تازه خبرونه
په بدخشان كې غره ښوييدنې ۲۵۰۰ كسان مړه كړي
د بدخشان ولايت چارواكي وايي، د ارگو ولسوالۍ په آب باريك په سيمه كې د غره ښوييدنې له كبله ۲۵۰۰ كسان مړه شوي ، چې ۳۰۰ كورنۍ يې تر خاورو لاندې كړي دي.
د بدخشان والي شاه والی الله ادیب وايي، د پلټنې چارې روانې دي؛ خو داسې ښكاري، چې غره لاندې كړي كسان ټول مړه شوي وي.
ښاغلي ادیب وویل د غر ښویېدنې دوه پېښې د یوه ساعت په توپير رامنځ ته شوې.
د ښاغلي اديب په وينا، په دې كلي كې ۷۰۰ كورنۍ اوسيږي، چې ډېري يې په تېښته بريالي شوي او له سيمې وتلي؛ خو په آزاده هوا كې له لږو امكاناتو سره مرگونى حالت لري.
د بدخشان امنيه قوماندان فضل الدين عيار وايي، چې پېښه د ارگو ولسوالۍ د آب خشك په كلي كې را منځته شوې ده.
د بدخشان امنيه قوماندان وايي، كافي وسايل نه لرو او ممكن تر خاورو لاندې شوې كورونه او خلك تر يوې اوونۍ پورې له خاورو را ونه ويستل شي.
د افغانستان د كورنيو چارو وزارت امنيتي مرستيال جنرال ايوب سالنگي وايي، سيمې ته پوليس روان شوي، چې زيانمنو شويو ته مرستې ورسول شي.
ويل كيږي، كومه سيمه كې، چې پېښه شوې اووه سوه كورنۍ استوگنه لري.
شاوخوا شل ورځې مخكې هم د بدخشان په گاونډ ولايت تخار كې هم غره ښوييدنې ۱۲۰ كورنۍ اړې كړې، چې سيمه پريږدي. دا پېښه د رستاق ولسوالۍ د خواجه خيزاب په كلي كې شوې وه، چې په كې د خلكو كورنه ويجاړ شول؛ خو چاته په كې مرگ و ژوبله وانوښته.
څو ورځې مخكې هم په سرپل، فارياب او حوزجان ولايتونو كې سيلابونو له سل زيات كسان مړه كړل او سلگونه كورنۍ هم بې ځايه شوې.
د يادونې وړ ده، چې زيانمنه سيمه د بدخشان له مركز فيض آباد په ۶۰ كيلو مترۍ كې پرته ده.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه21 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه21 hours ago
په عراق کې به همجنسبازان پر۱۵ کاله بند شي –پارلمان
-
لوبی19 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل