تازه خبرونه
د سولې خبرې د یو کس او یو وزارت کار ندی – داکترعبدالله
اجرائیه ریاست څرګنده کړې، چې سوله د یو کس او یو وزارت کار ندی او له طالبانو سره خبرې کوونکی پلاوی باید د حکومت په ګډون ولسي وي.
ارګ وایي، د سولې مذاکرتي ډله یي چمتو کړې؛ خو سپيدارماڼۍ ټینګارکړی، چې تراوسه هم دغه پلاوی ندی جوړ شوی.
د سولې په چارو کې د دولت وزارت ټینګار کړی، چې مذاکراتي ډله چمتو ده؛ خو طالبان باید د خپلمنځي خبرو له پیلیدو مخکې اوربند د شرط په توګه ومني.
له یوې خوا طالبان او سپیدار ماڼۍ ده، چې اوربند ته غاړه نږدي او له بلې خوا ارګ دی، چې د تاوتریخوالي کمیدل عملي نه بولي او د ملي وحدت حکومت په دننه کې دواړه رهبران د هرې ورځې له تېریدو سره د سولې په تړاو له نویو مخالفتونو سره راڅرګندیږي.
ولسمشر اشرف غني تېره اوونۍ د سولې مذاکراتو د پرمخ وړلو لپاره ټول واک د سولي په چارو کې د دولت وزارت ته وسپاره، چې اوس په ښکاره دغه چاره د هغه د حکومت د شریک له مزاج سره په ټکر کې ښکاره شوې ده.
د اجرايي رییس عبدالله عبدالله او ولسمشر غني ترمنځ وروستۍ ناندرې ښيي، چې اختلافات یې اوس هم ژور دي او په آسانۍ د حل وړ ندي؛ ځکه، چې پر ځانګړي واک او ځواک راڅرخي.
دغه راز اجرائیه رییس په حکومت کې د ولسمشر لخوا وروستي بدلونونه یو اړخیز بولي او څرګندوي؛ هغه څه، چې دی یې سکوت ته اړ کړی د سیاسي نظام ثبات ساتنه ده.
داسې برېښي، چې ولسي جرګه هم د حکومتي مشرانو لدې کړنو ستړې شوې او یو شمېر غړیو یې ويلي، چې د ولسمشرۍ ټاکنو وروستۍ پایلې باید ژرترژره اعلان شي، دغه حکومتي ناندرۍ هم ور سره پای ومومي.
د افغانستان سیاسيون د ارګ او سپیدار ماڼیو تر منځ د سولې بهیر په تړاو پر تضادونو نیوکې کوي او وايي، چې د حکومت په دننه کې دغه درز به د سولې بهیر له ستونزو سره مخ کړي.
سیاسي شنونکی صدیق پتمن وایي، چې مونږ باید دوه ټکو ته پوره پام وکړو؛ یو د سولې په اړه د اندونو نږدې کیدل دي او بل د سولې خبرو پیلول دی، چې دا باید یوه ګده پته ولري.
باورونه دا دي، چې افغانستان د معاصر تاریخ په روان پړاو کې له یوه بنسټیز حالت سره مخ دی او هر ډول سیاسي اختلافات، لفظې شخړې او یا هم جدي، انفرادي چلند او ناندرې کولی شي د سولې روان بهیرله کړکیچ سره مخ کړي یا هم کولی شي طالبانو ته د لا ډېرو امتیازاتو د ترلاسه کولو زمینه برابره کړي.
د افغانستان د سولي کور د بورد غړې نګینه یاري وایي؛ دا سمه ده، چې د سولې لپاره یو جوړښت د وزارت په توګه رامنځته شوی او ځانګړي تشکیلات هم لري؛ خو دا جوړښت او تشکیل د سولې د ټولو چارو ځواب ورکوونکی کیدی نشي.
دا په داسې حال کې ده، چې د امریکا او طالبانو ترمنځ مذاکرات ښه په درز کې روان دي او ټاکل شوې، چې د دواړو لوریو ترمنځ د وروستي شوي هوکړه لیک له احتمالي لاسلیک وروسته د افغانانو تر منځ خپلمنځي خبرې پیل شي.
تازه خبرونه
چين مولوي عبدالکبیر ته په ټرانس – هیماليا ناسته کې د ګډون بلنه ورکړه
په کابل کې د چین سفیر ژاو شینګ د چارشنبې پر ورځ ( د غویی شپږویشتمه ) د ریاست الوزراء له سیاسي مرستیال مولوي عبدالکبید سره په کتنه کې هغه ته بلنه ورکړه، چې په ټرانس – هیمالیا فورم په غونډه کې ګډون وکړي.
په دې کتنه کې لومړی د چین سفیر له اسلامي امارت سره د خپل هېواد پر همکاریو ټینګار څرګند کړ او څرګندوي، چې د دواړو لوریو همکاري او متقابلې اړیکې د ستونزو په حل کې مرسته کولی شي.
ژاو شينګ ویلي؛ د چين ولسي جمهوريت په نړيوالو غونډو او په ځانګړي توګه د امنيت شورا په غونډو کې د اسلامي امارت د دريځ ملاتړ کوي او له اسلامي امارت سره خپلو همکاريو ته ژمن دی.
د افغانستان اسلامي امارت سیاسي مرستیال مولوي عبدالکبیر له افغانستان سره په بېلابېلو برخو کې د چین د خلکو جمهوریت له همکاریو مننه کړې او وایي، چې اسلامي امارت د یوه مسوول حکومت په توګه امنیت او ثبات ته ژمن دی او هڅه کوي، چې د سیمهییزو مسایلو، ثبات او پرمختګ په برخه کې فعال رول ولوبوي.
نوموړي د افغانستان په اړه په نړیوالو غونډو کې د چین همکاري او د اسلامي امارت له دریځ څخه د بیجینګ ملاتړ د افغانستان د خلکو په ګټه وباله او څرګندوي، چې د چین همکاري کولی شي په هېواد کې مثبت بدلونونه او اقتصادي وده رامنځته کړي.
تازه خبرونه
د تورخم لار لنډمهاله تړل کیږي
د تورخم کمیشنر عبدالجبار حکمت ويلي؛ د تورخم لار به د پاکستان له لوري د ۳ ورځو لپاره د ناروغانو او مسافرو د تګ راتګ پر مخ تړلې وي.
عبدالجبار حکمت ویلي، چې دغه لار به د جمعې له ورځې ( د غویی اتویشتمه) څخه تر یکشنبې ( د غویی دېرشمه ) پورې د ناروغانو او مسافرو پر مخ تړلې وي.
هغه زياته کړې، چې دغه سوداګريزه لار به ٢٤ ساعته پرانيستې وي او د باروړونکیو موټرو تګ راتګ او د سوداګريزو توکو لېږد رالېږد به روان وي.
حکمت زياته کړې، چې د ناروغانو او مسافرو پر مخ د دې لارې د بندېدو لامل له پخوانۍ ودانۍ څخه نوې ودانۍ ته د پاکستان د سرحدي دفترونو لېږدول دي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
په ننګرهار کې د ناکامورا کانال پروژه بشپړه شوه