نړۍ
د اوکراین ولسمشر د جګړې په سویلي کرښه کې خپل سرتېري وستایل
د اوکراین ولسمشر ولادیمیر زیلینسکي د روسیې پر وړاندې د اوکراین د جګړې په لومړیو کرښو کې له سرتېرو سره په لیدنه کې د سرتېرو زړورتیا ستایلي او ډاډ څرګندوي، چې هېواد به یې برلاسی شي.
د شنبې پر ورځ د زیلینسکي د رسمي تلیګرام خپرې شوې ویډیو وښوده، چې ولسمشر د میکولایف د جنوبې برخې په یوه پټنځي کې سرتېرو ته مډالونه ټومبي او ورسره ګډ انځورونه اخلي.
د ولسمشر دفتر دا ندي ویلي، چې له سرتېرو سره د لیدلو دا وروستی سفر کله ترسره شوی دی.
زیلینسکي په دې ویډیو کې ویلي: زمونږ زړور سړي او ښځې هر یو یې په سمه توګه کار کوي؛ مونږ هرو مرو ټینګار کوو! مونږ به خامخا بریالي کیږو!
زیلینسکي د فبرورۍ پر څلیریشتمه د روسیې له یرغل راپدیخوا په کیف کې پاتې شوی؛ خو په وروستیو اوونیو کې یې د خارکوف له شمال ختیځ ښار څخه، چې سخته جګړه پرې تېره شوې؛ نا اعلان شوي سفرونه کړي او هغو دوه ختیځو ښارونو ته هم تلی، چې د جګړې راپورونه ترې ورکړ شوې دي.
د اوکراین د جنوب میکولایوف په ختیځو او جنوبي څنډو کې هم جګړه روانه ده.
د زیلینسکي دفتر ویلي، چې ولسمشر د میکولایف څخه هم لیدنه کړې او ویجاړې شوې ادارې او ودانۍ یې وکتلې، چې د مارچ په وروستیو کې پرې د توغندیو د لګېدو له کبله ۳۷ کسان ووژل شول.
روسي ځواکونه د مارچ په لومړیو کې د میکولایف ښار ته ورسیدل؛ خو بېرته وشړل شول.
دغه راز ولسمشر زیلینسکي له میکولایف روغتون څخه هم لیدنه وکړه؛ ښاروال اولکساندر سینکیویچ او والي ویتالي کیم ته یې د روسیې د یرغل پر وړاندې د دوی څلور میاشتنی ټینګار ستایلی او د زړورتیا ستاینلیکونه یې ورکړل.
د زیلینسکي دفتر په ډاګه کړې؛ ولسمشر په اوډیسه کې د ملي ګارد پوستې هم ولیدې او له سرتېرو یې مننه وکړه او دوی ته یې ډاډ ورکړ، چې: تر هغې، چې تاسې ژوندي یاست یو خواکمن دیوال به وي، چې هېواد به مو ساتي.
مسکو ويلي، چې له خپل ګاونډ سره د بې وسلې کولو په ځانګړيو پوځي عملیاتو کې ښکېل دی. اوکرایین او متحدینو یې ويلي، مسکو بې هدفه جګړه پیل کړې او زرګونه ولسي وګړي یې وژلي او ښارونه یې ویجاړ کړي دي.
نړۍ
اسپانیا ته د کډوالو د ورتګ مرګ او ژوبله ۷۲ ته لوړه شوه؛ اروپايي ټولنه د ګډ اقدام غوښتونکې شوه
د اسپانیا چارواکو ویلي، له پنجشنبې راپدېخوا له ۵۰ زره څخه ډېر کسان د ځمکې او سمندر له لارې سیوټا ته اوښتي؛ خو په تېرو ۴۸ ساعتونو کې له ۴۸ زره ډېر مراکش ته بېرته ستانه کړ شوي او د اوونۍ په پای کې هم د ستنولو لړۍ روانه وه.
رویټرز راپور ورکړی، چې له مراکش څخه د اسپانیا سیوټا ښارګوټي ته د کډوالو د بېساري ورتګ له کبله د مړو شمېر لږ تر لږه ۷۲ کسانو ته لوړ شوی دی. چارواکي وایي، د یکشنبې پر ورځ د شمالي افریقا پر ساحل د پېنځه نورو جسدونو له موندلو وروسته د مړو شمېر زیات شوی دی.
د اسپانیا چارواکو ویلي، له پنجشنبې راپدېخوا له ۵۰ زره څخه ډېر کسان د ځمکې او سمندر له لارې سیوټا ته اوښتي؛ خو په تېرو ۴۸ ساعتونو کې له ۴۸ زره ډېر مراکش ته بېرته ستانه کړ شوي او د اوونۍ په پای کې هم د ستنولو لړۍ روانه وه.
د سیوټا اسپانیاوي حکومت استازي میګیل انخېل پریز ویلي، د ۷۲ مړو ترڅنګ له زر څخه ډېرو کسانو ته روغتیايي خدمتونه وړاندې شوي دي.
د هغه د څرګندونو له مخې، وضعیت تر ډېره ښه شوی؛ خو عادي حالت ته د بېرته ستنېدا لپاره اوس هم نورو هڅو ته اړتیا ده.
راپور زیاتوي، یو شمېر کډوال د سمندر په اوبو کې ډوب شوي او ځینې نور د بندر له څپرمات او سرحدي کټارو څخه د اوښتو پر مهال تر پښو لاندې شوي دي. ویل کېږي، چې اقتصادي ستونزو او په ټولنیزو رسنیو کې خپرو شویو ناسمو معلوماتو ډېر کسان دې سفر ته هڅولي وه.
