاعي چارو كميسيون وايي، چې په دې اړه دې د ملگرو ملتونو د امنيت شورا مداخله وكړي .
د كونړ والي سيد فضل الله واحدي وايي، چې:
د افغانستان پر سرحدي سيمو د پاكستان له خاورې د توغنديو بريدونه يو ځل بيا په يوه جدي ستونزه اوښتي.
د كورنيوچارو وزارت وياند غلام صديق صديقي وايي:
د دغو توغنديزو بريدونو له لامله تر اوسه يو ماشوم وژل شوى دى ، دوه جوماتونه او څو د استوگنې كورونه وران شوي دي او شاوخوا پېنځه سوه كورنۍ د يادو بريدونو پر لامل د خپلو كورونو پريښودو ته اړ شوي دي .
د بهرنيو چارو وزارت د وياند مرستيال فرامرز تمنا وايي:
افغان حكومت ژر تر ژره د دغو بريدونو د درولو غوښتنه كړې ده .
د ولسي جرگې د دفاعي چارو د كميسيون ريسه شكريه باركزۍ وايي، چې:
د دغې ستونزې د حل لپاره دې د ملگرو ملتونو د امنيت شورا مداخله وكړي .
د كونړ والي د يادو بريدونو د د ځواب وركولو په موخه د افغان امنيتې ځواكونو له چمتوالى خبر وركوي .
د سمې اوسيدونكي، چې د يادو بريدونو اصلي قربانيان دي په دې برخه كې افغان دولت په بي پروايۍ تورنوي او وايي:
دوى چمتو دي، چې پخپله پرافغانستان د گاونډ هېوادونو د بريدونو په غبرگون كې اقدام وكړي .
څو مياشتې وړاندې هم پاكستان د افغانستان پر خاوره شاوخوا اته سوه توغندي توغولي وه، چې له لامله يې د مالي زيانونو تر څنگ لسگونه بې گناه او ملكي وگړيو ته مرگ و ژوبله اوښتې وه.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه4 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه5 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه1 day ago
په هر حال پر رفح برید شونی دی – نتانیاهو
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
لوبی2 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه1 day ago
نړیوال بانک له افغانستان سره ۸۴ میلیون ډالر مرسته ومنله