سیمه ییز خبرونه
په تخار كې د كورنيو ستونزو پرلامل د وه ښځو ځانوژنه كړې
د تخار د ښځو چارو رياست وايي، چې:
دې ښځو د كورني تا و تريخوالي او خاوند څخه د ليرې والي پر لامل ځان وژنه كړې او آمو سين وړي دي.
د تخارد ښځو چارو رپوټ وايي، چې:
په روان كال كې د جنسي تېري، له كوره د تېښتې ، جبري ودونو ، ځانوژنې او نورو په شمول ۶۸ پېښې ثبت شوې دي.
په دې رپوټ كې، چې د پنجشنبې په سهارخپورشو راغلي، چې د چنگاښ د مياشتې په دوه يمه نېټه د دوشنبې په سهار د تخار د ماندرې له كلي څخه ۲۱ كلنه شاكره، چې له واده يې يوازې ۳۹ ورځې تېرې شوې وې، له كوره بې دركه شوه.
رپوټ وايي، چې له ډېرو پلټنو وروسته څرگنده شوه، چې شاكرې د تالقان په سين كې ځان غورځولى او ځانوژنه يې كړې ده .
رپوټ وايي، چې د نوموړي جسد څلور ورځې وروسته د تالقان د سين په څنډه كې وموندل شو.
په دې رپوټ كې دې ته د ورته يوې بلې پېښې يادونه هم شوې ده .
رپوټ وايي:
فاطمه، چې ۲۲ كاله عمر يې درلود د كورني تاوتريخوالي او له خپل ميړه څخه د ليريوالي له لامله، چې ايران ته د كار لپاره تللى و د روان كال د غبرگولي په ۱۶ مه د دوشنبې په ماښام ځان د امو په سيند كې وغورځاوه او د تل لپاره يې له ژوند سره مخه ښه وكړه.
د تخار د ښځو چارو رييسه رزم ارا حواش د ښځو دا ډول ځانوژنه ناورين گڼي او وايي، چې:
د كورني تاوتريخوالي مخه بايد ونيول شي .
ميرمن حواش وايي:
د دې دوه پېښو په اړه يې لسگونه رپوټونه او رسمي مكتوبونه امنيتي او عدلي ادارو ته استولي چې په ډېرو هڅو له دې كورنيو څخه د يوې د كورني تاوتريخوالي عامل ونيول شي.
نوموړې په دې ولايت كې د ښځو د ځان وژنې مهم لامل كورنى تاوتريخوالى گڼي او وايي، چې:
د دا ډول ځان وژنو د راكمولو په موخه يې په تېرو اته كلونو كې د كورنيو د حقوقي مشورو په برخه كې له فعالو ادارو سره لازمې هڅې كړي، خو تراوسه هم د ښځو په وړاندې د تاوتريخوالي ويښوونكې پيښې كيږي.
هغه وايي:
د روان كال په تېرو شپږو مياشتو كې د تاوتريخوالي، جنسي تېري، ځانوژنې، په بدو كې وركولو او د ښځو د حقوقي عريضو او له هغو سره د ناوړه اخلافي چلند په شمول ۶۸ پېښې ثبت شوي، چې ډېرو ته يې پاملرنه شوې ده.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه4 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
په هر حال پر رفح برید شونی دی – نتانیاهو
-
تازه خبرونه3 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی1 day ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه