Connect with us

تازه خبرونه

خلیلزاد د سولې لپاره کابل، دوحې او سیمې ته سفر پیل کړی

خپور شوی

د

(Last Updated On: )

د افغانستان د سولې لپاره د امریکا ځانګړي استازي زلمي خلیلزاد په مشرۍ د ملي امنیت شورا، دفاع وزارت او د یو اس آی ډي د دفتر د استازیو په ګډون یو پلاوي د روان زېږدیز کال د جون پر څلورمه کابل، دوحې او د سیمې نورو هېوادونو ته خپل سفر پیل کړی دی.

د امریکا د بهرنیو چارو وزارت د څرګندونو له مخې؛ خلیلزاد او ورسره مل پلاوي یې د جمعې پر ورځ له امریکا څخه سفر پیل کړی؛ له کابل، دوحې او د سیمې نورو هېوادونو څخه به لیدنه وکړي.

د امریکا د بهرنیو چارو وزارت په ډاګه کړې؛ دغه پلاوی به په کابل کې د سولې بهیر په اړه د افغان حکومتي چارواکو، بېلابېلو سیاسي مشرانو او د میرمنو په ګډون د مدني ټولنې د استازیو نظرونه واوري.

د یادې سرچینې د خبرپاڼې له مخې: دغه پلاوی به د افغانستان د پرمختګ او سیاسي جوړجاړي لپاره د امریکا پر دوامداره ملاتړ ټینګار وکړي.

د امریکا دغه استازی خلیلزاد به په دوحه کې دواړه لوري وهڅوي، چې د سیاسي جوړجاړي پر لوري د پام وړ پرمختګ وکړي او د تېرو دوه لسیزو لاسته راوړنې هم خوندي کړي.

په خبرپاڼه کې راغلي: سفیر خلیلزاد به د سیمې د هېوادونو له مشرانو سره د افغانستان د سولې بهیر او د سیمه ییزې سوداګرۍ پر پرمختګونو، چې د سولې راوستو لامل کیږي؛ بحث اوخبرې وکړي.

دا سفر د افغانستان له خلکو سره د واشنګټن د ۲۶۶ میلیونه ډالرو د نوې بشري مرستې له اعلان وروسته پیلیږي. امریکا له ۲۰۰۲ کال راپدیخوا  نږدې ۳.۹ بېلیون ډالر مرسته کړې ده.

په اعلامیه کې راغلي: د امریکا د خلکو دغه بسپنه به زمونږ له نړیوالو بشري همکارانو سره مرسته وکړي، چې په افغانستان کې له شاوخوا ۱۸ میلیون اړو خلکو په ځانګړي توګه ۴.۸ میلیون بېځایه شویو کورنیو ملاتړ وشي.

 دا مرستې به د ژغورنې، سرپناه برابرولو، د ژوندانه د فرصتونو، اړینو روغتیایي پاملرنو، بېړنیو خواړو، پاکو اوبو، روغتیا ساتنې، او حفظ الصحې ته لاسرسي چمتو او له کرونا ویروسي ناروغیو څخه رامنځته شويو اړتیاوو ته ځواب ووایی.

د یادونې ده، چې پر دې سربېره به دا مرسته د ډېرو زیان منونکیو افغانانو د اړتیاوو په حل کې مرسته وکړي او دغه راز به له هغو ښځو او نجونو سره، چې د ځانګړو خطرونو په ګډون د جندر پر بنسټ د تاوتریخوالي، وبا او اوږدې جګړو له زیانونو سره مخ دي؛ په مخنیوي کې د پام وړ بدلون رامنځته کړي.

تازه خبرونه

ترکیې د هرات له زلزله ځپلیو سره بشري مرسته وکړه

د هرات سرې میاشتې ټولنې د رسنیو دفتر لیکلي، چې په دغو مرستو کې اوړه، خیمې، کمبلې، ویلچیرونه، روغتیايي کڅوړې او د اړتیا وړ توکي شته دي.

Published

on

(Last Updated On: )

د ترکیې حکومت د هرات زلزله ځپلیو ته د بشري مرستو د توکو یوه ټولګه رالېږلې ده.

د لویديځ زون د سرې مياشتې ټولنې دفتر په يوه خبرپاڼه کې ليکلي، چې د تورغونډۍ بندر له لارې د ترکيې د بشري مرستو نهمه ټولګه، چې شاوخوا ٦٢٠ ټنه خوراکي او غير خوراکي توکي لري؛ هرات ته را رسېدلې ده.

د هرات سرې میاشتې ټولنې د رسنیو دفتر لیکلي، چې په دغو مرستو کې اوړه، خیمې، کمبلې، ویلچیرونه، روغتیايي کڅوړې او د اړتیا وړ توکي شته دي.

دغه مرستې د لویديځ زون سرې مياشتې ټولنې ادارې ته سپارل شوې دي، چې ټاکل شوې په راتلونکیو څو ورځو کې د دغه ولايت پر زلزله ځپلیو ووېشل شي.

دې ته ورته نور خبرونه: 

د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ

مرستې ورو او ناعادلانه دي – د هرات زلزله ځپلي

 

Continue Reading

تازه خبرونه

حماس د م.م د اوربند پرېکړه لیک منلی او پر جزئیاتو خبرو ته چمتو دی

ابو زهري وایي: د امریکا اوس له یوې رښتینې ازموینې سره مخ ده، چې د ملګرو ملتونو د امنیت شورا د پرېکړه لیک پر پلي کولو د اشغال او جګړې د پای ته رسولو په برخه کې خپلې ژمنې پلې کړي – رویټرز

Published

on

(Last Updated On: )

د سې شنبې پر ورځ د حماس یوه لوړپوړي چارواکي سامي ابو زهري رویټرز ویلي؛ حماس د ملګرو ملتونو امنیت شورا د اوربند پرېکړه لیک مني او چمتو دی، چې د جزئیاتو په اړه خبرې اترې وکړي او اوس واشنګټن کار دی، چې له اسرائیلو څخه د اطاعت ډاډ ترلاسه کړي.

نوموړي زیاته کړې؛ حماس د اوربند، د اسرائیلي ځواکونو د وتلو او د یرغمل شویو بندیانو د تبادلې په اړه د ملګرو ملتونو د امنیت شورا پرېکړه لیک مني.

ابو زهري وایي: د امریکا اوس له یوې رښتینې ازموینې سره مخ ده، چې د ملګرو ملتونو د امنیت شورا د پرېکړه لیک پر پلي کولو د اشغال او جګړې د پای ته رسولو په برخه کې خپلې ژمنې پلې کړي – رویټرز

ورته خبرونه:

د ملګرو ملتونو امنیت شورا په غزه کې د اوربند له طرحې ملاتړ وکړ

د اسرائیلو د جګړې د کابینې وزیر ګوښه شو

 

Continue Reading

تازه خبرونه

په افغانستان کې د ښځو د حقونو د وضعیت په اړه اندېښنې زیاتې شوي

Published

on

(Last Updated On: )

د ملګرو ملتونو د ښځو چارو ادارې ويلي؛ په افغانستان کې د ۲۰۲۱ کال د اګست له سیاسي بدلون وروسته د ښځو له حقونو څخه د سرغړونې کچه او اغېز بې‌ساری دی، چې د افغان ښځو ۴۰ کلن پرمختګ یې په درې کلونو کې له منځه وړی دی .
ملګرو ملتونو په خپل نوي راپور کې پر افغان ښځو د لګول شویو بندیزونو د پای ته رسولو لپاره د بېړني نړیوال اقدام غوښتنه کړې ده.
د ملګرو ملتونو د ښځو څانګې ویلي، چې یوازې په سلو کې یوه ښځه احساس کوي، چې دوی په ټولنه کې نفوذ لري او نږدې ټولو نورو ښځو د غوراوي او د خپل واک او نفوذ د له لاسه ورکولو خبره کړې ده.
د ملګرو ملتونو د ښځو د څانګې بنسټ په راپور کې راغلي: په افغانستان کې اوسنی وضعیت د جنسیتي برابرۍ پر وړاندې بې سارې ننګونې وړاندې کوي؛ د ۲۰۲۱ کال له اګست راپدیخوا طالبانو په سیسټماټیک ډول د افغانستان حقوقي بنسټونه له منځه وړي دي. په ځانګړي توګه هغه کسان، چې د جنسیت د برابرۍ او د ښځو د پیاوړتیا په برخه کې یې د پرمختګ ملاتړ کړی؛ هدف ګرځول شوي دي.
په دې څېړنه کې ملګرو ملتونو په افغانستان کې د ښځو او نجونو پر زده‌کړو محدودیتونه د میندو له مړینې سره تړلي او څرګندوي، چې له ښوونځیو څخه د یو اعشاریه یو میلیون نجونو ایستل او په پوهنتون کې د څه باندې سل زره نورو پر زده‌کړو بندیز پر اوسني نسل ناوړه اغېزې لري، چې په دې هېواد کې یې د میندو له مړینې سره مرسته کړې ده.
د اسلامي امارت د ویاند مرستیال حمدالله فطرت ویلي، چې په هېواد کې د ښځو حقوق تر بل هر وخت زیات د شریعت له مخې خوندي دي.
ملګرو ملتونو او اروپايي ټولنې ټینګار کړی، چې د ښځو د ټولنو او مدني ټولنو د پیاوړتیا او ملاتړ لپاره د اوسني وضعیت د بدلولو لپاره باید یوه بودجه په پام کې ونیول شي او د ټولو مرستو لږ تر لږه ۳۰ سلنه د جنسیتي برابرۍ او مساواتو لپاره ځانګړې شي.
دغه راز ټاکل شوې، چې د ملګرو ملتونو پر کوربتوب د افغانستان په اړه د دوحې درېیمه غونډه د روانې میاشتې په پای کې جوړه شي. له دې مخکې د بشري حقونو ټولنو له ملګرو ملتونو غوښتي وه، چې د افغان ښځو حقونه دې د دې غونډې اصلي محور وي او د ژوند په ټولو برخو کې دې د ښځو بشپړ، برابر او معنوي ګډون ډاډمن شي.

Continue Reading

Trending

Copyright © 2022 Ariana News. All rights reserved!