د مراکش کورنیو چارو وزارت بیا ویلي، د دوی د معلوماتو له مخې ۱۱ تنه، چې ډېری یې د ډوبېدا له کبله مړه شوي او د سرحد بلې غاړې د راپورونو د ارزونې چارې روانې دي.
دغه وزارت د کډوالو د دې پراخ ورتګ پړه پر ناسمو ټولنیزو رسنیو، د انسان قاچاقبرو شبکو او د اسپانیا د یوې قضایي پرېکړې پر ناسم تعبیر اچولې ده.
دغه راز د سیوټا رییس خوان خیسوس ویواس د ال پاییس ورځپاڼې ته ویلي؛ د ښار سړخونې ته ۸۸ جسدونه لېږدول شوي، چې په کې د هغو کسانو مړي هم دي، چې په تېرو دوه اوونیو کې د شپې له لارې د اوښتو په نورو پېښو کې مړه شوي وه.
له پېښې وروسته اسپانیاوي چارواکو امنیتي ځواکونه پیاوړي کړي او د سیوټا پر ساحل یې ۵۰۰ مټره اوږد لامبو وهونکی خنډ هم نصب کړی دی.
دغه راز د اروپايي ټولنې ۲۲ غړیو هېوادونو د یوې ګډې لیکلې غوښتنې له لارې د بهرنیو پولو د ساتنې لپاره د همغږو هڅو غوښتنه کړې ده.
ایټالیا هم له اسپانیا سره د شینګن د بېوېزې تګ راتګ ترتیبات د یوې میاشتې لپاره ځنډولي دي.
اسپانیا، چې د ډېرو اروپايي هېوادونو پر پرتله د کډوالو پر وړاندې نرم دریځ لري؛ وایي: د بېاسنادو کډوالو د استوګنې نوی پروګرام د سیوټا د وروستۍ څپې لامل نهدی او هغه کسان، چې په ناقانونه توګه سیوټا ته ننوځي؛ د اسپانیا اصلي خاورې یا د شینګن نورو هېوادونو ته د تګ اجازه نهلري.
نړۍ
د امریکا آیډاهو ایالت په سوداګریز مرکز کې ډزې؛ درې کسان ووژل شول
د پولیسو د څرګندونو له مخې، دا پېښه پر سیمهییز وخت(شنبه د غرمې شاوخوا ۲:۳۰ ) د یوې ګڼې ګوڼې لرونکې سوداګریزې سیمې په «ان-انډ-اوټ برګر» رسټورانټ ته نږدې رامنځته شوې ده.
د امریکا سیمهییزو چارواکو ویلي، چې د آیډاهو ایالت په ټوین فالز ښار کې د یوه سوداګریز مرکز دننه د ډزو په پایله کې درې کسان د بریدګر پهګډون وژل شوي او لږ تر لږه دوه نور ټپیان دي.
د پولیسو د څرګندونو له مخې، دا پېښه پر سیمهییز وخت(شنبه د غرمې شاوخوا ۲:۳۰ ) د یوې ګڼې ګوڼې لرونکې سوداګریزې سیمې په «ان-انډ-اوټ برګر» رسټورانټ ته نږدې رامنځته شوې ده.
د ټوین فالز ښار د پولیسو رییس میټیو هیکس ویلي، بریدګر د وژل شویو کسانو له ډلې دی او د خلکو پر وړاندې ګواښ پای ته رسېدلی دی.
هغه زیاته کړې، امنیتي ځواکونه د بریدګر د هویت معلومولو او د ډزو د انګېزې د څېړلو په حال کې دي.
سیمهییزو چارواکو ویلي، لږ تر لږه دوه ټپیان د درملنې لپاره روغتیايي مرکزونو ته لېږدول شوي؛ خو د هغوی د روغتیايي وضعیت په اړه نور جزئیات ورکړ شوي نهدي.
له پېښې وروسته پولیسو د پېښې ځای ته غځېدلې لارې او نږدې یو پل په لنډمهاله توګه تړلي او د ډزو په اړه څېړنې اوس هم روانې دي.
نړۍ
څار: له پاکستان څخه د منځنۍ آسیا او ایران لوري ته د سوداګرۍ بدلون
-
تازه خبرونه5 days agoد نورستان سیلابځپلیو ته به هر اړخیزه رسېدنه وشي – ملا برادر په نورستان کې
-
تازه خبرونه2 days agoد افغانستان او ایرلینډ لومړۍ یوورځنۍ لوبه د باران له کبله لغوه شوه
-
تازه خبرونه4 days agoد سفر بندیز د افغان کورنیو د یوځای کېدا خنډ نهشي کېدی ـ د امریکا محکمه
-
تازه خبرونه4 days agoچین او پاکستان د ترهګرۍ ضد همکارۍ پر پراختیا ټینګار وکړ
-
تازه خبرونه4 days agoد ملګرو ملتونو امنیت شورا به واک ته د اسلامي امارت د بېرته رسېدا اغېزې وارزوي
-
تازه خبرونه4 days agoپه افغانستان کې د ماشومانو د خوارځواکۍ کړکېچ د ژورېدا په حال کې دی ـ د خوړو نړیوال پروګرام
-
ساینس او ټیکنالوژي2 days agoساینسپوهانو د لمر تر ټولو روښانه انځور ثبت کړ
-
نړۍ5 days agoاسپانیا ته د کډوالو د ورتګ مرګ او ژوبله ۷۲ ته لوړه شوه؛ اروپايي ټولنه د ګډ اقدام غوښتونکې شوه
