په خوست، غزني، سمنګان، کاپیسا، کندوز، غور، بدخشان او روزګان ولایتونو کې۱۶ میرمنې، چې له خپلو شرعي حقونو څخه بې برخې وې؛ له شرعي  حقونو برخمنې کړې.

محتسبینو زیاته کړې؛ دوی د میرمنو د شرعي حقونو ورکړې ته ژمن دې او هیچاته به اجازه ور نکړي، چې د میرمنو شرعي حقوق تر پښو لاندې کړي.

ویل کیږي، چې د یاد وزارت محتسبینو د هېواد پر کچه د میرمنو حقونو ته د لاسرسي په برخه کې زرګونه بېلا بېلو قضیو ته رسېدنه کړې، چې په کې د میراث، کورني تاوتریخوالي، ولور، په بدو کې ورکړې او غیر شرعي نکاح ګانو قضیې حل شوې دې.

د افغانستان د پوځ ستر درستیز فصیح‌الدین فطرت د یکشنبې پر ورځ( د مرغومي اته‌ویشتمه) قطر ته پر سفر ولاړ، چې په د دوحې نړیوال دفاعي نندارتون او کنفرانس (DIMDEX 2026) کې ګډون وکړي.

د ملي دفاع وزارت ویاند عنایت‌الله خوارزمي په ایکس له دې سفره خبر ورکړی دی.

د دوحې نړیوال دفاعي  نندارتون او کنفرانس (DIMDEX) به د جنورۍ له نولسمې څخه تر دوه‌ویشتمې پورې ترسره شي.

ویل کیږي، چې سږنی DIMDEX بهو چې له ۲۰۰۸ کال له پیل راپدېخوا تر سره کیږي تر ټولو ستره ننداره وي.

د کار او ټولنیزو چارو وزارت څرګنده کړې، چې دا وزارت غواړي له خصوصي روزنتونونو څخه حکومتي روزنتونونو ته ماشومان ولېږدوي.

یاد وزارت زیاته کړې، چې له دې کار څخه یې موخه د غوره آسانتیاوو او زده‌کړو برابرول دي.

د کار او ټولنیزو چارو وزارت ټینګار کړی، چې اسلامي امارت په ټولو ولایتونو کې د بې سرپرسته هلکانو او نجونو لپاره جلا روزنتونونه جوړ کړي، چې له ۱۰۰۰۰ څخه ډېر ماشومان په کې تر روزنې او پالنې لاندې نیول شوي دي.